Agni Purana · Chapter 168

:e ity āgneye mahapurāṇe 'yutalakṣakoṭihomā nāma
saptaṣaṣṭyadhikaśatatamo 'dhyāyaḥ ||
% Chapter {168}
:ś athāṣṭaṣaṣṭyadhikaśatatamo 'dhyāyaḥ
mahāpātakādikathanam
puṣkara uvāca
daṇḍaṃ kuryānnṛpo nṝṇāṃ prāyaścittamakurvatāṃ /AP_168.001ab/
kāmato 'kāmato vāpi prāyaścittaṃ kṛtaṃ caret

:n
1 jātavedomukhaiḥ saurair iti kha..
2 ripuṃ harediti ṅa.. , ña.. ca
:p 166
mattakruddhāturāṇāṃ ca na bhuñjīta kadācana /AP_168.002ab/
mahāpātakināṃ spṛṣṭaṃ yacca spṛṣṭamudakyayā

gaṇānnaṃ gaṇikānnaṃ ca(1) vārdhuṣergāyanasya ca /AP_168.003ab/
abhiśaptasya ṣaṇḍasya yasyāścopapatirgṛhe

rajakasya nṛśaṃsasya vandinaḥ kitavasya ca /AP_168.004ab/
mithyātapasvinaś caiva cauradaṇḍikayos tathā(2)

kuṇḍagolastrījitānāṃ vedavikrayiṇas tathā /AP_168.005ab/
śailūṣatantravāyānnaṃ kṛtaghnasyānnameva ca

karmārasya niṣādasya celanirṇejakasya ca /AP_168.006ab/
mithyāpravrajitasyānnampuṃś calyāstailikasya ca

ārūḍhapatitasyānnaṃ vidviṣṭānnaṃ ca varjayet /AP_168.007ab/
tathaiva brāhmaṇasyānnaṃ brāhmaṇenānimantritaḥ

brāhmaṇānnañca śūdreṇa nādyāccaiva nimantritaḥ /AP_168.008ab/
eṣāmanyatamasyānnamamatyā vā tryahaṃ kṣapet

matyā bhuktvā caret kṛcchraṃ retoviṇmūtrameva ca /AP_168.009ab/
caṇḍālaśvapacānnantu bhuktvā cāndrāyaṇaṃ caret

anirdiśaṃ ca pretānnaṃ gavāghrātaṃ tathaiva ca /AP_168.010ab/
śūdrocchiṣṭaṃ śunocchiṣṭaṃ patitānnaṃ tathaiva ca

taptakṛcchraṃ prakurvīta aśauce kṛcchramācaret /AP_168.011ab/
aśauce yasya yo bhuṅkte sopyaśuddhas tathā bhavet

mṛtapañcanakhāt kūpādamedhyena sakṛdyutāt /AP_168.012ab/
:n
1 gaṇānāṃ gaṇikānāñceti ṅa.. , ña.. ca
2 cauradāmbhikayostatheti ña..
:p 167
apaḥ pītvā tryahaṃ tiṣṭhet sopavāso dvijottamaḥ

sarvatra śūdre pādaḥ syād dvitrayaṃ vaiśyabhūpayoḥ(1) /AP_168.013ab/
viḍvarāhakharoṣṭrāṇāṃ gomāyoḥ kapikākayoḥ

prāśya mūtrapurīṣāṇi dvijaścāndrāyaṇaṃ caret /AP_168.014ab/
śuṣkāṇi jagdhvā māṃsāni(2) pretānnaṃ karakāṇi ca

kravyādaśūkaroṣṭrāṇāṃ gomāyoḥ kapikākayoḥ /AP_168.015ab/
gonarāśvakharoṣṭrāṇāṃ chatrākaṃ grāmakukkuṭaṃ

māṃsaṃ jagdhvā kuñjarasya taptakṛcchreṇa śuddhyati /AP_168.016ab/
āmaśrāddhe tathā bhuktvā brahmacārī madhu tvadan

laśunaṃ guñjanaṃ cādyāt prājāpatyādinā śuciḥ(3) /AP_168.017ab/
bhuktvā cāndrāyaṇaṃ kuryān māṃsañcātmakṛtantathā

pelugavyañca peyūṣaṃ tathā śleṣmātakaṃ mṛdaṃ /AP_168.018ab/
vṛthākṛśarasaṃyāvapāyasāpūpaśaṣkulīḥ

anupākṛṭamāṃsāni devānnāni havīṃṣi ca /AP_168.019ab/
gavāñca mahiṣīṇāṃ ca varjayitvā tathāpyajāṃ

sarvakṣīrāṇi varjyāṇi tāsāñcaivāpyannirdaśaṃ /AP_168.020ab/
śaśakaḥ śalyakī godhā khaḍgaḥ kūrmastathaiva ca

bhakṣyāḥ pañcanakhāḥ proktāḥ pariśeṣāś ca varjitāḥ /AP_168.021ab/
pāṭhīnarohitānmatsyān siṃhatuṇḍāṃś ca bhakṣayet

yavagodhūmajaṃ sarvaṃ payasaś caiva vikriyāḥ /AP_168.022ab/
vāgaṣāḍgavacakrādīn sasnehamuṣitaṃ tathā

:n
1 dvitīyaṃ vaiśyaśūdrayoreti ka.. , kha.. , ṅa.. , ña.. ca
2 śuṣkāṇi dagdhamaṃsāni iti ṅa..
3 prājāpatyāddvijaḥ śuciriti kha..
:p 168
agnihotraparīddhāgnirbrāhmaṇaḥ kāmacārataḥ /AP_168.023ab/
cāndrāyaṇaṃ carenmāsaṃ vīravadhvāsanaṃ hitaṃ

brahmahatyā surāpānaṃ steyaṃ gurvaṅganāgamaḥ /AP_168.024ab/
mahānti pātakānyāhuḥ saṃyogaś caiva taiḥ saha

anṛte ca samutkarṣo rājagāmi ca paiśunaṃ /AP_168.025ab/
guroścālīkanirbandhaḥ samānaṃ brahmahatyayā(1)

brahmojjhyavedanindā ca kauṭasākṣyaṃ suhṛdbadhaḥ /AP_168.026ab/
garhitānnājyayorjagdhiḥ(2) surāpānasamāni ṣaṭ

nikṣepasyāpaharaṇaṃ narāśvarajatasya ca /AP_168.027ab/
bhūmivajramaṇīnāñca rukmasteyasamaṃ smṛtaṃ

retaḥsekaḥ svayonyāṣu kumārīṣvantyajāsu ca /AP_168.028ab/
sakhyuḥ putrasya ca(3) strīṣu gurutalpasamaṃ viduḥ

gobadho 'yājya saṃyājyaṃ pāradāryātmavikriyaḥ /AP_168.029ab/
gurumātṛpitṛtyāgaḥ svādhyayāgnyoḥ sutasya ca

parivittitānujena parivedanameva ca /AP_168.030ab/
tayordānañca kanyāyāstayoreva ca yājanaṃ

kanyāyā dūṣaṇañcaiva vārdhuṣyaṃ vratalopanaṃ /AP_168.031ab/
taḍāgārāmadārāṇāmapatyasya ca vikriyaḥ

vrātyatā bāndhavatyāgo bhṛtādhyāpanameva ca /AP_168.032ab/
bhṛtāccādhyayanādānamavikreyasya vikrayaḥ

:n
1 samāni brahmahatyayeti kha.. , ṅa.. , ña.. ca
2 garhitānāmannajagdhiriti ṅa..
3 sakhyuḥ sutasya ceti ṅa..
:p 169
sarvākāreṣvadhīkāro mahāyantrapravartanaṃ /AP_168.033ab/
hiṃsauṣadhīnāṃ stryājīvaḥ kriyālaṅganameva ca

indhanārthamaśuṣkāṇāṃ dumāṇāñcaiva pātanaṃ /AP_168.034ab/
yoṣitāṃ grahaṇañcaiva strīnindakasamāgamaḥ

ātmārthañca kriyārambho ninditānnadanantathā /AP_168.035ab/
anāhitāgnitāsteyamṛṇānāñcānapakriyā

asacchāstrādhigamanaṃ dauḥśīlyaṃ vyasanakriyā /AP_168.036ab/
dhānyakupyapaśusteyaṃ madyapastrīniṣevaṇaṃ

strīśūdraviṭkṣatrabadho nāstikyañcopapātakaṃ /AP_168.037ab/
brāhmaṇasya rujaḥ kṛtyaṃ ghrātiraghreyamadyayoḥ

jaiṃbhaṃ puṃsi ca maithunyaṃ jātibhraṃśakaraṃ smṛtaṃ /AP_168.038ab/
śvakharoṣṭramṛgendrāṇāmajāvyoś caiva māraṇaṃ(1)

saṅkīrṇakaraṇaṃ jñeyaṃ mīnāhinakulasya ca /AP_168.039ab/
ninditebhyo dhanādānaṃ bāṇijyaṃ śūdrasevanaṃ

apātrīkaraṇaṃ jñeyamasatyasya ca bhāṣaṇaṃ /AP_168.040ab/
kṛmikīṭavayohatyā madyānugatabhojanaṃ

phalaidhaḥkusumasteyamadhair yañca malāvahaṃ //41