Agni Purana · Chapter 172

:e ity āgneye mahāpureṇe rahasyādiprāyaśvittaṃ nāma
ekasaptatyadhikaśatatamo 'dhyāyaḥ ||
:p 181
% Chapter {172}
:ś atha dvisaptatyadhikaśatatamo 'dhyāyaḥ
sarvapāpaprāyaścittāni
puṣkara uvāca
paradāraparadravyajīvahiṃsādike yadā /AP_172.001ab/
pravartate nṛṇāṃ cittaṃ prāyaścittaṃ stutistadā

viṣṇave viṣṇave nityaṃ viṣṇave viṣṇave(1) namaḥ /AP_172.002ab/
namāmi viṣṇuṃ cittasthamahaṅkāragatiṃ hariṃ

cittasthamīśamavyaktamanantamaparājitaṃ /AP_172.003ab/
viṣṇumīḍyamaśeṣeṇa anādinidhanaṃ vibhuṃ

viṣṇuścittagato yanme viṣṇurbuddhigataś ca yat /AP_172.004ab/
yaccāhaṅkārago viṣṇuryadviṣṇurmayi saṃsthitaḥ

karoti karmabhūto 'sau sthavarasya carasya ca /AP_172.005ab/
tat pāpannāśamāyātu tasminneva hi cintite

dhyāto harati yat pāpaṃ svapne dṛṣṭastu bhāvanāt /AP_172.006ab/
tamupendramahaṃ viṣṇuṃ praṇatārtiharaṃ hariṃ

jagatyasminnirādhāre majjamāne tamasyadhaḥ /AP_172.007ab/
hastāvalambanaṃ viṣṇuṃ praṇamāmi parāt paraṃ

sarveśvareśvara vibho paramātmannadhokṣaja /AP_172.008ab/
hṛṣīkeśa hṛṣīkeśa hṛṣīkeśa namo 'stu te

nṛsiṃhānanta govinda bhūtabhavana keśava /AP_172.009ab/
:n
1 viṣṇave viṣṇave iti ja.. , ña.. ca
:p 182
duruktaṃ duṣkṛtaṃ dhyātaṃ śamayāghannamo 'stu te

yanmayā cintitaṃ duṣṭaṃ svacittavaśavartinā /AP_172.010ab/
akāryamahadatyugrantacchamannaya keśava

brahmaṇyadeva govinda paramārthaparāyaṇa /AP_172.011ab/
jagannātha jagaddhātaḥ pāpaṃ praśamayācyuta

yathāparāhṇe sāyāhṇe madhyāhṇe ca tathā niśi /AP_172.012ab/
kāyena manasā vācā kṛtaṃ pāpamajānatā

jānatā ca hṛṣīkeśa puṇḍarīkākṣa mādhava /AP_172.013ab/
nāmatrayoccāraṇataḥ svapne yātu mama kṣayaṃ

śārīraṃ me hṛṣīkeśa puṇḍarīkākṣa mādhava /AP_172.014ab/
pāpaṃ praśamayādya tvaṃ(1) bākkṛtaṃ mama mādhava

yadbhuñjanyatsvapaṃstiṣṭhan gacchan jāgrad yadāsthitaḥ /AP_172.015ab/
kṛtavān pāpamadyāhaṃ kāyena manasā girā

yat svalpamapi yat sthūlaṃ kuyoninarakābahaṃ /AP_172.016ab/
tadyātu praśamaṃ sarvaṃ vāsudevānukīrtanāt

paraṃ brahma paraṃ dhāma pavitraṃ paramañca yat /AP_172.017ab/
tasmin(2) prakīrtite viṣṇau yat pāpaṃ tat praṇaśyatu

yat prāpya na nivartante gandhasparśadivarjitaṃ /AP_172.018ab/
sūrayastat padaṃ viṣṇostat sarvaṃ śamayatvaghaṃ(3)

pāpapraṇāśanaṃ stotraṃ yaḥ paṭhecchṛṇuyādapi(4) /AP_172.019ab/
:n
1 praśamātyarthamiti kha.. , gha.. , ja.. ca
2 asminniti gha..
3 sarvaṃ gamayatvaghamiti jha..
4 yaḥ paṭecchraddhayā nara iti ja.. , jha.. ca / yaḥ
paṭhecchṛṇuyānnara iti ña..
:p 183
śārīrair mānasair vāgjaiḥ kṛtaiḥ papaiḥ pramucyate

sarvapāpagrahādibhyo yāti viṣṇoḥ paraṃ padaṃ /AP_172.020ab/
tasmāt pāpe kṛte japyaṃ stotraṃ sarvāghamardanaṃ

prāyaścittamaghaughānāṃ stotraṃ vratakṛte varaṃ /AP_172.021ab/
prāyaścittaiḥ stotrajapair vratair naśyati pātakaṃ

tataḥ kāryāṇi(1) saṃsiddhyai tāni vai bhuktimuktaye //22