Agni Purana · Chapter 165

:e ity āgneye mahāpurāṇe navagrahahomo nāma
catuḥṣaṣṭyadhikaśatatamo 'dhyāyaḥ ||
% Chapter {165}
:ś atha pañcaṣaṣtyadhikaśatatamo 'dhyāyaḥ
nānādharmāḥ
agnir uvāca
dhyeya ātmā sthito yo 'sau hṛdaye dīpavat prabhuḥ /AP_165.001ab/
ananyaviṣayaṃ kṛtvā mano buddhismṛtīndriyaṃ

śrāddhantu dhyāyine deyaṃ(3) gavyaṃ dadhi ghṛtaṃ payaḥ /AP_165.002ab/
priyaṅgavo masūrāś ca vārtākuḥ kodravo na hi

saiṃhikayo yadā sūryaṃ grasate parvasandhiṣu /AP_165.003ab/
hasticchāyā tu sā jñeyā śrāddhadānādike 'kṣyā

:n
1 sadā duḥstha iti kha.. , cha.. ca
2 manuṣyāṇāmiti ṅa..
3 vyāpine deyamiti ṅa..
:p 156
pitre caiva yadā somo haṃse caiva kare sthite /AP_165.004ab/
tithirvaivasvato nāma sā chāyā kuñjarasya tu

agnaukaraṇaśeṣantu na dadyādvaiśvadevike /AP_165.005ab/
agnyabhāve tu viprasya haste dadyāttu dakṣiṇe

na strī duṣyati jāreṇa na vipro vedakarmaṇā /AP_165.006ab/
balātkāropabhuktā cedvairihastagatāpi vā(1)

santyajed dūṣitānnārīmṛtukāle na śuddhyati /AP_165.007ab/
ya ātmatryatirekeṇa dvitīyaṃ nātra paśyati(2)

brahmabhūtaḥ sa eveha yogī cātmarato 'malaḥ /AP_165.008ab/
viṣayendriyasaṃyogāt kecid yogaṃ vadanti vai

adharmo dharmabuddhyā tu gṛhītastair apaṇḍitaiḥ /AP_165.009ab/
ātmano manasaś caiva saṃyogañca tathā pare

vṛttihīnaṃ manaḥ kṛtvā kṣetrajñaṃ paramātmani /AP_165.010ab/
ekīkṛtya vimucyeta bandhādyogo 'yamuttamaḥ

kuṭumbaiḥ pañcabhiryāmaḥ ṣaṣṭhastatra mahattaraḥ /AP_165.011ab/
devāsuramanuṣyair vā sa jetuṃ naiva śakyate(3)

vahirmukhāni sarvāṇi kṛtvā cābhimukhāni vai /AP_165.012ab/
manasyevendriyagrāmaṃ manaścātmani yojayet

sarvabhāvavinirmuktaṃ kṣetrajñaṃ brahmaṇi nyaset /AP_165.013ab/
etajjñānañca dhyānañca śeṣo 'nyo granthavistaraḥ(4)

:n
1 caurahastagatāpi veti kha.. , gha.. , ña ca
2 dvitīyaṃ nānupaśyatīti gha.. , ṭa.. ca
3 sa jetuṃ na ca śakyata iti ga.. , ṅa.. ca
4 śeṣā ye granthavistarā iti ṅa
:p 157
yannāsti sarvalokasya tadastīti virudhyate /AP_165.014ab/
kathyamānaṃ tathānyasya hṛdaye nāvatiṣṭhate

asaṃvedyaṃ hi tad brahma(1) kumārī strīmukhaṃ yathā /AP_165.015ab/
ayogī naiva jānāti jātyandho hi ghaṭaṃ yathā

satryasantaṃ dvijaṃ dṛṣṭvā sthānāccalati bhāskaraḥ /AP_165.016ab/
eṣa me maṇḍalaṃ bhittvā paraṃ brahmādhigacchati

upavāsavratañcaiva snānantīrthaṃ phalantapaḥ /AP_165.017ab/
dvijasampādanañcaiva sampannantasya tat phalaṃ

ekākṣaraṃ paraṃ brahma prāṇāyāmaḥ parantapaḥ /AP_165.018ab/
sāvitryāstu paraṃ nāsti pāvanaṃ paramaṃ smṛtaḥ

pūrvaṃ striyaḥ surair bhuktāḥ somagandharvavahnibhiḥ /AP_165.019ab/
bhuñjate mānuṣāḥ paścānnaitā duṣyanti kenacit

asavarṇena yo garbhaḥ strīṇāṃ yonau niṣicyate /AP_165.020ab/
aśuddhā tu bhavennārī yāvatchalyaṃ na muñcati

niḥsṛte tu tataḥ śalye rajasā śuddhyate tataḥ /AP_165.021ab/
dhyānena sadṛśannāsti śodhanaṃ pāpakarmaṇāṃ

śvapākeṣvapi bhuñjāno dhyānena hi viśuddhyati /AP_165.022ab/
ātmā dhyātā mano dhyānaṃ dhyeyo viṣṇuḥ phalaṃ hariḥ

akṣayāya yatiḥ śrāddhe paṅktipāvanapāvanaḥ /AP_165.023ab/
ārūḍho naiṣṭhikandharmaṃ yastu pracyavate dvijaḥ

:n
1 svasaṃvedyaṃ hi tad brahma iti ga.. , ṅa.. ca / susaṃvedyaṃ hi tad brahma
iti ja.. , ṭa.. ca / svayaṃ vedyaṃ hi tad brahma iti gha.. , ña.. ca
:p 158
prāyaścittaṃ na paśyāmi yena śuddhyetsa ātmahā /AP_165.024ab/
ye ca pravrajitāḥ patnyāṃ yā caiṣāṃ vījasantatiḥ

vidurā nāma caṇḍālā jāyante nātra saṃśayaḥ /AP_165.025ab/
śatiko mriyate gṛdhraḥ śvāsau dvādaśikas tathā

bhāso viṃśativarṣāṇi sūkaro daśabhis tathā /AP_165.026ab/
apuṣpo viphalo vṛkṣo jāyate kaṇṭakāvṛtaḥ

tato dāvāgnidagdhastu sthāṇurbhavati sānugaḥ /AP_165.027ab/
tato varṣaśatānyaṣṭau dve tiṣṭhatyacetanaḥ

pūrṇe varṣasahasre tu jāyate brahmarākṣasaḥ /AP_165.028ab/
plavena labhate mokṣaṃ kulasyotsādanena vā

yogameva niṣeveteta nānyaṃ mantramaghāpahaṃ //29