Agni Purana · Chapter 151

:e ity āgneye mahāpurāṇe manvantarāṇi nāma
pañcāśadadhikaśatatamo 'dhyāyaḥ ||
% Chapter {151}
:ś athaikapañcāśadadhikaśatatano 'dhyāyaḥ
varṇetaradharmāḥ
agnir uvāca
manvādayo bhuktimuktidharmāṃścīrtvāpnuvanti yān /AP_151.001ab/
proce paraśurāmāya varuṇoktantu puṣkaraḥ

puṣkara uvāca
varṇāśrametarāṇānte dharmānvakṣyāmi sarvadān /AP_151.002ab/
manvādibhir nigaditān vāsudevādituṣṭidān

:p 117
ahiṃsā satyavacanandayā bhūteṣvanugrahaḥ /AP_151.003ab/
tīrthānusaraṇaṃ dānaṃ brahmacaryammatsaraḥ

devadvijātiśuśrūṣā gurūṇāñca bhṛgūttama /AP_151.004ab/
śravaṇaṃ sarvadharmāṇāṃ pitṝṇāṃ pūjanaṃ tathā

bhaktiś ca nṛpatau nityaṃ tathā sacchāstranetratā /AP_151.005ab/
ānṛśaṃṣyantitikṣā ca tathā cāstikyameva ca

varṇāśramāṇāṃ sāmānyaṃ dharmādharmaṃ(1) samīritaṃ /AP_151.006ab/
yajanaṃ yājanaṃ dānaṃ vedādyadhyāpanakriyā

pratigrahañcādhyayanaṃ viprakarmāṇi nirdiśet /AP_151.007ab/
dānamadhyayanañcaiva yajanañca yathāvidhiḥ

kṣatriyasya savaiśyasya karmedaṃ parikīrtitaṃ /AP_151.008ab/
kṣatriyasya viśeṣeṇa pālanaṃ duṣṭanigrahaḥ

kṛṣigorakṣyavāṇijyaṃ vaiśyasya parikīrtitaṃ /AP_151.009ab/
śūdrasya dvijaśuśrūṣā sarvaśilpāni vāpyatha

mauñjībandhanato janma viprādeś ca dvitīyakaṃ /AP_151.010ab/
ānulomyena varṇānāṃ jātirmātṛsamā smṛtā

caṇḍālo brāhmaṇīputraḥ śūdrācca pratilomataḥ /AP_151.011ab/
sūtastu kṣatriyājjāto vaiśyādvai devalas tathā

pukkasaḥ kṣatriyāputraḥ śūdrāt syāt pratilomajaḥ /AP_151.012ab/
māgadhaḥ syāttathā vaiśyācchūdrādayogavo bhavet

vaiśyāyāṃ pratilomebhyaḥ pratilomāḥ sahasraśaḥ /AP_151.013ab/
:n
1 dharmarūpamiti ga.. , gha.. , ṅa.. , ña.. ca
:p 118
vivāhaḥ sadṛśaisteṣāṃ nottamair nādhamais tathā

caṇḍālakarma nirdiṣṭaṃ badhyānāṃ ghātanaṃ tathā /AP_151.014ab/
strījīvantu tadrakṣāproktaṃ(1) vaidehakasya ca

sūtānāmaśvasārathyaṃ pukkasānāñca vyādhatā /AP_151.015ab/
stutikriyā māghdhānāṃ tathā cāyogaśasya ca

raṅgāvataraṇaṃ proktaṃ tathā śilpaiś ca jīvanaṃ /AP_151.016ab/
vahirgrāmanivāsaś ca mṛtacelasya dhāraṇaṃ

na saṃsparśastathaivānyaiś caṇḍālasya vidhīyate /AP_151.017ab/
brāhmaṇārthe gavārthe vā dehatyāgo 'tra yaḥ kṛtaḥ

strībālādyupapato vā vāhyāṇāṃ siddhikāraṇaṃ /AP_151.018ab/
saṅkare jātayo jñeyāḥ piturmātuś ca karmataḥ