Agni Purana · Chapter 174

:e ity āgneye mahāpurāṇe prāyaścittāni nāma trisaptatyadhikaśatatamo
'dhyāyaḥ ||
:n
1 haviṣyabhugiti ga.. ,ṭa.. ca
2 mātṛjāyāgame iti ga.. , cha.. , ṭa.. ca
:p 189
% Chapter {174}
:ś atha catuḥsaptatyadhikaśatatamo 'dhyāyaḥ
prāyaścittāni
agnir uvāca
devāśramārcanādīnāṃ prāyaścittantu lopataḥ /AP_174.001ab/
pūjālope cāṣṭaśataṃ japeddviguṇapūjanaṃ

pañcopaniṣadair mantrair hutvā brāhmaṇabhojanaṃ /AP_174.002ab/
sūtikāntyajakodakyāspṛṣṭe deve śataṃ japet(1)

pañcopaniṣadaiḥ pūjāṃ dviguṇaṃ snānameva ca /AP_174.003ab/
viprabhojyaṃ homalope homasnānaṃ tathārcanaṃ

homadravye mūṣikādyair bhakṣite kīṭasaṃyute /AP_174.004ab/
tāvanmātraṃ parityajya prokṣya devādi pūjayet

aṅkurārpaṇamātrantu chinnaṃ bhinnaṃ parityajet /AP_174.005ab/
aspṛśyaiś caiva saṃspṛṣṭe anyapātre tadarpaṇaṃ

devamānuṣavighnaghnaṃ pūjākāle tathaiva ca /AP_174.006ab/
mantradravyādivyatyāse mūlaṃ japtvā punarjapet

kumbhenāṣṭaśatajapo deve tu patite karāt /AP_174.007ab/
bhinne naṣṭe copavāsaḥ śatahomācchubhaṃ bhavet(2)

:n
1 śataṃ śahunediti kha.. , cha.. ca
2 śatahomācchucirbhavediti kha.. , gha.. , ña.. ca
:p 190
kṛte pāpe 'nutāpo vai yasya puṃsaḥ prajāyate /AP_174.008ab/
prāyaścittantu tasyaikaṃ harisaṃsmaraṇaṃ paraṃ

cāndrāyaṇaṃ parāko vā prājāpatyamaghaughanut /AP_174.009ab/
sūryeśaśaktiśrīśadimantrajapyamaghaughanut

gāyatrīpraṇavastotramantrajapyamaghāntakaṃ /AP_174.010ab/
kādyair āvījasaṃyuktair ādyair ādyaistadantakaiḥ

sūryeśaśaktiśrīśādimantrāḥ koṭyadhikāḥ pṛthak /AP_174.011ab/
oṃhrīmādyāś caturthyantā namontāḥ sarvakāmadāḥ

nṛsiṃhadvādaśāṣṭārṇamālāmantrādyaghaughanut /AP_174.012ab/
āgneyasya purāṇasya paṭhanaṃ śravaṇādikaṃ

dvividyārūpako viṣṇuragnirūpastu gīyate /AP_174.013ab/
paramātmā devamukhaṃ sarvavedeṣu gīyate

pravṛttau tu nivṛttau tu ijyate bhuktimuktidaḥ(1) /AP_174.014ab/
agnirūpasya viṣṇorhi havanaṃ dhyānamarcanaṃ

japyaṃ stutiś ca praṇatiḥ śārīrāśeṣāghaughanut /AP_174.015ab/
daśasvarṇāni dānāni dhānyadvādaśameva ca

tulāpuruṣamukhyāni mahādānāni ṣoḍaśa /AP_174.016ab/
annadānāni mukhyāni sarvāṇyaghaharāṇi hi

tithivārarkṣasaṅkrāntiyogamanvādikālake /AP_174.018ab/
bratādi sūryeśaśaktiśrīśāderaghaghātanaṃ(2)

gaṅgā gayā prayāgaś ca kāśyayodhyā hy avamtikā /AP_174.019ab/
:n
1 pravṛttaistu nivṛttaistu ijyate bhuktimuktida iti gha.. , ṅa.. , jha.. , ña..
ca
2 aghanāśanamiti ga..
:p 191
kurukṣetraṃ puṣkarañca naimiṣaṃ puruṣottamaḥ

śālagrāmaprabhāsādyaṃ tīrthañcaghoghaghātakaṃ /AP_174.020ab/
ahaṃ brahma paraṃ jyotiriti dhyānamaghaughanut

purāṇaṃ brahma cāgneyaṃ brahmā viṣṇurmaheśvaraḥ /AP_174.021ab/
avatārāḥ sarvapūjāḥ pratiṣṭhāpratimādikaṃ

jyotiḥśāstrapurāṇāni smṛtayastu tapovrataṃ(1) /AP_174.022ab/
arthaśāstrañca sargādyā āyurvedo dhanurmatiḥ

śikṣā chando vyākaraṇaṃ niruktañcābhidhānakaṃ /AP_174.023ab/
kalpo nyāyaś ca mīmāṃsā hy anyat sarvaṃ hariḥ prabhuḥ

eke dvayoryato yasmin yaḥ sarvamiti veda yaḥ /AP_174.024ab/
taṃ dṛṣṭvānyasya pāpāni vinaśyanti hariś ca saḥ

vidyāṣṭādaśarūpaś ca sūkṣmaḥ sthūlo 'paro hariḥ /AP_174.025ab/
jyotiḥ sadakṣaraṃ brahma paraṃ viṣṇuś ca nirmalaḥ