Agni Purana · Chapter 139

:e ity āgneye mahāpurāṇe yuddhajayārṇave ṣaṭkarmāṇi
nāmāṣṭatriṃśadadhikaśatatamo 'dhyāyaḥ ||
% Chapter {139}
:ś athonacatvāriṃśadadhikaśatatamo 'dhyāyaḥ
ṣaṣṭisaṃvatsarāḥ
īśvara uvāca
ṣaṣṭyabdānāṃ pravakṣyāmi śubhāśubhamataḥ śṛṇu /AP_139.001ab/
prabhave yajñakarmāṇi vibhave sukhino janāḥ

śukle ca sarvaśasyāni pramodena pramoditāḥ /AP_139.002ab/
prajāpatau pravṛddhiḥ syādaṅgirā bhogavardhanaḥ

śrīmukhe vardhate loko bhāve bhāvaḥ pravardhate /AP_139.003ab/
pūraṇo pūrate śakro dhātā sarvauṣadhīkaraḥ

īśvaraḥ kṣema ārogyabahudhānyasubhikṣadaḥ /AP_139.004ab/
pramāthī madhyavarṣastu vikrame śasyasampadaḥ

vṛṣo vṛṣyati sarvāṃś ca citrabhānuś ca citratāṃ /AP_139.005ab/
:p 87
svarbhānuḥ kṣemamārogyaṃ tāraṇe jaladāḥ śubhāḥ

pārthive śasyasampattirativṛṣṭis tathā jayaḥ /AP_139.006ab/
sarvajityuttamā vṛṣṭiḥ sarvadhārī subhikṣadaḥ

virodhī jaladān hanti vikṛtaś ca bhayaṅkaraḥ /AP_139.007ab/
khare bhavet pumān vīro nandane nandate prajā

viṣayaḥ śatruhantā ca śatrurogādi mardayet /AP_139.008ab/
jvarārto manmathe loko duṣkare duṣkarā prajāḥ

durmukhe durmukho loko(1) hemalambe na sampadaḥ /AP_139.009ab/
saṃvatsaro mahādevi vilambastu subhikṣadaḥ

vikārī śatrukopāya vijaye sarvadā kvacit /AP_139.010ab/
plave plavanti toyāni śobhane śubhakṛtprajā

rākṣase niṣṭhuro loko vividhandhānyamānane /AP_139.011ab/
suvṛṣṭiḥ piṅgale kvāpi kāle hy ukto dhanakṣayaḥ

siddhārthe siddhyate sarvaṃ raudre raudraṃ pravartate /AP_139.012ab/
durmatau madhyamā vṛṣṭirdundubhiḥ kṣemadhānyakṛt

sravante rudhirodgārī raktākṣaḥ krodhane jayaḥ /AP_139.013ab/
kṣaye kṣīṇadhano lokaḥ(2) ṣaṣṭisaṃvatsarāṇi tu