Agni Purana · Chapter 201

:e ity āgneye mahāpurāṇe dīpadānavrataṃ nāma dviśatatamo
'dhyāyaḥ ||
% Chapter {201}
:ś athaikādhikadviśatatamo 'dhyāyaḥ
navavyūhārcanaṃ
agnir uvāca
navavyūhārcanaṃ vakṣye nāradāya harīritaṃ /AP_201.001ab/
maṇḍale 'bje 'rcayenmadhye avījaṃ vāsudevakaṃ

āvījañca saṅkarṣaṇam pradyumnaṃ ca dakṣiṇe /AP_201.002ab/
:p 238
aḥ anuruddhaṃ naiṛte oṃ nārāyaṇamapsu ca

tat sadbrahmāṇamanile huṃ viṣṇuṃ kṣauṃ nṛsiṃhakaṃ(1) /AP_201.003ab/
uttare bhūrvarāhañca īśe dvāri ca paścime

kaṃ ṭaṃ saṃ śaṃ garutmantaṃ pūrvavaktrañca dakṣiṇe(2) /AP_201.004ab/
khaṃ chaṃ vaṃ huṃ phaḍiti ca khaṃ ṭhaṃ phaṃ śaṃ gadāṃvidhau

baṃ ṇaṃ maṃ kṣaṃ koṇeśañca ghaṃ daṃ bhaṃ haṃśriyaṃ yajet /AP_201.005ab/
dakṣiṇe cottare puṣṭiṃ gaṃ ḍaṃ baṃ śaṃ svavījakaṃ

pīṭhasya paścime dhaṃ vaṃ vanamālāñca paścime /AP_201.006ab/
śrīvatsaṃ caiva saṃ haṃ laṃ chaṃ taṃ yaṃ kaustubhaṃ jale

daśamāṅgakramādviṣṇornamo 'nantamadho 'rcayet /AP_201.007ab/
daśāṅgādimahendrādīn pūrvādau caturo ghaṭān

toraṇāni vitānaṃ ca agnyanilenduvījakaiḥ /AP_201.008ab/
maṇḍalāni kramāddhyātvā tanuṃ vandya tataḥ plavet

amvarasthaṃ tato dhyātvā sūkṣmarūpamathātmanaḥ /AP_201.009ab/
sitāmṛte nimagnañca(3) candravimvāt srutena ca

tadeva cātmano vījamamṛtaṃ plavasaṃskṛtaṃ /AP_201.010ab/
utpādyamānaṃ puruṣamātmānamupakalpayet

utpanno 'smi svayaṃ viṣṇurvījaṃ dvādaśakaṃ nyaset /AP_201.011ab/
hṛcchirastu śikhā caiva kavacaṃ cāstrameva ca

vakṣomūrdhaśikhāpṛṣṭhalocaneṣu nyaseta punaḥ /AP_201.012ab/
astraṃ karadvaye nyasya tato divyatanurbhavet

:n
1 krūṃ viṣṇuṃ kṣauṃ nṛsiṃhakamiti kha.. , cha.. , ja.. ca
2 pakṣirājañca dakṣiṇe iti ṅa..
3 sitāsite nimagnañceti kha.. , ja.. ca
:p 239
yathātmani tathā deve śiṣyadehe nyasettathā /AP_201.013ab/
anirmālyā smṛtā pūjā yaddhareḥ pūjanaṃ hṛdi

sanirmālyā maṇḍalādau baddhanetrāś ca śiṣyakāḥ /AP_201.014ab/
puṣpaṃ kṣipeyuryanmūrtau tasya tannāma kārayet

niveśya vāmataḥ śiṣyāṃstilavrīhighṛtaṃ hunet /AP_201.015ab/
śatamaṣṭottaraṃ hutvā sahasraṃ kāyaśuddhaye

navavyūhasya mūrtīnāmaṅgānāṃ ca śatādhikaṃ /AP_201.016ab/
pūṛṇāndattvā dīkṣayettān guruḥ pūjyaś ca tair dhanaiḥ