Agni Purana · Chapter 131

:e ity āgneye mahāpurāṇe yuddhajayārṇave maṇḍalaṃ nāma
triṃśadadhikaśatatamo 'dhyāyaḥ ||
% Chapter {131}
:ś athaikatriṃśadadhikaśatatamo 'dhyāyaḥ
ghātacakrādiḥ
īśvara uvāca
pradakṣiṇamakārādīn svarān pūrvādito likhet /AP_131.001ab/
caitrādyaṃ bhramaṇāccakraṃ pratipat pūrṇimā tithiḥ

trayodaśī caturdaśī aṣṭamyekā ca saptamī /AP_131.002ab/
pratipattrayodaśyantāstithayo dvādaśa smṛtāḥ

caitracakre tu saṃsparśājjayalābhādikaṃ viduḥ /AP_131.003ab/
ciṣame tu śubhaṃ jñeyaṃ same cāśubhamīritam

yuddhakāle samutpatre yasya nama hy udāhṛtam /AP_131.004ab/
mātrārūḍhantu yannāma ādityo gurureva ca

:n
1 tithibhede iti jha..
:p 66
jayastasya sadākālaṃ saṅgrāme caiva bhīṣaṇe /AP_131.005ab/
hrasvanāma yadā yodho mriyate hy anivāritaḥ(1)

prathamo dīrgha ādistho dvitīyo madhye antakaḥ /AP_131.006ab/
dvau madhyena prathamāntau jāyete nātra saṃśayaḥ

punaścānte yadā cādau(2) svarārūḍhantu dṛśyate /AP_131.007ab/
hrasvasya maraṇaṃ vidyād dīrghasyaiva jayo bhavet

naracakraṃ pravakṣyāmi hy ṛkṣapiṇḍātmakaṃ yathā /AP_131.008ab/
pratimāmālikhet pūrvaṃ padyādṛkṣāṇi vinyaset

śīrṣe trīṇi mukhe caikaṃ dve ṛkṣe netrayornyaset /AP_131.009ab/
vedasaṅkhyāni hastābhyāṃ karṇe ṛkṣadvayaṃ punaḥ

hṛdaye bhūtasaṅkhyāni ṣaḍṛkṣāṇi tu pādayoḥ /AP_131.010ab/
nāma hy ṛkṣaṃ sphuṭaṃ kṛṭvā cakramadhye tu vinyaset

netre śirodakṣakarṇe yāmyahaste ca pādayoḥ /AP_131.011ab/
hṛdgrīvāvāmahaste tu punarguhye tu pādayoḥ

yasminnṛkṣe sthitaḥ sūryaḥ saurirbhaumastu saiṃhikaḥ /AP_131.012ab/
tasmin sthāne sthite vidyād ghātameva na saṃśayaḥ

jayacakraṃ pravakṣyāmi ādihāntāṃś ca vai likhet /AP_131.013ab/
rekhāstrayodaśālikhya ṣaḍrekhāstiryagālikhet

dig grahā munayaḥ sūryā ṛtvigrudrastithiḥ kramāt /AP_131.014ab/
mūrchanāsmṛtivedarkṣajinā(3) akaḍamā hy adhaḥ

:n
1 mriyate hy avicārita iti kha.. / mriyate hy avicārata iti ga.. , gha.. , ṅa.. ca
2 yathā cādau iti ka.. , ga.. , gha.. , ṅa.. ca
3 mūrchanāsmṛtivedāṅgajinā iti ña..
:p 67
ādityādyāḥ saptahṛte nāmānte balino grahāḥ /AP_131.015ab/
ādityasauribhaumākhyā jaye saumyāś ca sandhaye

rekhā dvādaśa coddhṛtya ṣaṭ ca yāsyāstathottarāḥ /AP_131.016ab/
manuś caiva tu(1) ṛkṣāṇi netre ca ravimaṇḍalaṃ

tithayaś ca rasā vedā agniḥ saptadaśāthavā /AP_131.017ab/
vasurandhrāḥ samākhyātā akaṭapānadho nyaset

ekaikamakṣarannyastvā śeṣāṇyevaṅkramān nyaset /AP_131.018ab/
nāmākṣarakṛtaṃ piṇḍaṃ vasubhirbhājayettataḥ

vāyasānmaṇḍalo 'tyagro maṇḍalādrāsabho varaḥ /AP_131.019ab/
rāsabhādvṛṣabhaḥ śreṣṭhā vṛṣabhāt kuñjaro varaḥ

kuñjarāccaiva punaḥ siṃhaḥ siṃhāś caiva kharurvaraḥ /AP_131.020ab/
kharoś caiva balī dhūmraḥ evamādi balābalaṃ