Agni Purana · Chapter 150

:e ity āgneye mahāpurāṇe yuddhajayārṇave ayutalakṣakoṭihomo
nāmonapañcāśadadhikaśatatamo 'dhyāyaḥ ||
% Chapter {150}
:ś atha pañcāśadadhikaśatatamo 'dhyāyaḥ
manvantarāṇi
agnir uvāca
manvantarāṇi vakṣyāmi ādyāḥ svāyambhuvo manuḥ /AP_150.001ab/
agnīdhrādyāstasya sutā yamo nāma tadā surāḥ

aurvādyāś ca saptarṣaya indraś caiva śatakratuḥ /AP_150.002ab/
pārāvatāḥ satuṣitā devāḥ svārociṣe 'ntare

vipaścittatra devendra ūrjastambhādayo dvijāḥ /AP_150.003ab/
caitrakimpuruṣāḥ putrāstṛtīyaścottotamo manuḥ

suśāntirindro devāś ca sudhāmādyā vaśiṣṭhajāḥ /AP_150.004ab/
saptarṣayo 'jādyāḥ putrāś caturthastāmasī manuḥ

:p 114
svarūpādyāḥ suragaṇāḥ śikhirindraḥ sureśvaraḥ /AP_150.005ab/
jyotirdhāmādayo viprā nava khyātimukhāḥ sutāḥ

raivate vitathaścendro amitābhās tathā surāḥ /AP_150.006ab/
hiraṇyaromādyā munayo(1) balabandhādayaḥ sutāḥ

manojavaścākṣuṣe 'tha indraḥ svātyādayaḥ surāḥ /AP_150.007ab/
sumedhādyā maharṣayaḥ puruprabhṛtayaḥ sutāḥ

vivasvataḥ suto vipraḥ śrāddhadevo manustataḥ /AP_150.008ab/
ādityavasurudrādyā devā indraḥ purandaraḥ

vaśiṣṭhaḥ kāśyapo 'thātrirjamadagniḥ sagotamaḥ /AP_150.009ab/
viśvāmitrabharadvājau munayaḥ sapta sāmprataṃ

ikṣvākupramukhāḥ putrā aṃśena harirābhavat /AP_150.010ab/
svāyambhuve mānaso 'bhūdajitastadanantare

satyo harirdevadaro vaikuṇṭho vāmanaḥ kramāt /AP_150.011ab/
chāyājaḥ sūryaputrastu bhavitā cāṣṭamo manuḥ

pūrvasya ca savarṇo 'sau sāvarṇirbhavitāṣṭamaḥ /AP_150.012ab/
sutapādyā devagaṇā dīptimaddrauṇikādayaḥ

munayo balirindraś ca virajapramukhāḥ sutāḥ /AP_150.013ab/
navamo dakṣasāvarṇiḥ pārādyāś ca tadā surāḥ(2)

indraś caivādbhutasteṣāṃ savanādyā dvijottamāḥ /AP_150.014ab/
dhṛtaketvādayaḥ putrā brahmasāvarṇirityataḥ

sukhādayo devagaṇāsteṣāṃ śāntiḥ śatakratuḥ /AP_150.015ab/
:n
1 hiraṇyaromādyā ṛṣaya iti ña..
2 tathā surā iti cha..
:p 115
haviṣyādyāś ca munayaḥ sukṣetrādyāś ca tatsutāḥ

dharmasāvarṇikaścātha vihaṅgādyāstadā surāḥ /AP_150.016ab/
gaṇeśaścendro naś carādyā munayaḥ putrakāmayoḥ

sarvatragādyā rudrākhyaḥ sāvarṇibhavitā manuḥ /AP_150.017ab/
ṛtadhāmā surendraś ca haritādyāś ca devatāḥ

tapasyādyāḥ saptarṣayaḥ sutā vaidevavanmukhāḥ /AP_150.018ab/
manustrayodaśo raucyaḥ sūtrāmāṇādayaḥ surāḥ

indro divaspatisteṣāṃ dānavādivimardanaḥ /AP_150.019ab/
nirmohādyāḥ saptarṣayaścitrasenādayaḥ sutāḥ

manuś caturdaśo bhautyaḥ śucirindro bhaviṣyati /AP_150.020ab/
cākṣuṣādyāḥ suragaṇā agnibāhṇādayo dvijāḥ

caturdaśasya bhautyasya putrā ūrumukhā manoḥ /AP_150.021ab/
prayartayanti devāṃś ca bhuvi saptarṣayo divaḥ

devā yajñabhujaste tu bhūḥ putraiḥ paripālyate /AP_150.022ab/
brahmaṇo divase brahmanmanavastu caturdaśa

manvādyāś ca harirvedaṃ dvāparānte vibheda saḥ /AP_150.023ab/
ādyo vedaś catuṣpādaḥ śatasāhasrasammitaḥ

ekaścāsīd yajurvedastaṃ caturdhā vyakalpayat /AP_150.024ab/
ādhvaryavaṃ yajurbhistu ṛgbhirhotraṃ tathā muniḥ

audgātraṃ sāmabhioś cakre brahmatvañcāpyatharvabhiḥ /AP_150.025ab/
prathamaṃ vyāsaśiṣyastu pailo hy ṛgvedapāragaḥ

indraḥ pramataye prādādvāskalāya ca saṃhitāṃ /AP_150.026ab/
baudhyādibhyo dadau sopi caturdhā nijasaṃhitāṃ

:p 116
yajurvedataroḥ śākhāḥ saptaviṃśanmahāmatiḥ /AP_150.027ab/
vaiśampāyananāmāsau vyāsaśiṣyaś cakāra vai

kāṇvā vājasaneyādyā yājñavalkyādibhiḥ smṛtāḥ /AP_150.028ab/
sāmavedataroḥ śākhā vyāsaśiṣyaḥ sajaiminiḥ

sumantuś ca sukarmā ca ekaikāṃ saṃhitāṃ tataḥ /AP_150.029ab/
gṛhṇate ca sukarmākhyaḥ sahasraṃ saṃhitāṃ guruḥ

sumantuścātharvataruṃ vyāsaśiṣyo vibheda taṃ /AP_150.030ab/
śiṣyānadhyāpayāmāsa paipyalādān sahasraśaḥ

purāṇasaṃhitāṃ cakre suto vyāsaprasādataḥ //31