Agni Purana · Chapter 128

:e ity āgneye mahāpurāṇe yuddhajayārṇave nānābalāni nāma
saptaviṃśatyadhikaśatatamo 'dhyāyaḥ ||
% Chapter {128}
:ś atha aṣṭāviṃśatyadhikaśatatamo 'dhyāyaḥ
koṭacakram
īavara uvāca
koṭacakraṃ pravakṣyāmi caturasraṃ puraṃ likhet /AP_128.001ab/
caturasraṃ punarmadhye tanmadhye caturasrakam

:p 61
nāḍītritayacihnāḍhyaṃ meṣādyāḥ pūrvadiṅmukhāḥ /AP_128.002ab/
kṛttikā pūrvabhāge tu aśleṣāgneyagocare

bharaṇī dakṣiṇe deyā viśākhāṃ nairṛte nyaset /AP_128.003ab/
anurādhāṃ paścime ca śravaṇaṃ vāyugocare

dhanbiṣṭhāñcottare nyasya aiśānyāṃ revatīṃ tathā /AP_128.004ab/
vāhyanāḍyāṃ sthitānyeva aṣṭau hy ṛkṣāṇi yatnataḥ

rohiṇīpuṣyaphalguṇyaḥ svātī jyeṣṭhā krameṇa tu /AP_128.005ab/
abhijicchatatārā tu aśvinī madhyanāḍikā

koṭamadhye tu yā nāḍī kathayāmi prayatnataḥ /AP_128.006ab/
mṛgaścābhyantare pūrvaṃ tasyāgneye punarvasuḥ

uttarāphalgunī yāmye citrā nairṛtasaṃsthitā /AP_128.007ab/
mūlantu paścime nyasyottarāṣāḍhāntu vāyave

pūrvabhādrapadā saumye revatī īśagocare /AP_128.008ab/
koṭasyābhyantare nāḍī hy ṛkṣāṣṭakasamanvitā

ārdrā hastā tathāṣāḍhā catuṣkañcottarātrikam /AP_128.009ab/
madhye stambhacatuṣkantu dadyāt koṭasya koṭare

evaṃ durgasya vinyāsaṃ vāhye sthānaṃ diśādhipāt /AP_128.010ab/
āgantuko yadā yoddhā ṛkṣavān syātphalānvitaḥ

koṭamadhye grahāḥ saumyā yadā ṛkṣānvitāḥ punaḥ /AP_128.011ab/
jayaṃ madhyasthitānāntu bhaṅgamāgāmino viduḥ

praveśabhe praveṣṭavyaṃ nirgamabhe ca nirgamet /AP_128.012ab/
bhṛguḥ saumyas tathā bhauma ṛkṣāntaṃ sakalaṃ yadā

tadā bhaṅgaṃ vijānīyājjayamāgantukasya ca /AP_128.013ab/
:p 62
praveśarkṣacatuṣke tu saṅgrāmañcārabhed yadā

tadā siddhyati taddurgaṃ na kuryāttatra vismayam //14