Agni Purana · Chapter 132

:e ity āgneye mahāpurāṇe
ghātacakrādirnāmaikatriṃśadadhikaśatatamo 'dhyāyaḥ ||
% Chapter {132}
:ś atha dvātriṃśadadhikaśatatamo 'dhyāyaḥ
sevācakraṃ
īśvara uvāca
sevācakraṃ pravakṣyāmi lābhālābhānusūcakaṃ(2) /AP_132.001ab/
pitā mātā tathā bhrātā dampatī ca viśeṣataḥ

:n
1 mantraś caiva tu iti kha.. , gha.. , ja.. , ña.. ca
2 lābhālābhārthasūcakamiti jha.. , ña.. ca
:p 68
tasmiṃś cakre tu vijñeyaṃ yo yasmāllabhate phalaṃ /AP_132.002ab/
ṣaḍūrdhvāḥ sthāpayedrekhā bhinnāścāṣtau tu tiryagāḥ

koṣṭhakāḥ pañcatriṃśacca teṣu varṇān samālikhet /AP_132.003ab/
svarān pañca samuddhṛtya sparśān paścāt samālikhet

kakārādihakārāntān hīnāṅgāṃstrīnvivarjayet /AP_132.004ab/
siddhaḥ sādhyaḥ susiddhaś ca arirmṛtyuś ca nāmataḥ

arirmṛtyuaś ca dvāvetau varjayet sarvakarmasu /AP_132.005ab/
eṣāṃ madhye yadā nāma lakṣayettu prayatnataḥ

ātmapakṣe(1) sthitāḥ sattvāḥ sarve te śubhadāyakāḥ /AP_132.006ab/
dvitīyaḥ poṣakāś caiva tṛtīyaścārthadāyakaḥ

ātmanāśaś caturthastu(2) pañcamo mṛtyudāyakaḥ /AP_132.007ab/
sthānamevārthalābhāya mitrabhṛtyādivāndhavāḥ

siddhaḥ sādhyaḥ susiddhaś ca sarve te phaladāyakāḥ /AP_132.008ab/
arirbhṛtyaś ca dvāvetau varjayet sarvakarmasu(3)

akārāntaṃ yathā proktaṃ a+i+u+e+o vidus tathā /AP_132.009ab/
punaś caivāṃśakān vakṣye vargāṣṭakasusaṃskṛtān

devā akāravarge daityāḥ kavargamāśritāḥ /AP_132.010ab/
nāgāś caiva cavargāḥ syurgandhavāś ca ṭavargajāḥ

:n
1 svārthapakṣe iti kha.. , gha.. , ja.. , ña.. ca / svātmapakṣe iti jha..
2 svārthanāśaś caturthastu iti kha.. , gha.. , ṅa.. , ja.. , ña.. ca
3 arirmṛtyurityādiḥ, sarvakarmasu ity antaḥ pāṭhaḥ cha.. pustake
nāsti
:p 69
tavarge ṛṣayaḥ proktāḥ pavarge rākṣasāḥ smṛtāḥ /AP_132.011ab/
piśācāś ca yavarge ca śavarge mānuṣāḥ smṛtāḥ

devebhyo balino daityā daityebhyaḥ pannagās tathā(1) /AP_132.012ab/
pannagebhyaś ca gandharvā gandharvādṛṣayo varāḥ

ṛṣibhyo rākṣasāḥ śūrā rākṣasebhyaḥ piśācakāḥ /AP_132.013ab/
piśācebhyo mānuṣāḥ syurdurbalaṃ varjayedbalī

punarmitravibhāgantu tārācakraṃ kramācchṛṇu /AP_132.014ab/
nāmādyakṣaramṛkṣantu sphuṭaṃ kṛtvā tu parvataḥ

ṛkṣe tu saṃsthitāstārā navatrikā yathākramāt /AP_132.015ab/
janma sampadvipat kṣemaṃ nāmarkṣāttārakā imāḥ

pratyarā dhanadā ṣaṣṭhī naidhanāmaitrake pare /AP_132.016ab/
paramaitrāntimā tārā janmatārā tvaśobhanā

sampattārā mahāśreṣṭhā vipattārā tu niṣphalā /AP_132.017ab/
kṣematārā sarvakārye pratparā arthanāśinī(2)

dhanadā rājyalābhādi naidhanā kāryanāśinī /AP_132.018ab/
maitratārā ca mitrāya paramitrā hitāvahā(3)

tārācakraṃ |mātrā vai svarasañjñā syānnāmamadhye kṣipet priye /AP_132.019ab/
viṃśatyā ca haredbhāgaṃ yaccheṣaṃ tat phalaṃ bhavet

ubhayortrāsamadhye tu lakṣayecca dhanaṃ hy ṛṇaṃ /AP_132.020ab/
hīnamātrā hy ṛṇaṃ jñeyandhanaṃ mātrādhikaṃ punaḥ

:n
1 pannagāstatra iti ka.. , ga.. , gha.. , ṅa.. , ña.. ca / pannagāḥ smṛtā iti
jha..
2 pratyarā cātmanāśinī iti cha..
3 hitāya ceti ṅa..
:p 70
dhanena mitratā nṝṇāṃ ṛṇenaiva hy udāsatā /AP_132.021ab/
sevācakramidaṃ proktaṃ lābhālābhādidarśakaṃ

meṣamithunayoḥ prītirmaitrī mithunasiṃhayoḥ /AP_132.022ab/
tulāsiṃhau mahāmaitrī evaṃ dhanurghaṭe punaḥ

mitrasevāṃ na kurvīta mitrau mīnavṛṣau matau /AP_132.023ab/
vṛṣakarkaṭayormaitrī kulīraghaṭayos tathā

kanyāvṛścikayorevantathā makarakīṭayoḥ /AP_132.024ab/
mīnamakarayormaitrī tṛtīyaikādaśe sthitā

tulāmeṣau mahāmaitrī vidviṣṭo vṛṣavṛścikau /AP_132.025ab/
mithunadhanuṣoḥ prītiḥ karkaṭamakarayos tathā

mṛgakumbhakayoḥ prītiḥ kanāmīnau tathaiva ca //26