Agni Purana · Chapter 136

:e ity āgneye mahāpurāṇe yuddhārṇave saṅgrāmavijayavidyā nāma
pañcatriṃśadadhikaśatatamo 'dhyāyaḥ ||
% Chapter {136}
:ś atha ṣaṭtriṃśadadhikaśatatamo 'dhyāyaḥ
nakṣatracakraṃ
īśvara uvāca
atha cakraṃ pravakṣyāmi yātrādau ca phalapradam /AP_136.001ab/
aśvinyādau likheccakraṃ trināḍīparibhūṣitaṃ

aśvinyārdrādibhiḥ pūrvā tataścottaraphalgunī /AP_136.002ab/
hastā jyeṣṭhā tathā mūlaṃ vāruṇaṃ cāpyajaikapāt

:n
1 muṣṭimudgarasaṃyuktau iti ja.. / ṛṣṭimudgarayuktau ceti ña..
2 abhayasvastikānvitau iti kha.. , ga.. , ṅa.. , cha.. , jha.. ca /
abhayastambhikāśvitau iti ja..
:p 81
nāḍīyaṃ prathamā cānyā yāmyaṃ mṛgaśiras tathā /AP_136.003ab/
puṣyaṃ bhāgyantathā citrā maitrañcāpyaṃ ca vāsavaṃ

ahirvradhraṃ tṛtīyātha kṛttikā rohiṇī hy ahiḥ /AP_136.004ab/
citrā svātī viśākhā ca śravaṇā revatī ca bhaṃ

nāḍītritayasaṃjuṣṭagrahāj jñeyaṃ śubhāśubhaṃ /AP_136.005ab/
cakramphaṇīśvarantattu(1) trināḍīparibhūṣitaṃ

ravibhaumārkarāhusthamaśubhaṃ syācchubhaṃ paraṃ /AP_136.006ab/
deśagrāmayutā bhrātṛbhāryādyā ekaśaḥ śubhāḥ