Agni Purana · Chapter 155

:e ity āgneye mahāpurāṇe vivāho nāma
satuḥpañcāśadadhikaśatatamo 'dhyāyaḥ ||
% Chapter {155}
:ś atha pañcapañcāśadadhikaśatatamo 'dhyāyaḥ
ācāraḥ
puṣkara uvāca
brāhme muhūrte cotthāya viṣṇvādīn daivatān smaret /AP_155.001ab/
ubhe mūtrapurīṣe tu divā kuryādudaṅmukhaḥ

rātau ca dakṣiṇe kuryādubhe sandhye yathā divā /AP_155.002ab/
na mārgādau jale vīpyāṃ satṛṇāyāṃ sadācaret

:p 124
śaucaṃ kṛtvā mṛdācamya bhakṣayeddantadhāvanaṃ /AP_155.003ab/
nityaṃ naimittikaṃ kāmyaṃ kriyāṅgaṃ malakarṣaṇaṃ

kriyāsnānaṃ tathā ṣaṣṭhaṃ ṣoḍhāsnānaṃ prakīrtitaṃ /AP_155.004ab/
asnātasyāphalaṃ karma prātaḥsnānaṃ carettataḥ

bhūmiṣṭhamuddhṛtāt puṇyaṃ tataḥ prasravaṇodakaṃ /AP_155.005ab/
tato 'pi sārasaṃ puṇyaṃ tasmānnādeyamucyate

tīrthatoyaṃ tataḥ puṇyaṃ gāṅgaṃ puṇyantu sarvataḥ /AP_155.006ab/
saṃśodhitamalaḥ pūrvaṃ nimagnaś ca jalāśaye

upaspṛśya tataḥ kuryādambhasaḥ parimārjanaṃ /AP_155.007ab/
hiraṇyavarṇāstisṛbhiḥ śanno devīti cāpyatha

āpohiṣṭheti tisṛbhiridamāpastathaiva ca /AP_155.008ab/
tato jalāśaye magnaḥ kuryādantarjalaṃ japaṃ

tatrāghamarṣaṇaṃ sūktaṃ drupadāṃ vā tathā japet /AP_155.009ab/
yuñjate mana ity evaṃ sūktaṃ sūktaṃ vāpyatha pauruṣaṃ

gāyatrīṃ tu viśeṣeṇa aghamarṣaṇasūktake /AP_155.010ab/
devatā bhāvavṛttastu ṛṣiś caivāghamarṣaṇaḥ

chandaścānuṣṭubhaṃ tasya bhāvavṛtto hariḥ smṛtaḥ /AP_155.011ab/
āpīḍamānaḥ śāṭīṃ tu devatāpitṛtarpaṇaṃ(1)

pauruṣeṇa tu sūktena dadeccaivodakāñjaliṃ /AP_155.012ab/
tato 'gnihavanaṃ(2) kuryāddānaṃ datvā(3) tu śaktitaḥ

:n
1 tatrāghamarṣaṇamityādiḥ devatāpitṛtarpaṇamityantaḥ
pāṭhaḥ jha.. pustake nāsti
2 tato 'gniharaṇamiti ṅa.. , cha.. ca
3 dīpaṃ datveti jha..
:p 125
tataḥ samabhigaccheta yogākṣemārthamīśvaraṃ /AP_155.013ab/
āsanaṃ śayanaṃ yānaṃ jāyāpatyaṅkamaṇḍaluḥ

ātmanaḥ śuciretāni pareṣāṃ na śucirbhavet /AP_155.014ab/
bhārākrāntasya gurviṇyāḥ panthā deyo guruṣvapi

na paśyeccārkamudyantannāstaṃ yāntaṃ na cāmbhasi /AP_155.015ab/
nekṣennagnāṃ striyaṃ kūpaṃ śūnāsthānamaghaughinaṃ

kārpāsāthi tayā bhasma nākrāmed yacca kutsitaṃ /AP_155.016ab/
antaḥpuraṃ vittigṛhaṃ paradautyaṃ brajenna hi(1)

nārohedviṣamānnāvanna vṛkṣaṃ na ca parvataṃ /AP_155.017ab/
arthāyatanaśāstreṣu tathaiva syāt kutūhalī

loṣṭamardo tṛṇacchedī nakhakhādī vinaśyati /AP_155.018ab/
mukhādivādanaṃ nehed vinā dīpaṃ na rātrigaḥ(2)

nādvāreṇa viśedveśma na ca vaktraṃ virāgayet /AP_155.019ab/
kathābhaṅgaṃ na kurvīta na ca vāsoviparyayaṃ

bhadraṃ bhadramiti brūyānnāniṣṭaṃ kīrtayet kvacit /AP_155.020ab/
pālāśamāsanaṃ varjyaṃ devādicchāyayā(3) vrajet

na madhye pūjyayoryāyāt nocchiṣṭastārakādidṛk /AP_155.021ab/
nadyānnānyāṃ nadīṃ brūyānna kaṇḍūyed dvihastakaṃ

asantarpya pitṝn devānnadīpārañca na vrajet /AP_155.022ab/
malādiprakṣipennāpsu(4) na nagnaḥ snānamācaret

:n
1 parabhṛto bhavenna hi iti jha..
2 loṣṭamaddītyādiḥ, na rātriga ity antaḥ pāṭhaḥ, ga.pustake
nāsti
3 devādricchāyayeti kha.. , cha.. , ga.. ca
4 malādikṣepayennāpsu iti kha.. , ṭa.. ca
:p 126
tataḥ samabhigaccheta yogakṣemārthamīśvaraṃ /AP_155.023ab/
srajannātmanāppanayet kharādikarajastyajet

hīnānnāvahaset gacchennādeśe niyasecca taiḥ /AP_155.024ab/
vaidyarājanadīhīne mlecchastrībahunāyake

rajasvalādipatitair na bhāṣeta keśavaṃ smaret /AP_155.025ab/
nāsaṃvṛtamukhaḥ kuryāddhāsaṃ(1) jṛmbhāṃ tathā kṣutaṃ

prabhorapyavamanaṃ khadgopayedvacanaṃ budhaḥ /AP_155.026ab/
indriyāṇāṃ nānukūlī vedarodhaṃ na kārayet

nopekṣitavyo vyādhiḥ syādripuralpo 'pi(2) bhārgava /AP_155.027ab/
rathyātigaḥ sadācāmet(3) vibhṛyānnāgnivāriṇī

na huṅkuryācchivaṃ pūjyaṃ pādaṃ pādena nākramet /AP_155.028ab/
pratyakṣaṃ vā parokṣaṃ vā kasya cinnāpriyaṃ vadet

vedaśāstranarendrarṣidevanindāṃ vivarjayet /AP_155.029ab/
strīṇāmīrṣā(4) na kartavyā triśvāsantāsu varjayet

dharmaśrutiṃ devaratiṃ(5) kuryāddharmādi nityaśaḥ(6) /AP_155.030ab/
somasya pūjāṃ janmarkṣe vipradevādipūjanaṃ

:n
1 kuryāddhāsyamiti kha.. ,ṭa.. ca
2 ripurvatsopi iti ṅa..
3 samācāmediti cha..
4 strīṇāmiccheti ka..
5 devanatimiti ga.. , gha.. , ṅa.. , ña.. , ṭa.. ca / vedanatimiti kha.. ,cha.. ca
6 bhadraṃ bhadramiti brūyādityādiḥ, kuryāddharmādi nityaśa ity
antaḥ pāṭhaḥ jha.. pustake nāsti
:p 127
ṣaṣṭhīcaturdaśyaṣṭamyāmabhyaṅgaṃ varjayettathā /AP_155.031ab/
dūrādgṛhān mūtraviṣṭhe nottamaivairamācaret