Agni Purana · Chapter 2

:e ity ādimahāpurāṇe āgneye praśno nāma prathamodhyāyaḥ ||
% chapter {2}
:ś atha dvitīyo 'dhyāyaḥ
matsyāvatāravarṇanaṃ
vaśiṣṭha uvāca
matsyādirūpiṇaṃ viṣṇuṃ brūhi sargādikāraṇam /AP_2.001ab/
purāṇaṃ brahma cāgneyaṃ yathā viṣṇoḥ purā śrutam

agnir uvāca
matsyāvatāraṃ vakṣye 'haṃ vasiṣṭha śṛṇu vai hareḥ /AP_2.002ab/
avatārakriyā duṣṭa- naṣṭyai satpālanāya hi

āsīdatītakalpānte brāhmo naimittiko layaḥ /AP_2.003ab/
samudropaplutāstatra lokā bhūrādikā mune

manurvaivasvatastepe tapo vai bhuktimuktaye /AP_2.004ab/
ekadā kṛtamālāyāṃ kurvato jalatarpaṇaṃ

tasyāñjalyudake matsyaḥ svalpa eko 'bhyapadyata /AP_2.005ab/
kṣeptukāmaṃ jale prāha na māṃ kṣipa narottama(3)

:n
1 brahmāvagamyate iti kha, ga, gha, cihnitapustakatrayapāṭhaḥ
2 agotracaraṇaṃ paramiti ga, cihnitapustakapāṭhaḥ
3 na māṃ kṣipa nṛpottama iti kha, ga, gha,
cihnitapustakatrayapāṭhaḥ
:p 3
p>grāhādibhyo bhayaṃ me 'dya(1) tac chrutvā kalaśe 'kṣipat /AP_2.006ab/
sa tu vṛddhaḥ punarmatsyaḥ prāha taṃ dehi me vṛhat

sthānametadvacaḥ śrutvā rājāthodañcane 'kṣipat /AP_2.007ab/
tatra vṛddho 'bravīdbhūpaṃ pṛthu dehi padaṃ mano

sarovare punaḥ kṣipto vavṛdhe tatpramāṇavān /AP_2.008ab/
ūce dehi vṛhat sthānaṃ(2) prākṣipaccāmbudhau tataḥ(3)

lakṣayojanavistīrṇaḥ kṣaṇamātreṇa so 'bhavat /AP_2.009ab/
matsyaṃ tamadbhutaṃ dṛṣṭvā vismitaḥ prābravīn manuḥ

ko bhavān nanu vai viṣṇur(4) nārāyaṇa namostute /AP_2.010ab/
māyayā mohayasi māṃ kimarthaṃ tvaṃ janārdana

manunokto 'bravīnmatsyo manuṃ vai pālane ratam /AP_2.011ab/
avatīrṇo bhavāyāsya jagato duṣṭanaṣṭaye

saptame divase tvabdhiḥ plāvayiṣyati vai jagat /AP_2.012ab/
upasthitāyāṃ nāvi tvaṃ vījādīni vidhāya ca

saptarṣibhiḥ parivṛto niśāṃ brāhmīṃ cariṣyasi /AP_2.013ab/
upasthitasya me śṛṅge nibadhnīhi mahāhinā

ityuktvāntardadhe matsyo(5) manuḥ kālapratīkṣakaḥ(6) /AP_2.014ab/
sthitaḥ samudra udvele nāvamāruruhe tadā

ekaśṛṅgadharo matsyo haimo niyutayojanaḥ /AP_2.015ab/
:n
1 me 'tra iti kha, cihnitapustakapāṭhaḥ
2 punaḥ sthānamiti kha, cihnitapustakapāṭhaḥ
3 ambudhau manuriti kha, gha, cihnitapustakadvayapāṭhaḥ
4 nanu viṣṇustvamiti kha, ga, gha, cihnitapustakatrayapāṭhaḥ
5 ity uktāntarhito matsya iti gha, cihnitapustakapāṭhaḥ
6 ity uktvā devamatsyātmā bṛhatkāraṇasaṅgata iti ga,
cihnitapustakapāṭhaḥ
:p 4
nāvambabandha tacchṛṅge(1) matsyākhyaṃ ca purāṇakam

śuśrāva matsyātpāpaghnaṃ saṃstuvan stutibhiś ca taṃ(2) /AP_2.016ab/
brahmavedaprahartāraṃ hayagrīvañca dānavaṃ

avadhīt, vedamatsyādyān pālayāmāsa keśavaḥ /AP_2.017ab/
prāpte kalpe 'tha vārāhe kūrmarūpo 'bhavaddhariḥ