Agni Purana · Chapter 140

:e ity āgneye mahāpurāṇe yuddhajayārṇave ṣaṣṭisaṃvatsarāṇi
nāma ūnacatvāriṃśadadhikaśatatamo 'dhyāyaḥ ||
:n
1 durmukhe mukhro loka iti kha.. , gha.. , ṅa.. , ña.. ca
2 kṣīṇadhavo loka iti ka.. / kṣīṇajano loka iti ja..
:p 88
% Chapter {140}
:ś atha catvāriṃśadadhikaśatatamo 'dhyāyaḥ
vaśyādiyogāḥ
īśvara uvāca
vaśyādiyogān vakṣyāmi likhed dvyaṣṭapade tvimān /AP_140.001ab/
bhṛṅgarājaḥ sahadevī(1) mayūrasya śikhā tathā

putrañjīvakṛtañjalī hy adhaḥpuṣpā rudantikā /AP_140.002ab/
kumārī rudrajaṭā(2) syādviṣṇukrāntā śito 'rkakaḥ

lajjālukā mohalatā kṛṣṇadhustūrasañjñitā(3) /AP_140.003ab/
gorakṣaḥ karkaṭo caiva meṣaśṛṅgī snuhī tathā

ṛtvijo 16 vahnaye 3 nāgāḥ 8 pakṣau 2 muni 3 manū 14 śivaḥ 11 /AP_140.004ab/
vasavo 8 dik 10 rasā 6 vedā 4 graha 9 rtu6ravi 12 candramāḥ 1

tithayaś ca 15 kramādbhāgā oṣadhīnāṃ pradakṣiṇaṃ /AP_140.005ab/
prathamena catuṣkeṇa dhūpaścodvartanaṃ paraṃ

tṛtīyenāñjanaṃ kuryāt snānaṃ kuryāccatuṣkataḥ /AP_140.006ab/
bhṛṅgarājānulomācca caturdhā lepanaṃ smṛtaṃ

munayo dakṣaṇe pārśve yugādyāścottarāḥ smṛtāḥ /AP_140.007ab/
bhujagāḥ pādasaṃsthāś ca īśvarā mūrdhni saṃsthitāḥ

madhyena sārkaśaśibhirdhūpaḥ syāt sarvakāryake /AP_140.008ab/
etair viliptadehastu tridaśair api pūjyate(4)

:n
1 sahadevā iti kha.. , gha.. , ṅa.. , cha.. ca
2 kumārī vajrajaṭā iti cha..
3 kṛṣṇadhustūrasañjiketi kha..
4 tridaśair api gṛhyate iti gha.. , ṅa.. ca
:p 89
dhūpastu ṣoḍaśādyastu gṛhādyudvartane smṛtaḥ /AP_140.009ab/
yugādyāścāñjane proktā vāṇādyāḥ snānakarmaṇi

rudrādyā bhakṣaṇe proktāḥ pakṣādyāḥ pānake smṛtāḥ /AP_140.010ab/
ṛtvigvedartunayanaistilakaṃ lokamohanaṃ

sūryatridaśapakṣaiś ca śailaiḥ strī lepato vaśā /AP_140.011ab/
candrendraphaṇirudraiś ca yonilepādvaśāḥ striyaḥ

tithidigyugavāṇaiś ca guṭikā tu vaśaṅkarī /AP_140.012ab/
bhakṣye bhojye tathā pāne dātavyā guṭikā vaśe

ṛtviggrahākṣiśailaiś ca śastrastambhe mukhe dhṛtā /AP_140.013ab/
śailendravedarandhraiś ca aṅgalepājjale vaset

vāṇākṣimanurudraiś ca guṭikā kṣuttṛṣādinut /AP_140.014ab/
triṣoḍaśadiśāvāṇair lepāt strī durbhagā śubhā

tridaśākṣidiśānetrair lepāt krīḍecca patragaiḥ /AP_140.015ab/
tridaśākṣeśabhujagair lepāt strī sūyate sukhaṃ

saptadiṅmunirandhraiś ca dyūtajihvastralepataḥ /AP_140.016ab/
tridaśākṣyabdhimunibhirdhvajalepāt(1) ratau sutaḥ

grahābdhisarpyatridaśair guṭikā syād vaśaṅkarī /AP_140.017ab/
ṛtvikpadasthitauṣadhyāḥ prabhāvaḥ pratipāditaḥ