Agni Purana · Chapter 205

:e ity āgneye mahāpurāṇe māsopavāsavrataṃ nāma
caturadhikadviśatatamo 'dhyāyaḥ ||
% Chapter {205}
:ś atha pañcādhikadviśatatamo 'dhyāyaḥ
bhīṣmapañcakavrataṃ
agnir uvāca
bhīṣmapañcakamākhyāsye vratarājantu sarvadaṃ /AP_205.001ab/
kārttikasyāmale pakṣe ekādaśyāṃ samacaret

dināni pañcatriḥsnātī pañcavrīhitilais tathā(1) /AP_205.002ab/
tarpayeddevapitrādīn maunī sampūjayeddhariṃ

pañcagavyena saṃsnāpya devaṃ pañcāmṛtena ca /AP_205.003ab/
candanādyaiḥ samālipya gugguluṃ saghṛtandahet

dīpaṃ dadyāddivārātrau naivedyaṃ paramānnakaṃ /AP_205.004ab/
oṃ namo vāsudevāya japedaṣṭottaraṃ śataṃ

:n
1 yavavrīhitilaistatheti gha.. , ṅa.. , cha.. , ja.. ca
:p 248
juhuyācca ghṛtābhyaktāṃstilavrīhīṃstato vratī /AP_205.005ab/
ṣaḍakṣareṇa mantreṇa svāhākārānvitena ca

kamalaiḥ pūjayet pādau dvitīye bilvapatrakaiḥ /AP_205.006ab/
jānu sakthi tṛtīye 'tha nābhiṃ bhṛṅgarajena tu

vāṇabilvajavābhistu caturthe pañcame 'hani /AP_205.007ab/
mālatyā bhūmiśāyī syādekādaśyāntu gomayaṃ

gomūtraṃ dadhi dugdhaṃ ca pañcame pañcagavyakaṃ /AP_205.008ab/
paurṇamāsyāñcarennaktaṃ bhuktiṃ muktiṃ labhedvratī

bhīṣmaḥ kṛtvā hariṃ prāptastenaiva(1) bhīṣmapañcakaṃ /AP_205.009ab/
brāhmaṇaḥ pūjanādyaiś ca upavāsādikaṃ vrataṃ(2)