Agni Purana · Chapter 169

:e ity āgneye mahāpurāṇe mahāpātakādikathanaṃ
nāmāṣṭaṣaṣṭyadhikaśatatamo 'dhyāyaḥ ||
:n
1 mārjārasyaiva māraṇamiti ṅa..
:p 170
% Chapter {169}
:ś athaikonasaptatyadhikaśatatamo 'dhyāyaḥ
prāyaścittāni
puṣkara uvāca
etatprabhṛtipāpānāṃ prāyaścittaṃ vadāmi te /AP_169.001ab/
brahmahā dvādaśābdāni kuṭīṅkṛtvā vane vaset

bhikṣetātmaviśuddhyarthaṃ kṛtvā śavaśirodhvajaṃ /AP_169.002ab/
prāsyedātmānamagnau vā samiddhe triravākśirāḥ

yajeta vāśvamedhena svarjitā gosavena vā /AP_169.003ab/
japanvānyatamaṃ vedaṃ yojanānāṃ śataṃ brajet

sarvasvaṃ vā vedavide brāhmaṇāyopapādayet /AP_169.004ab/
vratair etair vyapohanti mahāpātakino malaṃ

upapātakasaṃyukto goghno māsaṃ yavān pivet /AP_169.005ab/
kṛtavāpo vasedgoṣṭhe carmaṇā tena saṃvṛtaḥ

caturthakālamaśrīyādakṣāralavaṇaṃ mitaṃ /AP_169.006ab/
gomūtreṇa caret snānaṃ dvau māsau niyatendriyaḥ

divānugacchedgāś caiva tiṣṭhannūrdhvaṃ rajaḥ pivet /AP_169.007ab/
vṛṣabhaikādaśā gāstu dadyādvicāritavrataḥ(1)

avidyamāne sarvasvaṃ vedavidbhyo nivedayet /AP_169.008ab/
pādamekañcaredrodhe dvau pādau bandhane caret

:n
1 dadyāt sucaritavrata iti ṅa..
:p 171
yojane pādahīnaṃ syāccaret sarvaṃ nipātane /AP_169.009ab/
kāntāreṣvatha durgeṣu viṣameṣu bhayeṣu ca

yadi tatra vipattiḥ syādekapādo vidhīyate /AP_169.010ab/
ghaṇṭābharaṇadoṣeṇa tathaivardhaṃ vinirdiśat

damane damane rodhe śakaṭasya niyojane /AP_169.011ab/
stambhaśṛṅkhalapāśeṣu mṛte pādonamācaret

śṛṅgabhaṅge 'sthibhaṅge ca lāṅgūlacchedane tathā /AP_169.012ab/
yāvakantu pivettāvadyāvat susthā tu gaurbhavet

gomatīñca japedvidyāṃ gostutiṃ gomatīṃ smaret /AP_169.013ab/
ekā cedbahubhirdaivād yatra vyāpāditā bhavet

pādaṃ pādantu hatyāyāś careyuste pṛthak pṛthak /AP_169.014ab/
upakāre kriyamāṇe vipattau nāsti pātakaṃ

etadeva vrataṃ kuryurupapātakinas tathā /AP_169.015ab/
avakīrṇavarjaṃ śuddhyarthañcāndrāyaṇamathāpi vā

avakīrṇī tu kālena gardhabhena catuṣpathe /AP_169.016ab/
pākayajñavidhānena yajeta nirṛtiṃ niśi

kṛtvāgniṃ vidhivaddhīmānantatastu samittṛcā /AP_169.017ab/
candrendraguruvahnīnāṃ juhuyāt sarpiṣāhutiṃ(1)

athavā gārdhabhañcarma vasitvābdañcarenmahīṃ /AP_169.018ab/
hatvā garbhamavijñātaṃ brahmahatyāvrataṃ caret

:n
1 juhuyātsarpiṣāhutīriti kha.. , ṅa.. , ja.. ca
:p 172
sarāṃ pītvā dvijo mohādagnivarṇāṃ surāṃ pivet /AP_169.019ab/
gomūtramagnivarṇaṃ vā pivedudakameva vā

suvarṇasteyakṛdvipro rājānamabhigamya tu /AP_169.020ab/
svakarma khyāpayan vrūyānmāṃ bhavānanuśāstviti

gṛhītvā muśalaṃ rājā sakṛddhanyāt svayaṅgataṃ /AP_169.021ab/
badhena śuddhyate steyo brāhmaṇastapasaiva vā

gurutalpo nikṛtyaiva śiśnañca vṛṣaṇaṃ svayaṃ /AP_169.022ab/
nidhāya cāñcalau gacchedānipātācca nairṛtiṃ

cāndrāyaṇān vā trīnmāsānabhyasenniyatendriyaḥ /AP_169.023ab/
jātibhraṃśakaraṃ karma kṛtvānyatamamicchayā

carecchāntapanaṃ kṛcchraṃ prājāpatyamanicchayā /AP_169.024ab/
saṅkarīpātrakṛtyāsu māsaṃ śodhanamaindavaṃ

malinīkaraṇīyeṣu taptaṃ syādyāvakaṃ tryahaṃ /AP_169.025ab/
turīyo brahmahatyāyāḥ kṣatriyasya badhe smṛtaḥ

vaiśye 'ṣṭamāṃśe vṛttasthe śūdre jñeyastu ṣoḍaśaḥ /AP_169.026ab/
mārjaranakulau hatvā cāsaṃ maṇḍūkameva ca

śvagodholūkakākāṃś ca śūdrahatyāvrataṃ caret /AP_169.027ab/
caturṇāmapi varṇānāṃ nārīṃ hatvānavasthitāṃ

amatyaiva pramāpya strīṃ śūdrahatyāvrataṃ caret /AP_169.028ab/
sarpādīnāṃ badhe naktamanasthnāṃ vāyusaṃyamaḥ

dravyāṇāmalpasārāṇāṃ steyaṃ kṛtvānyaveśmataḥ /AP_169.029ab/
carecchāntapanaṃ kṛcchaṃ vrataṃ nirvāpya siddhyati

:p 173
bhakṣabhojyāpaharaṇe yānaśayyāsanasya ca /AP_169.030ab/
puṣpamūlaphalānāñca pañcagavyaṃ viśodhanaṃ

tṛṇakāṣṭhadrumāṇāntu śuṣkānnasya guḍasya ca /AP_169.031ab/
celacarmāmiṣāṇāntu(1) trirātraṃ syādabhojanaṃ

maṇimuktāpravālānāṃ tāmrasya rajatasya ca /AP_169.032ab/
ayaḥkāṃsyopalānāñca dvādaśāhaṃ kaṇānnabhuk

kārpāsakīṭajīrṇānāṃ dviśaphaikaśaphasya ca /AP_169.033ab/
pakṣigandhauṣadhīnāntu rajvā caiva tryahampayaḥ

gurutalpavrataṃ kuryādretaḥ siktvā svayoniṣu /AP_169.034ab/
sakhyuḥ putrasya ca strīṣu kumāroṣvantyajāsu ca

pitṛsvasreyīṃ bhaginīṃ svasrīyāṃ mātureva ca /AP_169.035ab/
mātuś ca bhrāturāptasya gatvā cāndrāyaṇañcaret

amānuṣīṣu puruṣa udakyāyāmayoniṣu /AP_169.036ab/
retaḥ siktvā jale caiva kṛcchraṃ śāntapanañcaret

maithunantu samāsevya puṃsi yoṣiti vā dvijaḥ /AP_169.037ab/
goyāne 'psu divā caiva savāsāḥ snānamācaret

caṇḍālāntyastriyo gatvā bhuktvā ca pratigṛhya ca /AP_169.038ab/
patatyajñānato vipro jñānāt sāmyantu gacchati

vipraduṣṭāṃ striyaṃ bhartā nirundhyādekaveśmani /AP_169.039ab/
yat puṃsaḥ paradāreṣu tadenāñcārayedvrataṃ

sācetpunaḥ praduṣyeta sadṛśenopamantritā /AP_169.040ab/
kṛcchrañcādrāyaṇañcaiva tadasyāḥ pāvanaṃ smṛtaṃ

:n
1 veṇucarmāmiṣāṇāñceti jha..
:p 174
yat karotyekarātreṇa vṛṣalīsevanaṃ dvijaḥ /AP_169.041ab/
tadbhaikṣyabhuk japennityaṃ tribhirvaṣair vyapohati