Agni Purana · Chapter 191

āyurārogyasaubhāgyarājyabhogādimāpnuyāt(2) /AP_190.007ab/
:e ity āgneye mahāpurāṇe akhaṇḍadvādaśīvrataṃ nāma
navatyadhikaśatatamo 'dhyāyaḥ ||
:n
1 svarṇapātrāṇi iti kha.. , gha.. , ña.. ca
2 agnir uvāca / akhaṇḍadvādaśīṃ vakṣye ity ādiḥ,
rājyabhogādimāpnuyādityantaḥ pāṭhaḥ jha.. pustake nāsti
:p 221
% Chapter {191}
:ś athaikanavatyadhikaśatatamo 'dhyāyaḥ
trayodaśīvratāni
agnir uvāca
trayodaśīvratānīha sarvadāni vadāmi te /AP_191.001ab/
anaṅgena kṛtāmādau vakṣye 'naṅgatrayodaśīṃ

trayodaśyāṃ mārgaśīrṣe śukle 'naṅgaṃ haraṃ yajet(1) /AP_191.002ab/
madha samprāśayedrātrau ghṛtahomastilākṣataiḥ

pauṣe yogeśvaraṃ prārcya candanāśī kṛtāhutiḥ /AP_191.003ab/
maheśvaraṃ mauktikāśī māghe 'bhyarcya divaṃ vrajet

kākolaṃ prāśya nīraṃ tu(2) phālgune pūjayedvratī /AP_191.004ab/
karpūrāśī svarūpaṃ ca caitre saubhāgyavān bhavet

mahārūpantu vaiśākhe yajejjātīphalāśyapi /AP_191.005ab/
lavaṅgāśī jyaiṣṭhadine(3) pradyumnaṃ pūjayed vratī

tilodāśī tathāṣāḍhe umābhartāramarcayet /AP_191.006ab/
śrāvaṇe gandhatoyāśī pūjayecchūlapāṇinaṃ

sadyojātaṃ bhādrapade prāśitā gurumarcayet /AP_191.007ab/
suvarṇavāri saṃprāśya āśvine tridaśādhipam

:n
1 hariṃ yajediti cha.. , ja.. , ña.. ca
2 kākolaṃ prāśya cīnañceti gha.. , ja.. , jha.. , ña.. ca
3 jyaiṣṭhamāse īt ga.. , gha.. , ṅa.. , ja.. , jha.. , ña.. ca
:p 222
viśveśvaraṃ kārttike tu madanāśī yajedvratī /AP_191.008ab/
śivaṃ haimantu varṣānte sañcchādyāmradalena tu

vastreṇa pūjayitvā tu dadyādviprāya gāntathā /AP_191.009ab/
śayanañchatrakalaśān pādukārasabhājanam

trayodaśyāṃ site caitre ratiprītiyutaṃ smaran /AP_191.010ab/
aśokākhyaṃ nagaṃ likhya sindūrarajanīmukhaiḥ