Agni Purana · Chapter 129

:e ity āgneye mahāpurāṇe yuddhajayārṇave koṭacakraṃ
nāmāṣṭāviṃśatyadhikaśatatamo 'dhyāyaḥ ||
% Chapter {129}
:ś athonatriṃśadadhikaśatatamo 'dhyāyaḥ
arghakāṇḍam
īśvara uvāca
arghamānaṃ pravakṣyāmi ulkāpāto 'tha bhūś calā /AP_129.001ab/
nirghāto grahaṇaṃ veśo diśāṃ dāho bhavedyadā

lakṣayenmāsi māsyevaṃ yadyete syuś ca caitrake /AP_129.002ab/
alaṅkārādi saṅgṛhya ṣaḍbhirmāsaiś caturguṇam

vaiśākhe cāṣṭame māsi ṣaḍguṇaṃ sarvasaṅgrahaṃ /AP_129.003ab/
jyaiṣṭhe māsi tathāṣāḍhe yavagodhūmadhānyakaiḥ

śrāvaṇe ghṛtatailādyair āśvine vastradhānyakaiḥ /AP_129.004ab/
kārttike dhānyakaiḥ krītair māse syānmārgaśīrṣake

puṣye kuṅkumagandhādyair lābho dhānyaiś ca māghake /AP_129.005ab/
gandhādyaiḥ phālgune krītair arghakāṇḍamudāhṛtam