Agni Purana · Chapter 218

:e ity āgneye mahāpurāṇe gāyatrīnirvāṇaṃ nāma
saptadaśādhikadviśatatamo 'dhyāyaḥ ||
:n
1 tattvaliṅgāyeti kha.. , cha.. ca
2 nama indriyaliṅgāyetyādiḥ sattvaliṅgāya vai nama ity antaḥ
pāṭhaḥ ja.. pustake nāsti
3 namo vāgūrdhvaliṅgāyeti gha..
4 namaste sarvaliṅgāya nāmaliṅgāyeti kha.. , cha.. ca
5 namo 'nāgataliṅgāyetyādiḥ devānugataliṅgine ity antaḥ
pāṭhaḥ ja.. pustake nāsti
6 paramātmā paraṃvibho iti ja..
:p 290
% Chapter {218}
:ś athāṣṭādaśādhikadviśatatamo 'dhyāyaḥ
rājābhiṣekakathanaṃ
agnir uvāca
puṣkareṇa ca rāmāya rājadharmaṃ hi pṛcchate /AP_218.001ab/
yathādau kathitaṃ tadvadvaśiṣṭa kathayāmi te

puṣkara uvāca
rājadharmaṃ pravakṣyāmi sarvasmāt rājadharmataḥ /AP_218.002ab/
rājā bhavet(1) śatruhantā prajāpālaḥ sudaṇḍavān

pālayiṣyati vaḥ sarvān dharmasthān vratamācaret /AP_218.003ab/
saṃvatsaraṃ sa vṛṇuyāt purohitamatha dvijaṃ(2)

mantriṇaścākhilātmajñānmahiṣīṃ dharmalakṣaṇāṃ /AP_218.004ab/
saṃvatsaraṃ nṛpaḥ kāle sasambhāro 'bhiṣecanaṃ

kuryānmṛte nṛpe nātra kālasya niyamaḥ smṛtaḥ /AP_218.005ab/
tilaiḥ siddhārthakaiḥ snānaṃ sāṃvatsarapurohitau

ghoṣayitvā jayaṃ rājño rājā bhadrāsane sthitaḥ /AP_218.006ab/
abhayaṃ ghoṣayed durgānmocayedrājyapālake

purodhasābhiṣekāt prāk kāryaindrī śāntireva ca /AP_218.007ab/
upavāsyabhiṣekāhe vedyagnau juhuyānmanūn(3)

:n
1 rājā hariti cha.. , kha.. , gha.. , ja.. , ña.. , ṭa.. ca
2 purohitamathartvijamiti kha.. , gha.. , cha.. , ja.. , ṭa.. ca
3 juhuyādamūniti ṅa..
:p 291
vaiṣṇavānaindramantrāṃstu sāvitrīn vaiśvadaivatān /AP_218.008ab/
saumyān svastyayanaṃ śarmāyuṣyābhayadānmanūn

aparājitāñca kalasaṃ vahnerdakṣiṇapārśvagaṃ /AP_218.009ab/
sampātavantaṃ haimañca pūjayedgandhapuṣpakaiḥ

pradakṣiṇāvartaśikhastaptajāmbūnadaprabhaḥ /AP_218.010ab/
rathaughameghanirghoṣo vidhūmaś ca hutāśanaḥ

anulomaḥ sugandhaś ca svastikākārasannibhaḥ /AP_218.011ab/
prasannārcirmahājvālaḥ sphuliṅgarahito hitaḥ

na vrajeyuś ca madhyena mārjāramṛgapakṣiṇaḥ /AP_218.012ab/
parvatāgramṛdā tāvanmūrdhānaṃ śodhayennṛpaḥ

valmīkāgramṛdā karṇau vadanaṃ keśavālayāt /AP_218.013ab/
indrālayamṛdā(1) grīvāṃ hṛdayantu nṛpājirāt

karidantoddhṛtamṛdā dakṣiṇantu tathā bhujaṃ /AP_218.014ab/
vṛṣaśṛṅgoddhṛtamṛdā vāmañcaiva tathā bhujaṃ

saromṛdā tathā pṛṣṭhamudaraṃ saṅgamān mṛdā /AP_218.015ab/
nadītaṭadvayamṛdā pārśve saṃśodhayettathā(2)

veśyādvāramṛdā rājñaḥ kaṭiśaucaṃ vidhīyate /AP_218.016ab/
yajñasthānāttathaivorū gosthānājjānunī tathā

aśvasthānāttathā jaṅghe rathacakramṛdāṅghrike /AP_218.017ab/
mūrdhānaṃ pañcagavyena bhadrāsanagataṃ nṛpaṃ

abhiṣiñcedamātyānāṃ catuṣṭayamatho ghaṭaiḥ /AP_218.018ab/
:n
1 candrālayamṛdeti ja..
2 saromṛdetyādiḥ saṃśodhayettathetyantaḥ pāṭhaḥ ja.. pustake
nāsti
:p 292
pūrvato hemakumbhena ghṛtapūrṇena brāhaṇaḥ

rūpyakumbhena yāmye ca kṣīrapūrṇena kṣatriyaḥ /AP_218.019ab/
dadhnā ca tāmrakumbhena vaiśyaḥ paścimagena ca

mṛṇmayena jalenodak śūdrāmātyo 'bhiṣicayet /AP_218.020ab/
tato 'bhiṣekaṃ nṛpaterbahvṛcapravaro dvijaḥ

kurvīta madhunā vipraśchandogaś ca kuśodakaiḥ /AP_218.021ab/
sampātavantaṃ kalaśaṃ tathā gatvā purohitaḥ

vidhāya vahnirakṣāntu sadasyeṣu yathāvidhi /AP_218.022ab/
rājaśriyābhiṣeke ca ye mantrāḥ parikīrtitāḥ

taistu dadyānmahābhāga brāhmaṇānāṃ svanais tathā /AP_218.023ab/
tataḥ purohito gacchedvedimūlantadeva tu(1)

śatacchidreṇa pātreṇa sauvarṇenābhiṣecayet /AP_218.024ab/
yā oṣadhītyoṣadhībhīrathetyuktveti gandhakaiḥ

puṣpaiḥ puṣpavatītyeva brāhmaṇeti ca vījakaiḥ(2) /AP_218.025ab/
ratnair āśuḥ śiśānaś ca ye devāś ca kuśodakaiḥ

yajurvedyatharvavedī(3) gandhadvāreti saṃspṛśet /AP_218.026ab/
śiraḥ kaṇṭhaṃ rocanayā sarvatīrthodakair dvijāḥ

gītavādyādinirghoṣaiścāmaravyajanādibhiḥ /AP_218.027ab/
sarvauṣadhimayaṃ kumbhaṃ dhārayeyurnṛpāgrataḥ

taṃ paśyeddarpaṇaṃ rājā ghṛtaṃ vai maṅgalādikaṃ /AP_218.028ab/
abhyarcya viṣṇuṃ brahmāṇamindrādīṃś ca graheśvarān(4)

:n
1 vedimūlantathaiva tu iri kha..
2 dīpakair iti ṅa..
3 yajurvedyatha ṛgvedī iti ṅa..
4 grahādikāniti kha.. , ga.. , gha.. ca
:p 293
vyāghracarmottarāṃ śayyāmupaviṣṭaḥ purohitaḥ /AP_218.029ab/
madhuparkādikaṃ dattvā paṭṭabandhaṃ prakārayet

rājñomukuṭabandhañca pañcacarmottaraṃ dadet /AP_218.030ab/
dhruvādyair iti ca viśed vṛṣajaṃ vṛṣadaṃśajaṃ

dvīpijaṃ siṃhajaṃ vyāghrajātañcarma tadāsane /AP_218.031ab/
amātyasacivādīṃś ca pratīhāraḥ pradarśayet

gojāvigṛhadānādyaiḥ sāṃvatsarapurohitau /AP_218.032ab/
pūjayitvā dvijān prārcya hy anyabhūgonnamukhyakaiḥ

vahniṃ pradakṣiṇīkṛtya guruṃ natvātha pṛṣṭhataḥ /AP_218.033ab/
vṛṣamālabhya gāṃ vatsāṃ pūjayitvātha mantritaṃ

aśvamāruhya nāgañca pūjayettaṃ samāruhet /AP_218.034ab/
paribhramedrājamārge balayuktaḥ pradakṣiṇaṃ

puraṃ viśecca dānādyaiḥ prārcya sarvān visarjayet