Agni Purana · Chapter 202

:e ity āgneye mahāpurāṇe navavyūhārcanaṃ nāma
ekādhikadviśatatamo 'dhyāyaḥ ||
% Chapter {202}
:ś atha dvyadhikadviśatatamo 'dhyāyaḥ
puṣpādhyāyakathanaṃ
agnir uvāca
puṣpagandhadhūpadīpanaivedyaistuṣyate hariḥ /AP_202.001ab/
puṣpāṇi devayogyāni hy ayogyāni vadāmi te

puṣpaṃ śreṣṭhaṃ mālatī ca tamālo bhuktimuktimān /AP_202.002ab/
mallikā sarvapāpaghnī yūthikā viṣṇulokadā

atimuktamayaṃ tadvat pāṭalā viṣṇulokadā /AP_202.003ab/
:p 240
karavīrair viṣṇulokī javāpuṣpaiś ca puṇyavān

pāvantīkubjakādyaiś ca tagarair viṣṇulokabhāk /AP_202.004ab/
karṇikārair viṣṇulokaḥ karuṇṭhaiḥ pāpanāśanaṃ

padmaiś ca ketakībhiś ca kundapuṣpaiḥ parā gatiḥ /AP_202.005ab/
vāṇapuṣpair varvarābhiḥ kṛṣṇābhirharilokabhāk

aśokaistilakaistadvadaṭarūṣabhavais tathā /AP_202.006ab/
muktibhāgī bilvapatraiḥ śamīpatraiḥ parā gatiḥ

viṣṇulokī bhṛṅgarājaistamālasya dalais tathā /AP_202.007ab/
tulasī kṛṣṇagaurākhyā kalhārotpalakāni ca

padmaṃ kokanadaṃ puṇyaṃ śatābjamālayā hariḥ /AP_202.008ab/
nīpārjunakadambaiś ca(1) vakulaiś ca sugandhibhiḥ

kiṃśukair munipuṣpaistu gokarṇair nāgakarṇakaiḥ /AP_202.009ab/
sandhyāpuṣpair bilvatakai rañjanīketakībhavaiḥ(2)

kuṣmāṇḍatimirotthaiś ca kuśakāśaśarodbhavaiḥ /AP_202.010ab/
dyūtādibhirmaruvakaiḥ patrairanyaiḥ sugandhikaiḥ

bhuktimuktiḥ pāpahānirbhaktyā sarvaistu tuṣyati /AP_202.011ab/
svarṇalakṣādhikaṃ puṣpaṃ mālā koṭiguṇādhikā

svavane 'nyavane puṣpaistriguṇaṃ vanajaiḥ phalaṃ(3) /AP_202.012ab/
viśīrṇairnārcayedviṣṇunnādhikāṅgairna moṭitaiḥ

kāñcanāraistathonmattairgirikarṇikayā tathā /AP_202.013ab/
:n
1 muktibhāgo kadambaiśceti ṅa..
2 rajanīketakībhavairiti kha.. , ṅa.. , cha.. , ja.. ca
3 jalajaiḥ phalamiti ṅa..
:p 241
kuṭajaiḥ śālmalīyaiś ca(1) śirīṣair narakādikaṃ

sugandhairbrahmapadmaiś ca(2) puṣpairnīlotpalairhariḥ(3) /AP_202.014ab/
arkamandāradhustūrakusumairarcyate haraḥ

kuṭajaiḥ karkaṭīpuṣpaiḥ ketakīnna śive dadet /AP_202.015ab/
kuṣmāṇḍanimbasambhūtaṃ paiśācaṃ gandhavarjitaṃ

ahiṃsā indriyajayaḥ(4) kṣāntirjñānaṃ(5) dayā śrutaṃ /AP_202.016ab/
bhāvāṣtapuṣpaiḥ sampūjya devān syād bhuktimuktibhāk

ahiṃsā prathamaṃ puṣpaṃ puṣpamindriyanigrahaḥ /AP_202.017ab/
sarvapuṣpaṃ dayā bhūte puṣpaṃ śāntirviśiṣyate

śamaḥ puṣpaṃ tapaḥ puṣpaṃ dhyānaṃ puṣpaṃ casaptamaṃ /AP_202.018ab/
satyañcaivāṣṭamaṃ puṣpametaistuṣyati keśavaḥ

etairevāṣṭabhiḥ puṣpaistuṣyatyevārcito hariḥ /AP_202.019ab/
puṣpāntarāṇi santyatra vāhyāni manujottama

bhaktyā dayānvitairviṣṇuḥ pūjitaḥ parituṣyati(6) /AP_202.020ab/
vāruṇaṃ salilaṃ puṣpaṃ saumyaṃ ghṛtapayodadhi

prājāpatyaṃ tathānnādi āgneyaṃ dhūpadīpakaṃ /AP_202.021ab/
phalapuṣpādikañcaiva vānaspatyantu pañcamaṃ

pārthivaṃ kuśamūlādyaṃ vāyavyaṃ gandhacandanaṃ /AP_202.022ab/
:n
1 śālmalijaiśceti kha.. , ga.. , ṅa.. ca
2 sugandhaiḥ patrapuṣpaiśceti ṅa..
3 pūjyo nīlotpalairhaririti kha.. , ga.. , ṅa.. , ja.. ca
4 ahiṃsā indriyayayama iti ga..
5 kṣāntirdānamiti kha..
6 ahiṃsā prathamaṃ puṣpamityādiḥ, pūjitaḥ parituṣyati ity
antaḥ pāṭhaḥ kha.. , ga.. , gha.. , ṅa.. , cha.. , ja.. , ña.. , ṭa..
pustakeṣu nāsti
:p 242
śraddhākhyaṃ viṣṇupuṣpañca sarvadā cāṣṭapuṣpikāḥ

āsanaṃ mūrtipañcāṅgaṃ(1) viṣṇurvā cāṣṭapuṣpikāḥ /AP_202.023ab/
viṣṇostu vāsudevādyairīśānādyaiḥ śivasya vā