Agni Purana · Chapter 137

a, bha, kṛ, ro, mṛ, ā, pu, pu, a, ma, pū, u, ha, ci, svā, vi, a, jye, mū, pū, u,
a, dha, śa, pū, u, re / atra saptaviṃśatinakṣatrāṇi jñeyāni
:e ity āgneye mahāpurāṇe yuddhajayārṇave nakṣatracakraṃ nāma
ṣaṭtriṃśadadhikaśatatamo 'dhyāyaḥ ||
% Chapter {137}
:ś atha saptatriṃśadadhikaśatatamo 'dhyāyaḥ
mahāmārīvidyā
īśvara uvāca
mahāmārīṃ pravakṣyāmi vidyāṃ śatruvimardinīṃ /AP_137.001ab/
:n
1 cakramphaṇīśvarantadvat iti ga.. , gha.. , ṅa.. , jha.. , ña.. ca
:p 82
oṃ hrīṃ mahāmāri raktākṣi kṛṣṇavarṇe
yamasyājñākariṇi sarvabhūtasaṃhārakāriṇi amukaṃ hana 2 oṃ daha
2 paca 2 oṃ chinda 2 oṃ māraya 2 oṃ utsādaya 2 oṃ
sarvasattvavaśaṅkari sarvakāmike huṃ phaṭ svāheti
oṃ māri hṛdayāya namaḥ / oṃ mahāmāri śirase svāhā / oṃ
kālarātri śikhāyai vauṣaṭ / oṃ kṛṣṇavarṇe khaḥ kavacāya
huṃ / oṃ tārakākṣi vidyujjihve sarvasattvabhayaṅkari rakṣa 2
sarvakāryeṣu hraṃ trinetrāya caṣaṭ / oṃ mahāmāri
sarvabhūtadamāni mahākāli astrāya huṃ phaṭ
eṣa nyāsī mahādevi kartavyaḥ sādhakena tu

śavādivastramādāya caturasrantrihastakaṃ /AP_137.002ab/
kṛṣṇavarṇāṃ trivaktrāñca caturbāhuṃ samālikhet

paṭe vicitravarṇaiś ca dhanuḥ śūlañca kartṛkāṃ(1) /AP_137.003ab/
khaṭvāṅgandhārayantīṃ ca kṛṣṇābhaṃ pūrvamānanaṃ

tasya dṛṣṭinipātena bhakṣayedagrato naraṃ /AP_137.004ab/
dvitīyaṃ yāmyabhāge tu raktajihvaṃ bhayānakaṃ

lelihānaṃ karālaṃ ca daṃṣṭrotkaṭabhayānakaṃ /AP_137.005ab/
tasya dṛṣṭinipātena bhakṣyamāṇaṃ hayādikaṃ

tṛtīyaṃ ca sukhaṃ devyāḥ śvetavarṇaṃ gajādinut /AP_137.006ab/
gandhapuṣpādimadhvājyaiḥ paścimābhimukhaṃ yajet

:n
1 sadhanuḥśūlakartṛkāmiti kha.. , ga.. , gha.. , ṅa.. , ja.. , ña.. ca
:p 83
mantrasmṛterakṣirogaśirorogādi naśyati /AP_137.007ab/
vaśyāḥ syuryakṣarakṣāś ca nāśamāyānti śatravaḥ

samidho nimbavṛkṣasya hy ajāraktavimiśritāḥ /AP_137.008ab/
mārayet krodhasaṃyukto homādeva na saṃśayaḥ

parasainyamukho bhūtvā saptāhaṃ juhuyādyadi /AP_137.009ab/
vyādhibhirgṛhyate sainyambhaṅgo bhavati vairiṇaḥ

samidho 'ṣṭasahasrantu yasya nāmnā tu homayet /AP_137.010ab/
acirān mriyate sopi brahmaṇā yadi rakṣitaḥ

unmattasamidho raktaviṣayuktasahasrakaṃ /AP_137.011ab/
dinatrayaṃ sasainyaś ca nāśamāyāti vai ripuḥ

rājikālavarṇair homādbhaṅgo 'reḥ syād dinatrayāt /AP_137.012ab/
khararaktasamāyuktahomāduccāṭayedripuṃ

kākaraktasamāyogāddhomādutsādanaṃ hy areḥ /AP_137.013ab/
badhāya kurute sarvaṃ yat kiñcinmanasepsitaṃ

atha saṅgrāmasamaye gajārūḍhastu sādhakaḥ /AP_137.014ab/
kumārīdvayasaṃyukto mantrasannaddhavigrahaḥ

dūraśaṅkhādivādyani vidyayā hy ābhimantrayet /AP_137.015ab/
mahāmāyāpaṭaṃ gṛhya ucchettavyaṃ raṇājire

parasainyamukho bhūtvā darśayettaṃ mahāpaṭaṃ /AP_137.016ab/
kumārīrbhojayettatra paścātpiṇḍīñca bhrāmayet

sādhakaścintayetsainyampāṣāṇamiva niś calaṃ /AP_137.017ab/
nirutsāhaṃ vibhagnañca muhyamānañca bhāvayet

eṣa stambho mayā prokto na deyo yasya kasya cit /AP_137.018ab/
:p 84
trailokyavijayā māyā durgaivaṃ bhairavī tathā

kubjikā bhairavo rudro nārasiṃhapaṭādinā //19