Agni Purana · Chapter 141

:e ity āgneye mahāpurāṇe yuddhajayārṇave ṣoḍaśapadakā nāma
catvāriṃśadadhikaśatatamo 'dhyāyaḥ ||
:n
1 tridaśākṣyandhimanubhirdhvajalepāditi ga.. , gha.. , ṅa.. , cha.. ca
:p 90
% Chapter {141}
:ś athaikacatvāriṃśadadhikaśatatamo 'dhyāyaḥ
ṣaṭtriṃśatpadakajñānaṃ
īśvara uvāca
ṣaṭtriṃśatpadasaṃsthānāmoṣadhīnāṃ vade phalaṃ /AP_141.001ab/
amarīkaraṇaṃ nṛṇāṃ brahmarudrendrasevitaṃ

harītakyakṣyadhātrāś ca marīcampippalīśiphā /AP_141.002ab/
vahniḥ śuṇṭhī pippalī ca guḍūcīvacanimbakāḥ(1)

vāsakaḥ śatamūlī ca saindhavaṃ sindhuvārakaṃ /AP_141.003ab/
kaṇṭakārī gokṣurakā vilvampaunarnavaṃ balā

eraṇḍamuṇḍī rucako bhṛṅgaḥ kṣāro 'tha parpaṭaḥ /AP_141.004ab/
dhanyāko jīrakaś caiva śatapuṣyī javānikā

viḍaṅgaḥ khadiraś caiva kṛtamālo haridrayā /AP_141.005ab/
vacā siddhārtha etāni ṣaṭtriṃśatpadagāni hi

kramādekādisañjñāni hy aupadhāni mahānti hi /AP_141.006ab/
sarvarogaharāṇi syuramarīkaraṇāni ca

balīpalitabhettṝṇi(2) sarvakoṣṭhagatāni tu /AP_141.007ab/
eṣāṃ cūrṇañca vaṭikā rasena paribhāvitā

avalehaḥ kaṣāyo vā modako guḍakhaṇḍakaḥ /AP_141.008ab/
:n
1 cavyanimbakā iti ja.. , jha.. ca
2 balīpalitabhedīnīti cha..
:p 91
madhuto dhṛtato vāpi ghṛtantailamathāpi vā

sarvātmanopayuktaṃ hi mṛtasañjīvanambhavet /AP_141.009ab/
karṣārdhaṃ karṣamekaṃ vā palārdhaṃ palamekakaṃ

yatheṣṭācāranirato(1) jīvedvarṣaśatatrayaṃ /AP_141.010ab/
mṛtasañjīvanīkalpe yogo nāsmāt paro 'sti hi

prathamānnavakādyogāt sarvarogaiḥ pramucyate /AP_141.011ab/
dvitīyācca tṛtīyācca caturthānmucyate rujaḥ

evaṃ ṣaṭkācca prathamād dvitīyācca tṛtīyataḥ /AP_141.012ab/
caturthātpañcamāt ṣaṣṭhāttathā navacatuṣkataḥ

ekaditricatuḥpañcaṣaṭsaptāṣṭamato 'nilāt /AP_141.013ab/
agnibhāskaraṣaḍviṃśasaptaviṃśaiś ca pittataḥ

vāṇartuśailavasubhistithibhirmucyate kaphāt /AP_141.014ab/
vedāgnibhirbāṇaguṇaiḥ ṣadguṇaiḥ syādvaśe dhṛte

grahādigrahaṇāntaiś ca sarvair eva vimucyate /AP_141.015ab/
ekadvitrirasaiḥ śailair vasugrahaśivaiḥ kramāt

dvātriṃśattithisūryaiś ca nātra kāryā vicāraṇā /AP_141.016ab/
ṣaṭtriṃśatpadakajñānaṃ na deyaṃ yasya kasya cit