Agni Purana · Chapter 206

:e ity āgneye mahāpurāṇe bhīṣmapañcakaṃ nāma
pañcādhikadviśatatamo 'dhyāyaḥ ||
% Chapter {206}
:ś atha ṣaḍadhikadviśatatamo 'dhyāyaḥ
agastyārghyadānakathanaṃ
agnir uvāca
agastyo bhagavānviṣṇustamabhyarcyāpnuyāddhariṃ /AP_206.001ab/
aprāpte bhāskare kanyāṃ satribhāgaistribhirdinaiḥ

:n
1 hariṃ lebhe tenaitaditi ga.. / hariṃ prāpa tenaitaditi ṅa.. / hariṃ
prāptastenaitaditi ja.. , ṭa.. ca
2 pūjanātpañca upavāsādajavratamiti ga.. , gha.. , ṅa.. , ja.. , ña.. , ḍa..
ca
:p 249
arghyaṃ dadyādagastyāya pūjayitvā hy upoṣitaḥ /AP_206.002ab/
kāśapuṣpamayīṃ mūrtiṃ pradoṣe vinyased ghaṭe

muneryajettāṃ kumbhasthāṃ rātrau kuryāt prajāgaraṃ /AP_206.003ab/
agastya miniśārdūla tejorāśe mahāmate(1)

imāṃ mama kṛtāṃ pūjāṃ gṛhṇīṣva priyayā saha /AP_206.004ab/
āvāhyārghye ca sammukhyaṃ prārcayeccandanādinā

jalāśayasamīpe tu prātarnītvārghyamarpayet /AP_206.005ab/
kāśapuṣpapratīkāśa agnimārutasambhava(2)

mitrāvaruṇayoḥ putra kumbhayone namo 'stu te /AP_206.006ab/
ātāpirbhakṣito yena vātāpiś ca mahāsuraḥ

samudraḥ śoṣito yena so 'gastyaḥ sammukho 'stu me /AP_206.007ab/
agastiṃ prārthayiṣyāmi karmaṇā manasā girā

arcayisyāmyahaṃ maitraṃ paralokābhikāṅkṣayā /AP_206.008ab/
dvīpāntarasamutpannaṃ devānāṃ paramaṃ priyaṃ

rājānaṃ sarvavṛkṣāṇāṃ candanaṃ pratigṛhyatāṃ(3) /AP_206.009ab/
dharmārthakāmamokṣāṇāṃ bhājanī pāpanāśanī

saubhāgyārogyalakṣmīdā puṣpamālā pragṛhyatāṃ /AP_206.010ab/
dhūpo 'yaṃ gṛhyatāṃ deva bhaktiṃ me hy acalāṅkuru

īpsitaṃ me varaṃ dehi paratra ca śubhāṅgatiṃ /AP_206.011ab/
surāsurairmuniśreṣṭha sarvakāmaphalaprada

:n
1 tejorāśe mahādyute iti ga.. , gha.. , cha.. , ja.. , jha.. , ña.. , ṭa.. ca /
tejorāśe jagatpate iti ṅa..
2 vahnimārutasambhaveti jha..
3 candanaṃ me pragṛhyanāmiti ja.. , ña.. ca
:p 250
vastravrīhiphalairhemnā dattastvarghyo hy ayaṃ(1) mayā /AP_206.012ab/
agastyaṃ bodhayiṣyāmi yanmayā manasoddhṛtaṃ(2)

phalairarghyaṃ pradāsyāmi gṛhāṇārghyaṃ mahāmune /AP_206.013ab/
agastya evaṃ khanamānaḥ khanitraiḥ prajāmapatyaṃbalamīhamānaḥ /AP_206.013cd/
ubhau karṇāvṛṣirugratejāḥ pupoṣa satyā deveṣvāśiṣojagāma

rājaputri namastubhyaṃ munipatnī mahāvrate /AP_206.014ab/
arghyaṃ gṛhṇīṣva deveśi lopāmudre yaśasvini

pañcaratnasamāyuktaṃ hemarūpyasamanvitaṃ /AP_206.015ab/
saptadhānyavṛtaṃ(3) pātraṃ dadhicandanasaṃyutaṃ

arghyaṃ dadyādagastyāya strīśūdrāṇāmavaidikaṃ /AP_206.016ab/
agastya muniśārdūla tejorāśe ca sarvada

imāṃ mama kṛtāṃ pūjāṃ gṛhītvā vraja śāntaye /AP_206.017ab/
tyajedagastryamuddiśya dhānyamekaṃ phalaṃ rasaṃ

tato 'nnaṃ bhojayedviprān ghṛtapāyasamodakān /AP_206.018ab/
gāṃ vāsāṃsi suvarṇañca(4) tebhyo dadyācca dakṣiṇāṃ

ghṛtapāyasayuktena pātreṇācchāditānanaṃ /AP_206.019ab/
sahiraṇyañca taṃ kumbhaṃ brāhmaṇāyopakalpayet(5)

:n
1 dattastvarghyo 'kṣaya iti ṅa..
2 manasepsitamiti ga.. , gha.. , jha.. ca / manasehitamiti ṅa..
3 saptadhānyayutamiti ja..
4 pratimāñca suvarṇañceti ka..
5 brāhmaṇāyopapādayediti gha.. , ṅa.. , ja.. , ña.. ca
:p 251
saptavarṣāṇi datvārghyaṃ sarve sarvamavāpnuyuḥ /AP_206.020ab/
nīrā putrāṃś ca saubhāgyaṃ patiṃ kanyā nṛpodbhavaṃ