Agni Purana · Chapter 138

:e ity āgneye mahāopurāṇe yuddhajayārṇave mahāmārī nāma
saptatriṃśadadhikaśatatamo 'dhyāyaḥ ||
% Chapter {138}
:ś athāṣṭatriṃśadadhikaśatatamo 'dhyāyaḥ
ṣaṭkarmāṇi
īśvara uvāca
ṣaṭkarmāṇi pravakṣyāmi sarvamantreṣu tacchṛṇu /AP_138.001ab/
ādau sādhyaṃ likhet pūrvaṃ cānte mantrasamanvitaṃ

pallavaḥ sa tu vijñeyo mahoccāṭakaraḥ paraḥ /AP_138.002ab/
ādau mantraḥ tataḥ sādhyo madhye sādhyaḥ punarmanuḥ

yogākhyaḥ sampradāyo 'yaṅkulotsādeṣu yojayet /AP_138.003ab/
ādau mantrapadandadyānmadhye sādhyaṃ niyojayet

punaścānte likhenmantraṃ sādhyaṃ mantrapadaṃ punaḥ /AP_138.004ab/
:p 85
rodhakaḥ sampradāyastu stambhanādiṣu yojayet

adhordhvaṃ yāmyavāme tu(1) madhye sādhyantu yojayet /AP_138.005ab/
sampuṭaḥ satu vijñeyo vaśyākarṣeṣu yojayet

mantrākṣaraṃ yadā sādhyaṃ prathitañcākṣarākṣaraṃ /AP_138.006ab/
prathamaḥ sampradāyaḥ syādākṛṣṭivaśakārakaḥ

mantrākṣaradvayaṃ likhya ekaṃ sādhyakṣaraṃ punaḥ /AP_138.007ab/
vidarbhaḥ satu vijñeyo vaśyākākarṣeṣu yojayet

ākarṣaṇād yat karma vasante caiva kārayet /AP_138.008ab/
tāpajvare tathā vaśye svāhā cākarṣaṇe śubhaṃ

namaskārapadañcaiva śāntivṛddhau prayojayet /AP_138.009ab/
pauṣṭikeṣu vaṣaṭkāramākarṣe vaśakarmaṇi

vidveṣoccāṭane mṛtyau phaṭ syāt khaṇḍīkṛtau śubhe /AP_138.010ab/
lābhādau mantradīkṣādau vaṣaṭkārastu siddhidaḥ

yamo 'si yamārājo 'si kālarūpo 'si dharmarāṭ /AP_138.011ab/
mayādattamimaṃ śatrumacireṇa nipātaya

nipātayāmi yatnena nivṛtto bhava sādhaka /AP_138.012ab/
saṃhṛṣṭamanasā(2) brūyāddeśiko 'riprasūdanaḥ

padme śukle yamaṃ prārcya homādetat prasiddhyati /AP_138.013ab/
ātmānambhairavaṃ dhyātvā tato madhye kuleśvarīṃ

rātrau vārtāṃ vijānāti ātmanaś ca parasya ca /AP_138.014ab/
:n
1 adha ūrdhvaṃ yāmyavāme iti kha..
2 saṃrambhamanseti cha..
:p 86
durge durge rakṣaṇīti durgāṃ prārcyārihā bhavet

japtvā hasakṣamalavarayumbhairavīṃ ghātayedariṃ //15