Agni Purana · Chapter 199

sarvaṃ labheddhariṃ prārcya māsopavāsakavratī /AP_198.016ab/
:e ity āgneye mahāpurāṇe māsavratāni nāma
aṣṭanavatyadhikaśatatamo 'dhyāyaḥ ||
:n
1 matsyādi tyaktveti kha.. , gha.. , cha.. ca / matsyatyāgī tu iti ṅa.
2 viṣṇupuraṃ vrajediti kha.. , ṭa.. ca
:p 234
% Chapter {199}
:ś athaikonaśatādhikaśatatamo 'dhyāyaḥ
nānāvratāni
agnir uvāca
ṛtuvratāntyahaṃ vakṣye bhuktimuktipradāni te /AP_199.001ab/
indhanāni tu yo dadyādvarṣādicaturo hy ṛtūn

ghṛtadhenupradaścānte brāhmaṇo 'gnivratī bhavet /AP_199.002ab/
kṛtvā maunantu sandhyāyāṃ māsānte ghṛtakumbhadaḥ

tilaghaṇṭāvastradātā sukhī sārasvatavratī(1) /AP_199.003ab/
pañcāmṛtena snapanaṃ kṛtvābdaṃ dhenudo nṛpaḥ

ekādaśyāntu naktāśī caitre bhaktaṃ nivedayet /AP_199.004ab/
haimaṃ viṣṇoḥ padaṃ yāti māsante viṣṇusadvratī

pāyasāśī goyugadaḥ śrībhāgdevīvratī bhavet /AP_199.005ab/
nivedya pitṛdevebhyo yo bhuṅkte sa bhavennṛpaḥ

varṣavratāni coktāni(2) saṅkrāntivratakaṃ vade /AP_199.006ab/
saṅkrāntau svargalokī syādrātrijāgaraṇānnaraḥ

amāvāsyāṃ tu saṅkrāntau śivārkayajanāttathā /AP_199.007ab/
uttare tvayane cājyaprasthasnānena keśave

:n
1 sudhīḥ sārasvatavratī iti kha.. , ga.. , gha.. , cha.. , ṭa.. ca
2 sarvavratāni coktānīti kha.. , cha.. , ja.. ca
:p 235
dvātriṃśatpalamānena sarvapāpaiḥ pramucyate /AP_199.008ab/
ghṛtakṣīrādinā snāpya prāpnoti viṣuvādiṣu

strīṇāmumāvrataṃ śrīdaṃ tṛtīyāsvaṣṭamīṣu ca /AP_199.009ab/
gaurīṃ maheśvaraṃ cāpi yajet saubhāgyamāpnuyāt

umāmaheśvarau prārcya aviyogādi cāpnuyāt /AP_199.010ab/
mūlavratakarī strī ca umeśavratakāriṇī