Agni Purana · Chapter 167

:e ity āgneye mahāpurāṇe varṇadharmādirnāma
ṣaṭṣaṣṭyadhikaśatatamo 'dhyāyaḥ ||
% Chapter {167}
:ś atha saptaṣaṣṭyadhikaśatatamo 'dhyāyaḥ ||
ayutalakṣakoṭihomāḥ
agnir uvāca
śrīśāntivijayādyarthaṃ grahayajñaṃ punarvade /AP_167.001ab/
grahayajño 'yutahomalakṣakoṭyātmakastridhā

vederaiśe hy agnikuṇḍād grahānāvāhya maṇḍale /AP_167.002ab/
saumye gururbudhaś caiśe śukraḥ pūrvadale śaśī

āgneye dakṣiṇe bhaumo madhye syādbhāskaras tathā /AP_167.003ab/
śanirāpye 'tha nairṛtye rāhuḥ ketuś ca vāyave

īśaścomā guho viṣṇurbrahmendrau yamakālakau /AP_167.004ab/
citraguptaścādhidevā agnirāpaḥ kṣitirhariḥ

indra aindrī devatā ca prajeśo 'hirvidhiḥ kramāt /AP_167.005ab/
ete pratyadhidevāś ca gaṇeśo durgayānilaḥ

khamaśvinau ca sampūjya yajedvījaiś ca vedajaiḥ /AP_167.006ab/
:p 162
arkaḥ palāśaḥ khadiro hy apāmārgaś ca pippalaḥ

udumbaraḥ śamī durvā kuśāś ca samidhaḥ kramāt /AP_167.007ab/
madhvājyadadhisaṃmiśrā hotavyāścāṣṭadhā śatam

ekāṣṭaśaturaḥ kumbhān pūrya pūrṇāhutintathā /AP_167.008ab/
vasordhārāntato dadyāddakṣiṇāñca tato dadet

yajamānaṃ caturbhistair abhiṣiñcet samantrakaiḥ /AP_167.009ab/
surāstvāmabhiṣiñcantu brahmaviṣṇumaheśvarāḥ

vāsudevo jagannāthas tathā saṅkarṣaṇaḥ prabhuḥ /AP_167.010ab/
pradyumnaścāniruddhaś ca bhavantu vijayāya te

ākhaṇḍalo 'gnirbhagavān yamo vai nairṛtas tathā /AP_167.011ab/
varuṇaḥ pavanaś caiva dhanādhyakṣas tathā śivaḥ

brahmaṇā sahitaḥ śeṣo dikpālāḥ pāntu vaḥ sadā /AP_167.012ab/
kīrtirlakṣmīrdhṛtirmedhā puṣṭiḥ śraddhā kriyā matiḥ

buddhir lajjā vapuḥ śāntistuṣṭiḥ kāntiś ca mātaraḥ /AP_167.013ab/
etāstvāmabhiṣiñcantu dharmapatnyāḥ samāgatāḥ

ādityaś candramā bhaumo budhajīvaśitārkajāḥ /AP_167.014ab/
grahāstvāmabhiṣiñcantu rāhuḥ ketuś ca tarpitāḥ

devadānavagandharvā yakṣarākṣasapannagāḥ /AP_167.015ab/
ṛṣayo manavo gāvo devamātara eva ca

devapatnyo drumā nāgā daityāścāpsarasāṅgaṇāḥ /AP_167.016ab/
astrāṇi sarvaśāstrāṇi rājāno vāhanāni ca

auṣadhāni ca ratnāni kālasyāvayavāś ca ye /AP_167.017ab/
saritaḥ sāgarāḥ śailāstīrthāni jaladā nadāḥ

:p 163
ete tvāmabhiṣiñcantu sarvakāmārthasiddhaye(1) /AP_167.018ab/
alaṅkṛtastato dadyāddhemagonnabhuvādikaṃ

kapile sarvadevānāṃ pūjanīyāsi rohiṇi /AP_167.019ab/
tīrthadevamayī yasmādataḥśāntiṃ prayaccha me

puṇyastvaṃ śaṅkha puṇyānāṃ maṅgalānāñca maṅgalaṃ /AP_167.020ab/
viṣṇunā vidhṛto nityamataḥ śāntiṃ prayaccha me

dharma tvaṃ vṛṣarūpeṇa jagadānandakārakaḥ /AP_167.021ab/
aṣṭamūrteradhiṣṭānamataḥ śāntiṃ prayaccha me

hiraṇyagarbhagarbhasthaṃ hemavījaṃ vibhāvasoḥ /AP_167.022ab/
anantapuṇyaphaladamataḥ śāntiṃ prayaccha me

pītavastrayugaṃ yasmādvāsudevasya vallabhaṃ /AP_167.023ab/
pradānāttasya vai viṣṇurataḥ śāntiṃ prayaccha me

viṣṇustvaṃ matsyarūpeṇa yasmādamṛtasambhavaḥ /AP_167.024ab/
candrārkavāhano nityamataḥ śāntiṃ prayaccha me

yasmāttvaṃ pṛthivī sarvā dhenuḥ keśavasannibhā /AP_167.025ab/
sarvapāpaharā nityamataḥ śāntiṃ prayaccha me

yasmādāyasakarmāṇi tavādhīnāni sarvadā /AP_167.026ab/
lāṅgalādyāyudhādīni ataḥ śāntiṃ prayaccha me

yasmāttvaṃ ssarvayajñānāmaṅgatvena vyavasthitaḥ /AP_167.027ab/
yonirvibhāvasornityamataḥ śāntiṃ prayaccha me

gavāmaṅgeṣu tiṣṭhanti bhuvanāni caturdaśa /AP_167.028ab/
yasmāttasmācchivaṃ me syādiha loke paratra ca

:n
1 dharmakāmārthasiddhaye iti kha..
:p 164
yasmādaśūnyaṃ śayanaṃ keśavasya śivasya ca /AP_167.029ab/
śayyā mamāpyaśūnyāstu dattā janmani janmani(1)

yathā ratneṣu sarveṣu sarve devāḥ pratiṣṭhitāḥ /AP_167.030ab/
tathā śāntiṃ prayacchantu ratnadānena me surāḥ

yathā bhūmipradānasya kalāṃ nārhanti ṣoḍaśīṃ /AP_167.031ab/
dānānyanyāni me śāntirbhūmidānādbhavatviha

grahayajño 'yutahomo dakṣiṇābhī raṇe jitiḥ /AP_167.032ab/
vivāhotsavayajñeṣu pratiṣṭhādiṣu karmaṣu

sarvakāmāptaye lakṣakoṭihomadvayaṃ mataṃ /AP_167.033ab/
gṛhadeśe maṇḍape 'tha(2) ayute hastamātrakaṃ

mekhalāyonisaṃyuktaṃ kuṇḍañcatvāra ṛtvijaḥ /AP_167.034ab/
svayameko 'pi vā lakṣe sarvaṃ daśaguṇaṃ hi tat

caturhastaṃ dvihastaṃ vā tārkṣañcātrādhikaṃ yajet /AP_167.035ab/
sāmadhvaniśīrastvaṃ vāhanaṃ pameṣṭhinaḥ

viṣayāpaharo nityamataḥ śāntiṃ prayaccha me /AP_167.036ab/
pūrvavat kuṇḍamāmantrya lakṣahomaṃ samācaret

vasordhārāṃ tato dadyācchayyābhūṣādikaṃ dadet /AP_167.037ab/
tatrāpi daśa cāṣṭau ca lakṣahome tathartvijaḥ

putrānnarājyavijayabhuktimuktyādi(3) cāpnuyāt /AP_167.038ab/
dakṣiṇābhiḥ phalenāsmācchatrughnaḥ koṭihomakaḥ

:n
1 tathā janmani janmanīti ṅa..
2 gṛhādau maṇḍape vātheti kha.. / gṛhādau maṇḍape caivamiti
ña..
3 putrārtharājyavijayabhuktimuktyādīti kha.. , ṅa.. ca
:p 165
caturhastaṃ cāṣṭahastaṃ kuṇḍandvādaśa ca dvijāḥ /AP_167.039ab/
pañcaviṃśaṃ ṣoḍaśaṃ vā paṭe dvāre catuṣṭayaṃ

koṭihomī sarvakāmī viṣṇulokaṃ sa gacchati /AP_167.040ab/
homastu grahamantrair vā gāyatryā vaiṣṇavair api

jātavedomukhaiḥ śaivaiḥ(1) vaidikaiḥ prathitair api /AP_167.041ab/
tilair yavair ghṛtair aśvamedhaphalādibhāk

vidveṣaṇābhicāreṣu trikoṇaṃ kuṇḍamiṣyate /AP_167.042ab/
samidho vāmahastena śyenāsthyanalasaṃyutāḥ

raktabhūṣair muktakeśair dhyāyadbhiraśivaṃ ripoḥ /AP_167.043ab/
durmitriyāstasmai santu yo dveṣṭi huṃ phaḍiti ca

chindyāt kṣureṇa pratimāṃ piṣṭarūpaṃ ripuṃ hanet(2) /AP_167.044ab/
yajedekaṃ pīḍakaṃ vā yaḥ sa kṛtvā divaṃ vrajet