Agni Purana · Chapter 162

:e ity āgneye mahāpurāṇe yatirdharmā
nāmaikaṣaṣṭyadhikaśatatamo 'dhyāyaḥ ||
:n
1 āgratsvapnasusuptyāntamuktamiti ṅa.. , cha.. , ña.. ca
2 ity āgneye aśaucanirṇaya ity ādiḥ, satyamānandamadvayamityantaḥ
pāṭho ga.. pustake nāsti
:p 147
% Chapter {162}
:ś atha dviṣaṣṭyadhikaśatatamo 'dhyāyaḥ
dharmaśāstrakathanaṃ
puṣkara uvāca
manurviṣṇuryājñavalko hārīto 'triryamo 'ṅigirāḥ /AP_162.001ab/
vasiṣṭhadakṣasaṃvartaśātātapaparāśarāḥ

āpastambośanovyāsāḥ kātyayanabṛhaspatī /AP_162.002ab/
gotamaḥ śaṅkhalikhitau dharmamete yathābruvan

tathā vakṣye samāsena bhuktimuktipradaṃ śṛṇu /AP_162.003ab/
pravṛttañca nivṛttañca dvividhaṅkarma vaidikaṃ

kāmyaṃ karma pravṛttaṃ syānnivṛttaṃ jñānapūrvakaṃ /AP_162.004ab/
vedābhyāsastapo jñānamindiyāṇāñca saṃyamaḥ

ahiṃsā gurusevā ca niḥśreyasakaraṃ paraṃ /AP_162.005ab/
sarveṣāmapi caiteṣāmatmajñānaṃ paraṃ smṛtaṃ

taccagryaṃ sarvavidyānāṃ prāpyate hy amṛtaṃ tataḥ /AP_162.006ab/
sarvabhūteṣu cātmānaṃ sarvabhūtāni cātmani

samampaśyannātmayājī svārājyamadhigacchati /AP_162.007ab/
ātmajñāne same ca syādvedābhyāse ca yatnavān

etaddvijanmasāmarthyaṃ(1) brāhmaṇasya viśeṣataḥ /AP_162.008ab/
:n
1 etaddvijanmasāgryamiti kha.. , ṅa.. , jha.. , ña.. , ṭa.. ca /
etaddvijanmasāmagrīti gha.
:p 148
vedaśāstrārthatattvajño yatra tatrāśrame vasan

ihaiva loke tiṣṭhan hi brahmabhūyāya kalpyate(1) /AP_162.009ab/
svādhyāyānāmupākarma śrāvaṇyāṃ śrāvaṇena tu

haste cauṣadhivāre ca pañcamyāṃ śrāvaṇasya vā /AP_162.010ab/
pauṣamāsasya rohiṇyāmaṣṭakāyāmathāpi vā

jalānte chandasāṅkuryādutsargaṃ vidhivadvahiḥ /AP_162.011ab/
tryahaṃ preteṣvanadhyāyaḥ śiṣyartviggurubandhuṣu

upākarmaṇi cotsargaṃ svaśākhāśrotriye tathā(2) /AP_162.012ab/
sandhyāgarjitanirghāte bhūkampolkānipātane

samāpya vedaṃ hy aniśamāraṇyakamadhītya ca /AP_162.013ab/
pañcadaśyāṃ caturdaśyāmaṣṭamyāṃ rāhusūtake

ṛtusandhiṣu bhuktvā vā śrādvikaṃ pratigṛhya ca /AP_162.014ab/
paśumaṇḍūkanakulaśvāhimārjāraśūkaraiḥ(3)

kṛtentare tvahorātraṃ śakrapāte tathocchriye /AP_162.015ab/
śvakroṣṭugardhabholūkamāsavāṇartunisvane

amedhyaśavaśūdrāntyaśmaśānapatitāntike /AP_162.016ab/
aśubhāsu ca tārāsu vidyutstanitasamplave

bhutkvārdrapāṇirambhontarardharātre 'timārute /AP_162.017ab/
pāṃśuvarṣe diśāndāhe sandhyānīhārabhītiṣu

dhāvataḥ prāṇibādhe ca viśiṣṭe gṛhamāgate /AP_162.018ab/
:n
1 brahmacaryāya kalpyate iti ṅa..
2 svaśākhāśrotriye mṛte iti gha.. , jha.. , ña.. , ṭa ca
3 śaśamārjāraśūkarair iti ṅa..
:p 149
kharoṣṭrayānahastyaśvanaukāvṛkṣādirohaṇe

saptatriṃśadanadhyāyānetāṃstātkālikānviduḥ
//19