Agni Purana · Chapter 204

ekādaśīvratakaro bhīṣmapañcakasad vratī /AP_203.024ab/
:e ity āgneye mahāpurāṇe narakasvarūpavarṇanaṃ nāma
tryadhikadviśatatamo 'dhyāyaḥ ||
:n
1 kṣārakūpe iti kha.. , cha.. ca
2 mahāprete tu bhedana iti kha.. , ga.. , gha.. , ḍa.. , cha.. , ja.. ca
:p 245
% Chapter {204}
:ś atha caturadhikadviśatatamo 'dhyāyaḥ
māsopavāsavrataṃ
agnir uvāca
vrataṃ māsopavāsañca(1) sarvotkṛṣṭaṃ vadāmi te /AP_204.001ab/
kṛtvā tu vaiṣṇavaṃ yajñaṃ gurorājñāmavāpya ca

kṛcchrādyaiḥ svabalaṃ buddhvā kuryān māsopavāsakaṃ /AP_204.002ab/
vānaprastho yatirvātha nārī vā vidhavā mune

āśvinasyāmale pakṣe ekādaśyāmupoṣitaḥ /AP_204.003ab/
vratametattu gṛhṇīyādyāvattriṃśaddināni tu

adyaprabhṛtyahaṃ viṣṇo yāvadutthānakantava /AP_204.004ab/
arcayetvāmanaśnan hi yāvat triṃśaddināni tu

kārttikāśvinayorviṣṇoryāvadutthānakantava /AP_204.005ab/
mriye yadyantarāle 'haṃ vratabhaṅgo na me bhavet

trikālaṃ pūjayedviṣṇuṃ triḥsnāto gandhapuṣpakaiḥ /AP_204.006ab/
viṣṇorgītādikaṃ japyandhyānaṃ kuryād vratī naraḥ

vṛthāvādampariharedarthākāṅkṣāṃ vivarjayet(2) /AP_204.007ab/
nāvratasthaṃ spṛśet kañcidvikarmasthānna cālayet

:n
1 vrataṃ māsopavāsākhyamiti gha.. , ja.. ca
2 annākāṅkṣāṃ vivarjayediti gha.. , ṅa.. ca
:p 246
devatāyatane tiṣṭhedyāvat triṃśaddināni tu /AP_204.008ab/
dvādaśyāṃ pūjayitvā tu bhojayitvā dvijānvratī

samāpya dakṣiṇāṃ dattvā pāraṇantu samācaret /AP_204.009ab/
bhuktimuktimavāpnoti kalpāṃś caiva trayodaśa

kārayedvaiṣṇavaṃ yajñaṃ yajedviprāṃstrayodaśa /AP_204.010ab/
tāvanti vastrayugmāni bhājanānyāsanāni ca

chatrāṇi sapavitrāṇi tathopānadyugāni ca(1) /AP_204.011ab/
yogapaṭṭopavītāni dadyādviprāya tairmataḥ(2)

anyaviprāya śayyāyāṃ haimaṃ viṣṇuṃ prapūjya ca /AP_204.012ab/
ātmanaś ca tathāmūrtiṃ vastrādyaiś ca prapūjayet

sarvapāpavinirmukto vipro viṣṇuprasādataḥ /AP_204.013ab/
viṣṇulokaṃ gamiṣyāmi viṣṇureva bhavāmyahaṃ

vraja vraja devabuddhe viṣṇoḥ sthānamanāmayaṃ /AP_204.014ab/
vimānenāmalastatra tiṣṭhed viṣṇusvarūpadhṛk

dvijānuktvātha(3) tāṃ śayyāṃ gurave 'tha nivedayet /AP_204.015ab/
kulānāṃ śatamuddhṛtya viṣṇulokannayed vratī

māsopavāsī yaddeśe sa deśo nirmalo bhavet /AP_204.016ab/
kiṃ punastatkulaṃ sarvaṃ yatra māsopavāsakṛt

vratasthaṃ mūrchitaṃ dṛṣṭvā kṣīrājyañcaiva pāyayet /AP_204.017ab/
naite vrataṃ vinighranti havirviprānumoditaṃ

:n
1 tataḥ pānayutāni ceti kha..
2 vai nata iti gha..
3 dvijān natvātheti ṅa..
:p 247
kṣīraṃ gurorhitauṣadhva āpo mūlaphalāni ca /AP_204.018ab/
viṣṇurmahauṣadhaṃ kartā vratamasmāt samuddharet