Agni Purana · Chapter 130

:e ity āgneye mahāpurāṇe arghakāṇḍaṃ nāma
ūnatriṃśadadhikaśatatamo 'dhyāyaḥ ||
:p 63
% Chapter {130}
:ś atha triṃśadadhikaśatatamo 'dhyāyaḥ
ghātacakraṃ
īśvara uvāca
maṇḍalāni pravakṣyāmi caturdhā vijayāya hi /AP_130.001ab/
kṛttikā ca maghā puṣpaṃ pūrvā caiva tu phalgunī

viśākhā bharaṇī caiva pūrvabhādrapadā tathā /AP_130.002ab/
āgneyamaṇḍalaṃ bhadre tasya vakṣyāmi lakṣaṇaṃ

yadyatra calate vāyurveṣṭanaṃ śaśisūryayoḥ /AP_130.003ab/
bhūmikampo 'tha nirghāto grahaṇaṃ candrasūryayoḥ

dhūmajvālā diśāṃ dāhaḥ ketoś caiva pradarśanaṃ /AP_130.004ab/
raktavṛṣṭiścopatāpaḥ pāṣāṇapatanantathā

netrarogo 'tisāraś ca agniś ca prabalo bhavet /AP_130.005ab/
svalpakṣīrās tathā gāvaḥ svalpapuṣpaphalā drumāḥ

vināśaś caiva śasyānāṃ svalpavṛṣṭiṃ vinirdiśet /AP_130.006ab/
cāturvarṇāḥ prapīḍyante kṣudhārtā akhilā narāḥ

saindhavā yāmunāś caiva gurjakā bhojavāhṇikāḥ /AP_130.007ab/
jālandharaṃ ca kāśmīraṃ saptamañcottarāpatham

deśāś caite vinaśyanti tasminnutpātadarśane /AP_130.008ab/
hastā citrā maghā svātī mṛgo vātha punarvasuḥ

uttarāphalgunī caiva aśvinī ca tathaiva ca /AP_130.009ab/
:p 64
yadātra bhavate(1) kiñcidvāyavyantaṃ vinirdiśet

naṣṭadharmāḥ prajāḥ sarvā hāhābhūtā vicetasaḥ /AP_130.010ab/
ḍāhalaḥ kāmarūpañca kaliṅgaḥ kośalas tathā

ayodhyā ca avantī ca naśyante koṅkaṇāndhrakāḥ /AP_130.011ab/
aśleṣā caiva mūlantu pūrvāṣāḍhā tathaiva ca

revatī vāruṇaṃ hy ṛkṣantathā bhādrapadottarā /AP_130.012ab/
yadātra calate(2) kiñcidvāruṇaṃ taṃ vinirdiśet

bahukṣīraghṛtā gāvo bahupuṣpaphalā drumāḥ /AP_130.013ab/
ārogyaṃ tatra jāyeta bahuśasyā ca medinī

dhānyāni ca samarghāni sukhikṣaṃ pārthiva bhavet /AP_130.014ab/
pparasparaṃ narendrāṇāṃ saṅgrāmo dāruṇo bhavet

jyeṣṭhā ca rohiṇī caiva anurādhā ca vaiṣṇavam /AP_130.015ab/
dhaniṣṭhā cottarāṣāḍhā abhijit saptamantathā

yadātra śalate(3) kiñcin māhendraṃ taṃ vinirdiśet /AP_130.016ab/
prajāḥ samuditāstasmin sarvarogavivarjitāḥ

sandhiṃ kurvanti rājānaḥ subhikṣaṃ pārthivaṃ śubham /AP_130.017ab/
grāmastu dvividho jñeyo mukhapucchakaro mahān

candro rāhus tathāditya ekarāśau yadi sthitaḥ(4) /AP_130.018ab/
mukhagrāmastu vijñeyo yāmitre puccha ucyate

:n
1 yadyatra bhvate iti ja..
2,3 yadātra labhate iti cha..
4 yathā sthita iti kha.. , ga.. , gha.. , ṅa.. , ja.. ca / yadā sthita iti ja.. , jha.. ca
:p 65
bhānoḥ pañcadaśe hy ṛkṣe yadā carati candramāḥ /AP_130.019ab/
tithicchede(1) tu samprāpte somagrāmaṃ vinirdiśet