Agni Purana · Chapter 133

:e ity āgneye mahāpurāṇe yuddhajayārṇave sevācakraṃ nāma
dvātriṃśadadhikaśatatamo 'dhyāyaḥ ||
% Chapter {133}
:ś atha trayastriṃśadadhikaśatatamo 'dhyāyaḥ
nānābalāni
īśvara uvāca
garbhajātasya vakṣyāmi kṣetrādhipasvarūpakaṃ /AP_133.001ab/
nātidīrghaḥ kṛśaḥ sthūlaḥ samāṅgo gaurapaitikaḥ

:p 71
raktākṣo guṇavān śūro gṛhe sūryasya jāyate /AP_133.002ab/
saubhāgyo mṛdusāraś ca jātaś candragṛhodaye

vātādhiko 'tilubdhādirjāto bhūmibhuvo gṛhe /AP_133.003ab/
buddhimān subhago mānī jātaḥ saumyagṛhodaye

vṛhatkrodhaś ca śubhago jāto gurugṛhe naraḥ /AP_133.004ab/
tyāgo bhogo ca subhago jāto bhṛgugṛhodaye

buddhimāñchubhago mānī jātaścārkigṛhe naraḥ /AP_133.005ab/
saumyalagne tu saumyaḥ syāt krūraḥ syāt krūralagnake

daśāphalaṅgauri vakṣye nāmarāśau tu saṃsthitaṃ /AP_133.006ab/
gajāśvadhanadhānyāni rājyaśrīrvipulā bhavet

punardhanāgamaścāpi daśāyāṃ bhāskarasya tu /AP_133.007ab/
divyastrīdā candradaśā bhūmilābhaḥ sukhaṃ kuje

bhūmirdhānyaṃ dhanaṃ baudhe gajāśvādidhanaṃ gurau /AP_133.008ab/
khādyapānadhanaṃ dśukre śanau vyādhyādisaṃyutaḥ

snānasevādinādhvānaṃ vāṇijyaṃ rāhurdarśane /AP_133.009ab/
vāmanāḍīpravāhe syānnāma cedviṣamākṣaraṃ

tadā jayati saṅgrāme śanibhaumasasaiṃhikāḥ /AP_133.010ab/
dakṣanāḍīpravāherke vāṇijye caiva niṣphalā

saṅgrāme jayamāpnoti samanāmā naro dhruvaṃ /AP_133.011ab/
adhaścāre jayaṃ vidyādūrdhvacāre raṇe mṛtiṃ

oṃ hūṃ oṃ hrūṃ oṃ spheṃ astraṃ moṭaya(1) oṃ cūrṇaya 2
oṃ sarvaśatruṃ mardaya 2 oṃ hrūṃ oṃ hraḥ phaṭ
:n
1 mocayeti kha.. , cha.. ca
:p 72
saptavārannyasenmantraṃ dhyātvātmānantu bhair avaṃ /AP_133.012ab/
caturbhujandaśabhujaṃ viṃśadbāhvātmakaṃ śubhaṃ

śūlakhaṭvāṅgahastantu khaḍgakaṭṭārikodyataṃ /AP_133.013ab/
bhakṣaṇaṃ parasainyānāmātmasainyaparāṅmukhaṃ

sammukhaṃ śatrasainyasya śatamaṣṭottaraṃ japet /AP_133.014ab/
japāḍḍamarukācchabdācchastraṃ tyaktvā palāyate

parasainyaṃ śṛṇu bhaṅgaṃ prayogena punarvade /AP_133.015ab/
śmaśānāṅgāramādāya viṣṭāñcolūkakākayoḥ

karpaṭe pratimāṃ likhya sādhyastaivākṣaraṃ yathā /AP_133.016ab/
nāmātha navadhā likhya ripoś caiva yathākramaṃ

mūrdhni vaktre lalāṭe ca hṛdaye guhyapādayoḥ /AP_133.017ab/
pṛṣṭhe tu bāhumadhye tu(1) nāma vai navadhā likhet

moṭayedyuddhakāle tu(2) uccaritvā tu vidyaya /AP_133.018ab/
tārkṣyacakraṃ pravakṣyāmi jayārthaṃ trimukhākṣaraṃ(3)

kṣipa oṃ svāhā tārkṣātmā śatrurogaviṣādinut /AP_133.019ab/
duṣṭabhūtagrahārtasya vyādhitasyāturasya ca

karoti yādṛśaṅkarma tādṛśaṃ siddhyate khagāt /AP_133.020ab/
sthāvaraṃ jaṅgamañcaiva lūtāś ca kṛtrimaṃ viṣaṃ

tatsarvaṃ nāśamāyāti(4) sādhakasyāvalokanāt /AP_133.021ab/
:n
1 bāhumūle tu iti ga..
2 mocayedyuddhakāle tu iti ja.. , jha.. ca
3 jayārthaṃ bhūmukhākṣaramiti kha.. , ga.. , gha.. , ṅa.. , cha.. , ja..
ca
4 nāśamāpnotīti ja..
:p 73
punardhyāyenmahātārkṣyaṃ dvipakṣaṃ mānuṣākṛtiṃ

dvibhujaṃ vakracañcuṃ ca(1) gajakūrmadharaṃ prabhuṃ /AP_133.022ab/
asaṅkhyoragapādasthamāgacchantaṃ khamadhyataḥ

grasantañcaiva khādantaṃ tudantaṃ cāhave ripūn /AP_133.023ab/
cañcvāhatāś ca draṣṭavyāḥ kecitpādaiś ca cūrṇitāḥ

pakṣapātaiścūrṇitāś ca kecinnaṣṭā diśo daśa /AP_133.024ab/
tārkṣyadhyānānvito yaś ca trilokye hy ajayo bhavet(2)

picchikāntu pravakṣyāmi mantrasādhanajāṃ kriyāṃ /AP_133.025ab/
oṃ hrūṃ pakṣin kṣipa oṃ hūṃ saḥ mahābalaparākrama
sarvasainyaṃ bhakṣaya 2 oṃ mardaya 2 oṃ cūrṇaya 2 oṃ vidrāvaya 2
oṃ hūṃ khaḥ oṃ bhairavo jñāpayati svāhā
amuñcandragrahaṇe tu japaṅkṛtvā tu picchikāṃ

mantrayed bhrāmayetsainyaṃ sammukhaṃ gajasiṃhayoḥ /AP_133.026ab/
dhyānādravān mardayecca siṃhārūḍho mṛgāvikān

śabdādbhaṅgaṃ pravakṣyāmi dūraṃ mantreṇa(3) bodhayet /AP_133.027ab/
mātṝṇāṃ carukaṃ dadyāt kālarātryā viśeṣataḥ

śmaśānabhasmasaṃyuktaṃ mālatī cāmarī tathā(4) /AP_133.028ab/
kārpāsamūlamātrantu tena dūrantu bodhayet

oṃ ahe he mahendri ahe mahendri bhañja hi oṃ jahi masānaṃhi khāhi
khāhi kili kili kili oṃ huṃ phaṭ
:n
1 vajracañcuṃ ceti ga.. , gha.. , ṅa.. , ña.. ca
2 abhayo bhavediti ga.. , gha.. , ṅa.. ca
3 haramantreṇeti ka.. / mūlamantreṇeti kha.. , gha.. , ja.. , ña.. ca
4 mālatī vānarī tatheti cha.. , ña.. ca
:p 74
arer nāśaṃ dūraśabdājjaptayā bhaṅgavidyayā /AP_133.029ab/
aparājitā ca dhustūrastābhyāntu tilakena hi

oṃ kili kili vikili icchākili bhūtahani śaṅkhini ubhe daṇdahaste raudri
māheśvari ulkāmukhi jvālāmukhi śaṅkukarṇe śuṣkajaṅghe
alambuṣe hara oṃ sarvaduṣṭān khana oṃ yanmannirīkṣayeddevi
tāṃstān mohaya oṃ rudrasya hṛdaye sthitā raudri saumyena bhāvena
ātmarakṣāntataḥ kuru svāhā
vāhyato mātṝḥ saṃlikhya sakalākṛtiveṣṭitāḥ /AP_133.030ab/
nāgapatre(1) likhedvidyāṃ sarvakāmārthasādhanīṃ

hastādyair dhāritā pūrvaṃ brahmarudrendraviṣṇubhiḥ /AP_133.031ab/
gurusaṅgrāmakāle tu vidyayā rakṣitāḥ surāḥ

rakṣayā nārasiṃhyā ca bhairavyā śaktirūpayā /AP_133.032ab/
sarve trailokyamohinyā gauryā devāsure raṇe

vījasampuṭitaṃ nāma karṇikāyāṃ daleṣu ca /AP_133.033ab/
pūjākrameṇa cāṅgāni rakṣāyantraṃ(2) smṛtaṃ śubhe

mṛtyuñjayaṃ pravakṣyāmi nāmasaṃskāramadhyaga /AP_133.034ab/
kalābhiveṣṭitaṃ paścāt sakāreṇa nibodhitaṃ

jakāraṃ vindusaṃyuktaṃ oṅkāreṇa samanvitaṃ /AP_133.035ab/
dhakārodaramadhyasthaṃ vakāreṇa nibodhitaṃ(3)

:n
1 nāgayantre iti gha.. , ña.. ca
2 rakṣāmantramiti kha.. , ga.. , ṅa.. , ja.. ca
3 kakārodaramadhyasthaṃ cakāreṇeti kha.. / cakārodaramadhyasthaṃ
cakāreṇeti ga.. , jha.. ca / vakārodaramadhyasthaṃ ṭhakāreṇeti ṅa.. ,
cha.. ca
:p 75
candrasampuṭamadhyasthaṃ sarvaduṣṭavimardakam(1) /AP_133.036ab/
athavā karṇikāyāñca likhennāma ca kāraṇam

pūrve dale tathoṅkāraṃ svadakṣe cottare likhet /AP_133.037ab/
āgneyyādau ca hūṅkārandale ṣoḍaśake svarān

catustriṃśaddale kādyān vāhye mantrañca mṛtyujit /AP_133.038ab/
likhedvaibhūrjapatre tu rocanākuṅgkumena ca

karpūracandanābhyāñca śvetasūteṇa veṣṭayet /AP_133.039ab/
sikthakena paricchādya kalaśopari pūjayet

yantrasya(2) dhāraṇādrāgāḥ śāmyanti ripavo mṛtiḥ /AP_133.040ab/
vidyāntu bhelakhīṃ vakṣye viprayogamṛterharīṃ(3)

oṃ vātale vitale viḍālamukhi indraputri udbhavo vāyudevena khīli ājī
hājā mayi vāha ihādi duḥkhanityakaṇṭhoccair muhūrtānvayā aha
māṃ yasmahaṃ upāḍi oṃ bhelakhi oṃ svāhā
navadurgāsaptajaptānmukhastambho mukhasthitāt /AP_133.041ab/
oṃ caṇḍi oṃ hūṃ phaṭ svāhā
gṛhītvā saptajaptaṃ tu khadgayuddhe 'parājitaḥ