Agni Purana · Chapter 203

:e ity āgneye mahāpurāṇe puṣpādhyāyo nāma dvyadhikadviśatatamo
'dhyāyaḥ ||
% Chapter {203}
:ś atha tryadhikadviśatatamo 'dhyāyaḥ
narakasvarūpam
agnir uvāca
puṣpādyaiḥ pūjanādviṣṇor na yāti narakāndave /AP_203.001ab/
āyuṣo 'nte naraḥ prāṇairanicchannapi mucyate

jalamagnirviṣaṃ śastraṃ kṣudvyādhiḥ patanaṃ gireḥ /AP_203.002ab/
nimittaṃ kiñcidāsādya dehī prāṇairvimucyate

anyaccharīramādatte yātanīyaṃ svakarmabhiḥ /AP_203.003ab/
bhuṅkte 'tha pāpakṛt duḥkhaṃ sukhaṃ dharmāya saṅgataḥ

nīyate yamadūtaistu yamaṃ prāṇibhayaṅkaraiḥ /AP_203.004ab/
kupathe dakṣiṇadvāri dharmikaḥ paścimādibhiḥ

yamājñaptaiḥ kiṅkaraistu pātyate narakeṣu ca(2) /AP_203.005ab/
:n
1 āsanaṃ mūrtiṣoḍhāṅgamiti kha..
2 pātyate narakeṣvapi iti kha.. / pātyate narake sadā iti ṅa.. /pīḍyate
narake 'dhuneti gha.. , cha.. ca
:p 243
svarge tu nīyate dharmād vasiṣṭhādyuktisaṃśrayāt

goghātī tu mahāvīcyāṃ varṣalakṣantu pīḍyate /AP_203.006ab/
āmakumbhe mahādīpte brahmahā bhūmihārakaḥ

mahāpralayakaṃ yāvadraurave pīḍyate śanaiḥ /AP_203.007ab/
strībālavṛddhahantā tu yāvadindrāś caturdaśa

mahārauravake raudre gṛhakṣetrādidīpakaḥ /AP_203.008ab/
dahyate kalpamekaṃ sa caurastāmisrake patet

naikakalpantu śūlādyairbhidyate yamakiṅkaraiḥ /AP_203.009ab/
mahātāmisrake sarpajalaukādyaiś ca pīḍyate

yāvadbhūmirmātṛhādyā asipatravane 'sibhiḥ(1) /AP_203.010ab/
naikakalpantu narake karambhavālukāsu ca

yena dagdho janastatra dahyate vālukādibhiḥ /AP_203.011ab/
kākole kṛmiviṣṭhāśī ekākī miṣṭabhojanaḥ

kuṭṭale mūtraraktāśī pañcayajñakriyojjhitaḥ /AP_203.012ab/
sudurgandhe raktabhojī bhaveccābhakṣyabhakṣyakaḥ

tailapāke tu tilavat pīḍyate parapīḍakaḥ /AP_203.013ab/
tailapāke tu pacyeta śaraṇāgataghātakaḥ

nirucchāse dānanāśī rasavikrayako 'dhvare /AP_203.014ab/
nāmnā vajrakavāṭena mahāpāte tadānṛtī

mahājvāle pāpabuddhiḥ krakace 'gamyagāminaḥ /AP_203.015ab/
saṅkarī guḍapāke ca(2) pratudet paramarmanut

:n
1 asipatravane 'gnibhiriti ṅa..
2 gurupāke ceti kha.. , ja.. ca
:p 244
kṣārahrade(1) prāṇihantā kṣuradhāre ca bhūmihṛt /AP_203.016ab/
ambarīṣe gosvarṇahṛd drumacchidvajraśastrake

madhuhartā parītāpe kālasūtre parārthahṛt /AP_203.017ab/
kaśmale 'tyantamāṃsāśī ugragandhe hy apiṇḍadaḥ

durdhare tu kācabhakṣī vandigrāharatāś ca ye /AP_203.018ab/
mañjuṣe narake lohe 'pratiṣṭhe śrutinindakaḥ

pūtivaktre kūṭasākṣī pariluṇṭhe dhanāpahā /AP_203.019ab/
bālastrīvṛddhaghātī ca karāle brāhmaṇārtikṛt

vilepe madyapo vipro mahātāmre tu medinaḥ(2) //20

tathākramya pāradārān jvalantīmāyasīṃ śilāṃ /AP_203.021ab/
śālmalākhye tamāliṅgen nārī bahunaraṅgamā

āsphoṭajihvoddharaṇaṃ strīkṣaṇān netrabhedanaṃ /AP_203.022ab/
aṅgārarāśau kṣipyante mātṛputryādigāminaḥ

caurāḥ kṣuraiś ca bhidyante svamāṃsāśī ca māṃsabhuk /AP_203.023ab/
māsopavāsakartā vai na yāti narakannaraḥ