Agni Purana · Chapter 190

:e ity āgneye mahāpurāṇe śravaṇadvādaśīvrataṃ
nāmaikonanavatyadhikaśatatmo 'dhyāyaḥ ||
:n
1 trailokyajananāyeti jha.. , ña.. ca / trailokyajanakāyeti ṅa.. , ṭa.. ca
:p 220
% Chapter {190}
:ś atha navatyadhikaśatatamo 'dhyāyaḥ
akhaṇḍadvādaśīvrataṃ
agnir uvāca
akhaṇḍadvādaśīṃ vakṣye vratasampūrṇatākṛtaṃ /AP_190.001ab/
mārgaśīrṣe site viṣṇuṃ dvādaśyāṃ samupoṣitaḥ

pañcagavyajale snāto yajettatprāśano vratī /AP_190.002ab/
yavavrīhiyutampātrandvādaśyāṃ hi dvije 'rpayet

saptajanmani yat kiñcinmayā khaṇḍaṃ vrataṃ kṛtaṃ /AP_190.003ab/
bhagavaṃstvatprasādena tadakhaṇḍamihāstu me

yathākhaṇḍaṃ jagat sarvaṃ tvameva puruṣottama /AP_190.004ab/
tathākhilānyakhaṇḍāni vratāni mama santu vai

evamevānumāsañca cāturmāsyo vidhiḥ smṛtaḥ /AP_190.005ab/
anyaccaitrādimāseṣu śaktupātrāṇi(1) cārpayet

śrāvaṇādiṣu cārabhya kārttikānteṣu pāraṇaṃ /AP_190.006ab/
saptajanmasu vaikalyaṃ vratānāṃ saphalaṃ kṛte