Agni Purana · Chapter 189

pauṣaśukle tu dvādaśyāṃ samprāptidvādaśīvratī /AP_188.015ab/
:e ity āgneye mahāpurāṇe nānādvādaśīvratāni
nāmāṣṭāśītyadhikaśatatamo 'dhyāyaḥ ||
:n
1 manorathadvādaśītyādiḥ, anantadvādaśīvratītyantaḥ
pāṭhaḥ gha.. pustake nāsti
2 āṣāḍharkṣe tu mūle vā iti kha.. , ga.. , ja.. , ṭa.. ca
3 varṣe syād bhuktimuktida iti ga.. , gha.. ca
:p 218
% Chapter {189}
:ś athaikonanavatyadhikaśatatamo 'dhyāyaḥ
śravaṇadvādaśīvratam
agnir uvāca
śravaṇādaśīṃ vakṣye māsi bhādrapade site /AP_189.001ab/
śravaṇena yutā śreṣṭhā(1) mahatī sā hy upoṣitā

saṅgame saritāṃ snānācchravaṇadvādaśophalaṃ(2) /AP_189.002ab/
budhaśravaṇasaṃyuktā dānādau sumahāphalā

niṣiddhamapi kartavyantrayodaśyāntu pāraṇaṃ /AP_189.003ab/
dvādṛśyāñca nirāhāro vāmanaṃ pūjayāmyahaṃ

udakumbhe svarṇamayantrayodaśyāntu pāraṇaṃ /AP_189.004ab/
āvāhayāmyahaṃ viṣṇuṃ vāmanaṃ śaṅkhacakriṇaṃ

sitavastrayugacchanne ghaṭe sacchatrapāduke /AP_189.005ab/
snāpayāmi jalaiḥ śuddhair viṣṇuṃ(3) pañcāmṛtādibhiḥ

chatradaṇḍadharaṃ viṣṇuṃ vāmanāya namo namaḥ /AP_189.006ab/
arghyaṃ dadāmi deveśa arghyārhādyaiḥ sadārcitaḥ(4)

bhuktimuktiprajākīrtisarvaiśvaryayutaṃ kuru /AP_189.007ab/
vāmanāya namo gandhaṃ homo 'nenāṣṭakaṃ śataṃ

:n
1 śravaṇena samāyukteti gha..
2 dvādaśadvādaśīphalamiti kha.. , ga.. , gha.. , ṅa.. , cha.. , ña.. ca
3 śuddhair harimiti ga.. , ṭa.. ca
4 mudārcita iti ga..
:p 219
oṃ namo vāsudevāya śiraḥ sampūjayeddhareḥ /AP_189.008ab/
śrīdharāya mukhaṃ tadvat kaṇṭhe kṛṣṇāya vai namaḥ

namaḥ śrīpataye vakṣo bhujo sarvāstradhāriṇe /AP_189.009ab/
vyāpakāya namo nābhiṃ vāmanāya namaḥ kaṭiṃ

trailokyajayakāyeti(1) meḍhraṃ jaṅghe yajeddhareḥ /AP_189.010ab/
sarvādhipataye pādau viṣṇoḥ sarvātmane namaḥ

ghṛtapakvañca naivedyandadyād dadhyodanair ghaṭān /AP_189.011ab/
rātrau ca jāgaraṃ kṛtvā prātaḥ snātvā ca saṅgame

gandhapuṣpādibhiḥ pūjya vadet puṣpāñjalistvidaṃ /AP_189.012ab/
namo namaste govinda budhaśravaṇasañjñita

aghaughasaṅkṣayaṃ kṛtvā sarvasaukhyaprado bhava /AP_189.013ab/
prīyatāndeva deveśa mama nityañjanārdana

vāmano buddhido dātā dravyastho vāmanaḥ svayaṃ /AP_189.014ab/
vāmanaḥ pratigṛhṇāti vāmano me dadāti ca

dravyastho vāmano nityaṃ vāmanāya namo namaḥ /AP_189.015ab/
pradattadakṣiṇo viprān sambhojyānnaṃ svayañcaret