Agni Purana · Chapter 200

sūryabhaktā tu yā nārī dhruvaṃ sā puruṣo bhavet /AP_199.011ab/
:e ity āgneye mahāpurāṇe nānāvratāni nāma ekonaśatādhikaśatatamo
'dhyāyaḥ ||
% Chapter {200}
:ś atha dviśatatamo 'dhyāyaḥ
dīpadānavrataṃ
agnnir uvāca
dīpadānavrataṃ vakṣye bhuktimuktipradāyakaṃ /AP_200.001ab/
devadvijātikagṛhe dīpado 'bdaṃ sa sarvabhāk

caturmāsaṃ viṣṇulokī kārttike svargalokyapi /AP_200.002ab/
dīpadānāt paraṃ nāsti na bhūtaṃ na bhaviṣyati

dīpenāyuṣyacakṣuṣmāndīpāllakṣmīsutādikaṃ /AP_200.003ab/
saubhāgyaṃ dīpadaḥ prāpya svargaloke nahīyate

vidarbharājaduhitā lalitā dīpadātmabhāk /AP_200.004ab/
:p 236
cārudharmakṣmāpapatnī śatabhāryādhikābhavat

dadau dīpasahasraṃ sā viṣṇorāyatane satī /AP_200.005ab/
pṛṣṭā sā dīpamāhātmyaṃ sapatnībhya uvāca ha

lalitovāca
sauvīrarājasya purā maitreyo 'bhūt purohitaḥ /AP_200.006ab/
tena cāyatanaṃ viṣṇoḥ kāritaṃ devikātaṭe

kārttike dīpakastena dattaḥ samprerito mayā /AP_200.007ab/
vaktraprāntena naśyantyā mārjārasya tadā bhayāt

nirvāṇavān pradīpto 'bhūdvartyā mūṣikayā tadā /AP_200.008ab/
mṛtā rājātmajā jātā rājapatnī śatādhikā

asaṅkalpitamapyasya preraṇaṃ yat kṛtaṃ mayā /AP_200.009ab/
viṣṇāyatanadīpasya tasyedaṃ bhujyate phalaṃ

jātismarā hy ato dīpān prayacchāmi tvahar niśaṃ /AP_200.010ab/
ekadaśyāṃ dīpado vai vimāne divi modate

jāyate dīpahartā tu mūko vā jaḍa eva ca /AP_200.011ab/
andhe tamasi duṣpāre narake patate kila

vikrośamānāṃś ca narān yamakiṅkarāhatān /AP_200.012ab/
vilāpair alamatrāpi kiṃ vo vilapite phalaṃ

yadā pramādibhiḥ pūrvamatyantasamupekṣitaḥ /AP_200.013ab/
janturjanmasahasrebhyo hy ekasmin mānuṣo yadi

tatrāpyativimūḍhātmā kiṃ bhogānabhidhāvati /AP_200.014ab/
svahitaṃ(1) viṣayāsvādaiḥ krandanaṃ tadihāgataṃ

:n
1 harṣitamiti kha.. , ga.. , gha.. ca / dūṣitamiti ṅa..
:p 237
bhujyate ca kṛtaṃ pūrvametat kiṃ vo na cintitaṃ /AP_200.015ab/
parastrīṣu kucābhyaṅgaṃ prītaye duḥkhadaṃ hi vaḥ

muhūrtaviṣayāsvādo 'nekakoṭyavdaduḥkhadaḥ /AP_200.016ab/
parastrīhāriyadgītaṃ hā mātaḥ kiṃ vilapyate

ko 'tibhāro harernāmni jihvayā parikīrtane /AP_200.017ab/
vartitaile 'lpamūlye 'pi yadagnirlabhyate sadā

dānāśaktair harerdīpo hṛtastadvo 'sti duḥkhadaṃ /AP_200.018ab/
idānīṃ kiṃ vilāpena sahadhvaṃ yadupāgataṃ

agnir uvāca
lalitoktañca tāḥ śrutvā dīpadānāddivaṃ yayuḥ /AP_200.019ab/
tasmāddīpapradānena vratānāmadhikaṃ phalaṃ