Agni Purana · Chapter 171

:e ity āgneye mahāpurāṇe prāyaścittāni nāma saptatyadhikaśatatamo
'dhyāyaḥ ||
:n
1 antyajaiś ca svapākeneti ṅa.
2 antyajātiśvapākenetyādiḥ, tatra ācaredityantaḥ pāṭhaḥ cha..
pustake nāsti
3 śavantatatsparśinaṃ śvānamiti kha.. / śavantatspṛṣṭinaṃ
śvānamiti gha.. , ja.. ca
4 mūtroccāraṃ dvijaḥ kṛtvetyādiḥ, pūyante pāpino 'khilā ity
antaḥ pāṭhaḥ ja.. , jha.. pustake nāsti
:p 179
% Chapter {171}
:ś atha ekasaptatyadhikaśatatamo 'dhyāyaḥ
prāyaścittāni
puṣkara uvāca
prāyaścittaṃ rahasyādi vakṣye śuddhikaraṃ para /AP_171.001ab/
pauruṣeṇa tu sūktena māsaṃ japyādināghahā

mucyate pātakaiḥ sarvair japtvā triraghamarṣaṇaṃ /AP_171.002ab/
vedajapyādvāyuyamād gāyatryā vratato 'dyahā(1)

muṇḍanaṃ sarvakṛcchreṣu snānaṃ homo hareryajiḥ /AP_171.003ab/
utthitastu divā tiṣṭhedupaviṣṭas tathā niśi

etadvīrāsanaṃ proktaṃ kṛcchrakṛttena pāpahā /AP_171.004ab/
aṣṭabhiḥ pratyahaṃ grāsair yaticāndrāyaṇaṃ smṛtaṃ

prātaś caturbhiḥ sāyañca śiśucāndrāyaṇaṃ smṛtaṃ /AP_171.005ab/
yathākathañcit piṇḍānām catvāriṃśacchatadvayaṃ

māsena bhakṣayedetat suracāndrāyaṇaṃ caret /AP_171.006ab/
tryahamuṣṇaṃ pivedāpastyahamuṣṇaṃ payaḥ pivet

tryāhamuṣṇaṃ ghṛtaṃ pītvā vāyubhakṣo bhavet tryahaṃ /AP_171.007ab/
taptakṛcchramidaṃ proktaṃ śītaiḥ śītaṃ prakīrtitaṃ

kṛcchrātikṛcchraṃ payasā divasānekaviṃśatiṃ /AP_171.008ab/
gomūtraṃ gomayaṃ kṣīraṃ dadhi sarpiḥ kuśodakaṃ

:n
1 japato 'vadhaheti kha.. , gha.. , ja.. ca
:p 180
ekarātropavāsaś cakṛcchraṃ śāntapanaṃ smṛtaṃ /AP_171.009ab/
etacca pratyābhyastaṃ mahāśāntapanaṃ smṛtaṃ

tryahābhyastamathaikaikamatiśāntapanaṃ smṛtaṃ /AP_171.010ab/
kṛcchraṃ parākasañjñaṃ syāddvādaśāhamabhojanaṃ

ekabhaktaṃ tryahābhyastaṃ kramānnaktamayācitaṃ /AP_171.011ab/
prājāpatyamupoṣyānte pādaḥ syāt kṛcchrapādakaḥ

phalair māsaṃ phalaṃ kṛcchraṃ bilvaiḥ śrīkcchra īritaḥ /AP_171.012ab/
padmākṣaiḥ syādāmalakaiḥ puṣpakṛcchraṃ tu puṣpakaiḥ

patrakṛcchrantathā patraistoyakṛcchraṃ jalena tu /AP_171.013ab/
mūlakṛcchrantathā mūlair dṛdhna kṣīreṇa takrataḥ

māsaṃ vāyavyakṛcchraṃ syātpāṇipūrānnabhojanāt /AP_171.014ab/
tilair dvādaśarātreṇa kṛcchramāgneyamārtinut

pākṣaṃ prasṛtyā lājānāṃ brahmakūrcaṃ tathā bhavet /AP_171.015ab/
upoṣitaś caturdṛśyāṃ pañcadaśyāmanantaraṃ

pañcagavyaṃ samaśnīyāddhaviṣyāśītyanantaraṃ /AP_171.016ab/
māsena dvir naraḥ kṛtvā sarvapāpaiḥ pramucyate

śrīkāmaḥ puṣṭikāmaś ca svargakāmo 'ghanaṣṭaye /AP_171.017ab/
devatārādhanaparaḥ kṛcchrakārī sa sarvabhāk