Agni Purana · Chapter 149

:e ity āgneye mahāpurāṇe yuddhajayārṇave saṅgrāmavijayapūjā
nāma aṣṭacatvāriṃśadadhikaśatatamo 'dhyāyaḥ ||
% Chapter {149}
:ś athonapañcāśadadhikaśatatamo 'dhyāyaḥ ||
lakṣakoṭihomaḥ
īśvara uvāca
homādraṇādau vijayo rājyāptirvighnanāśanaṃ /AP_149.001ab/
kṛcchreṇa śuddhimutpādya prāṇāyāmaśatena ca

:n
1 dīptā dhūmeti jha..
2 vindu vindu samāyuktā iti cha..
:p 112
antarjale ca gāyatrīṃ japtvā ṣoḍaśadhācaret /AP_149.002ab/
prāṇāyāmāṃś ca pūrvāhṇe juhuyāt pāvake haviḥ

bhaikṣyayāvakabhakṣī ca phalamūlāśano 'pi vā /AP_149.003ab/
kṣīraśaktughṛtāhāra ekamāhāramāśrayet

yāvatsamāptirbhavati lakṣahomasya pārvati /AP_149.004ab/
dakṣiṇā lakṣahomānte gāvo vastrāṇi kāñcanaṃ

sarvotpātasamutpattau pañcabhirdaśabhirdvijaiḥ /AP_149.005ab/
nāsti loke sa utpāto yo hy anena na śāmyati

maṅgalyaṃ paramaṃ nāsti yadasmādatiricyate /AP_149.006ab/
koṭihomantu yo rājā kārayet pūrvavaddvijaiḥ

na tasya śatravaḥ saṅkhye jātu tiṣṭhanti karhicit /AP_149.007ab/
na tasya mārako deśe vyādhirvā jāyate kvacit

ativṛṣṭiranāvṛṣṭirmūṣakāḥ śalabhāḥ śukāḥ /AP_149.008ab/
rākṣasādyāś ca śāmyanti sarve ca ripavo raṇe

koṭihome tu varayedbrāhmaṇānviṃśatiṃ tathā /AP_149.009ab/
śatañcātha sahasraṃ vā yatheṣṭāmbhūtimāpnuyāt

koṭihomantu yaḥ kuryād dvijo bhūpo 'thavā ca viṭ /AP_149.010ab/
yadicchet prāpnuyāttattat saśarīro divaṃ vrajet

gāyatryā grahamantrair vā kuṣmāṇḍījātavedasaiḥ /AP_149.011ab/
aindravāruṇavāyavyayāmyāgneyaiś ca vaiṣṇavaiḥ

śākteyaiś ca śāmbhavaiḥ saurair mantrair homārcanāttataḥ /AP_149.012ab/
ayutenālpasiddhiḥ syāllakṣahomo 'khilārtinut

sarvapīḍādinaśāya koṭihomo 'khilārthadaḥ /AP_149.013ab/
:p 113
yavavrīhitilakṣīraghṛtakuśapramātikāḥ

paṅkajośīravilvāmradalā home prakīrtitāḥ /AP_149.014ab/
aṣṭahastapramāṇena koṭihomeṣu khātakaṃ

tasmādardhapramāṇena lakṣahome vidhīyate /AP_149.015ab/
homo 'yutena lakṣeṇa kodyājyādyaiḥ prakīrtitaḥ