Agni Purana · Chapter 125

:e ity āgneye mahāpurāṇe yuddhajayārṇave jyotiḥśāstrasāro nāma
caturviṃśatyadhikaśatatamo 'dhyāyaḥ ||
% Chapter {125}
:ś atha pañcaviṃśatyadhikaśatatamo 'dhyāyaḥ
yuddhajayārṇavīyanānācakrāṇi
īśvara uvāca
oṃ hrīṃ karṇamoṭāni bahurūpe bahudaṃṣṭre hrūṃ
:n
1 nāḍīmūle iti kha..
2 tatra vījaṃ jīvanāyeti kha.. , cha.. ca / tatra jīvaṃ jīvaloka iti
ṅa
3 tasminnaste iti gha..
:p 48
phaṭ(1) oṃ haḥ oṃ grasa grasa kṛnta kṛnta chaka chaka chaka
hrūṃ phaṭ(2) namaḥ
paṭhyamāno hy ayaṃ mantraḥ kruddhaḥ saṃraktalocanaḥ /AP_125.001ab/
māraṇe pātane vāpi mohanoccāṭane bhavet

karṇamoṭī mahāvidyā sarvavarṇeṣu rakṣikā /AP_125.002ab/
nānāvidyā
pañcodayaṃ pravakṣyāmi svarodayasamaśritaṃ

nābhihṛdyantaraṃ yāvattāvaccarati mārutaḥ /AP_125.003ab/
uccāṭayedraṇādau tu karṇākṣīṇi prabhedayet

karoti sādhakaḥ kruddho japahomaparāyaṇaḥ /AP_125.004ab/
hṛdayātpāyukaṃ kaṇṭhaṃ jvaradāhārimāraṇe(3)

kaṇṭhodbhavo raso vāyuḥ śāntikaṃ pauṣṭikaṃ rasaṃ /AP_125.005ab/
divyaṃ stambhaṃ samākarṣaṃ gandho nāsāntiko bhruvaḥ

gandhalīnaṃ manaḥ kṛtvā stambhayennātra saṃśayaḥ /AP_125.006ab/
stambhanaṃ kīlanādyañca karotyeva hi sādhakaḥ

caṇḍaghaṇṭā karālī ca sumukhī durmukhī tathā /AP_125.007ab/
revatī prathamā ghorā vāyucakreṣu tā yajet

uccāṭakārikā devyaḥ sthitāstejasi saṃsthitāḥ /AP_125.008ab/
saumyā ca bhīṣaṇī devī jayā ca vijayā tathā

ajitā cāparājitā mahākoṭī ca raudrayā /AP_125.009ab/
śuṣkakāyā prāṇaharā rasacakre sthitā amūḥ

:n
1,2 oṃ huṃ phaḍiti kha..
3 jvaradāhanivāraṇe iti gha..
:p 49
virūpākṣī parā divyās tathā cākāśamātaraḥ /AP_125.010ab/
saṃhārī jātahārī ca daṃṣṭrālā śuṣkarevatī

pipīlikā puṣṭiharā mahāpuṣṭipravardhanā /AP_125.011ab/
bhadrakālī subhadrā ca hadrabhīmā subhadrikā

sthirā ca niṣṭhurā divyā niṣkampā gadinī tathā /AP_125.012ab/
dvātriṃśanmātaraś cakre aṣṭāṣṭakramaśaḥ sthitāḥ

eka eva raviś candra ekaś caikaikaśaktikā /AP_125.013ab/
bhūtabhedena tīrthāni(1) yathā toyaṃ mahītale

prāṇa eko maṇḍalaiś ca bhidyate bhūtapañjare /AP_125.014ab/
vāmadakṣiṇayogena daśadhā sampravartate

vindumuṇḍavicitrañca tattvavastreṇa veṣṭitaṃ /AP_125.015ab/
brahmāṇḍena(2) kapālena piveta paramāmṛtaṃ

pañcavargabalādyuddhe jayo bhavati tacchṛṇu /AP_125.016ab/
a+ākacaṭatapayāḥ śa āsyo varga īritaḥ

i+īkhachaṭhathapharāḥ ṣo vargaś ca dvitīyakaḥ /AP_125.017ab/
u+ūgajaḍadabalāḥ so vargaś ca tṛtīyakaḥ

e+aighajhaḍhadhabhavāḥ so vargaś ca caturthakaḥ /AP_125.018ab/
o au aṃ aḥ ṅañaṇanā mo vargaḥ pañcamo bhavet

varṇāścābhyudaye nṝṇāṃ catvāriṃśacca pañca ca /AP_125.020ab/
bālaḥ kumāro yuvā syādvṛddho mṛtyuś ca nāmataḥ
:n
1 bhūtabhedena bhinnāni iti ṅa./ tāni bhedena bhinnāni iti gha..
2 brahmadaṇḍe iti ṅa..
:p 50
ātmapīdā śoṣakaḥ syādudāsīnaś ca kālakaḥ /AP_125.020ab/
kṛttikā pratipadbhauma ātmano lābhadaḥ smṛtaḥ

ṣaṣṭhī bhaumo maghā pīḍā ārdrā caikādaśī kujaḥ /AP_125.021ab/
mṛtyurmaghā dvitīyā jño lābhaścārdrā ca saptamī

budhe hānirbharaṇī jñaḥ śravaṇaṃ kāla īdṛśaḥ /AP_125.022ab/
jīvo lābhāya ca bhavettṛtīyā pūrvaphalgunī

jīvo 'ṣṭamī(1) dhaniṣṭhārdrā jīvo 'śleṣā trayodaśī /AP_125.023ab/
mṛtyau śukraś caturthī syāt pūrvabhādrapadā śriye

pūrvāṣāḍhā ca navamī śukraḥ pīḍākaro bhavet /AP_125.024ab/
bharaṇī bhūtajā śukro yamadaṇḍo hi hānikṛt

kṛttikāṃ pañcamī mando lābhāya tithirīritā /AP_125.025ab/
aśleṣā daśamī mando yogaḥ pīḍākaro bhavet(2)

maghā śaniḥ pūrṇimā ca yogo bhṛtyukaraḥ smṛtaḥ /AP_125.026ab/
tithiyogaḥ
pūrvottarāgninairṛtyadakṣiṇānilacandramāḥ(3)

brahmādyāḥ syurdṛṣṭayaḥ syuḥ(4)pratipannavamīmukhāḥ /AP_125.027ab/
rāśibhiḥ sahitā dṛṣṭā grahādyāḥ siddhaye smṛtāḥ

meṣādyāś caturaḥ kumbhā jayaḥ pūrṇe 'nyathā mṛtiḥ /AP_125.028ab/
sūryādiriktā pūrṇā ca kramādevampradāpayet

:n
1 jīve 'ṣṭamīti kha..
2 bharaṇītyādiḥ, pīḍākaro bhavetyantaḥ pāṭhaḥ cha.. pustake
nāsti
3 dakṣāgnyanilacandramā iti gha..
4 brahmādyāḥ syustridṛṣṭāḥ syuriti kha..
:p 51
raṇe sūrye phalaṃ nāsti some bhaṅgaḥ praśāmyati /AP_125.029ab/
kujena kalahaṃ vidyādbudhaḥ kāmāya vai guruḥ

jayāya manase(1) śukro mande bhaṅgo raṇe bhavet /AP_125.030ab/
deyāni piṅgalācakre sūryagāni ca bhāni hi

mukhe netre lalāṭe 'tha śirohastorupādake /AP_125.031ab/
pāde mṛtistriṛkṣe syāntrīṇi pakṣe 'rthanāśanam

mukhasthe ca bhavetyauḍā śirasthe kāryanāśanam /AP_125.032ab/
kukṣisthite phalaṃ syācca rāhucakraṃ vadāmyaham

indrācca nairṛtaṅgacchetrairṛtātsomameva ca /AP_125.033ab/
somāddhutāśanaṃ vahnerāpyamāpyācchivālayaṃ

rudrādyamaṃ yamādvāyuṃ vāyoś candraṃ vrajet punaḥ /AP_125.034ab/
bhuṅkte catasro nāḍyastu rāhupṛṣṭe jayo raṇe

agrato mṛtyumāpnoti tithirāhuṃ vadāmi te /AP_125.035ab/
āgneyādiśivāntaṃ ca pūrṇimāmāditaḥ priye

pūrve kṛṣṇāṣṭamīṃ yāvat rāhudṛṣṭau bhayo bhavet /AP_125.036ab/
aiśānyāgneyanairṛtyavāyavye phaṇirāhukaḥ

meṣādyā diśi pūrvādau yatrādityo 'grato mṛtiḥ /AP_125.037ab/
tṛtīyā kṛṣṇapakṣe tu saptamī daśamī tathā

caturdaśī tathā śukre caturthyekādaśī tithiḥ /AP_125.038ab/
pañcadaśī viṣṭayasyuḥ pūrṇimāgneyavāyave

akacaṭatapayaśā vargāḥ sūryādayo grahāḥ /AP_125.039ab/
:n
1 maṇaye iti kha.. , ṅa.. ca
:p 52
gṛdhrolukaśyenakāś ca piṅgalaḥ kauśikaḥ kramāt

sāsasaś ca mayūraś ca goraṅkuḥ pakṣiṇaḥ smṛtāḥ /AP_125.040ab/
ādau sādhyo huto mantra(1) uccāṭe pallavaḥ smṛtaḥ

vaśye jvare tathākarṣe prayogaḥ siddhikārakaḥ /AP_125.041ab/
śānto prīto namaskāro vauṣaṭ puṣṭo vaśādiṣu

huṃ mṛtyau(2) prītisannāśe vidveṣoccāṭane ca phaṭ /AP_125.042ab/
vaṣaṭ sute ca dīptyādau(3) mantrāṇāṃ jātayaś ca ṣaṭ

oṣadhīḥ sampravakṣyāmi mahārakṣāvidhāyinīḥ /AP_125.043ab/
mahākālī tathā caṇḍī vārāhī ceśvarī tathā

sudarśanā tathendrāṇī gātrasthā rakṣayanti tam /AP_125.044ab/
balā cātibalā bhīrurmusalī sahadevyapi

jātī ca mallikā yūthau gāruḍī bhṛṅgarājakaḥ /AP_125.045ab/
cakrarūpā mahoṣadhyo dhāritā vijayādidāḥ

grahaṇe ca mahādevi uddhṛtāḥ śubhadāyikāḥ /AP_125.046ab/
mṛdā tu kuñjaraṅkṛtvā sarvalakṣaṇalakṣitam

tasya pādatale kṛtvā stambhayecchatrumātmanaḥ /AP_125.047ab/
nagāgre caikavṛkṣe ca vajrāhatapradeśake

valmīkamṛdāmāhṛtya mātarau yojayettataḥ /AP_125.048ab/
oṃ namo mahābhairavāya vikṛtadaṃṣṭrograrūpāya
piṅgalākṣāya triśūlakhaḍgadharāya(4) vauṣaṭ
:n
1 ādau hutāśano mantra iti kha..
2 huṃ mṛtau iti kha..
3 vaṣaṭ lābhe ca dīptyādāviti gha.. , cha.. ca
4 triśūlakhaṭvāṅgadharāyeti kha.. , ga.. , gha.. , cha.. ca / triśūline
khaḍgakhaṭvāṅgadharāyeti ja..
:p 53
pūjayet kardamaṃ devi stambhayecchastrajālakam

agnikāryaṃ pravakṣyāmi raṇādau jayavardhanam /AP_125.049ab/
śmaśāne niśi kāṣṭhāgnau nagnī muktaśikho naraḥ

dakṣiṇāsyastu juhuyānnṛmāṃsaṃ rundhiraṃ viṣaṃ /AP_125.050ab/
tuṣāsthikhaṇḍamiśrantu śatrunāmnā śatāṣṭakam

oṃ namo bhagavati kaumāri lala lala lālaya lālaya ghaṇṭādevi amukaṃ
māraya sahasā namo 'stu te bhagavati vidye svāhā
anayā vidyayā homādbandhatvañjāyate ripoḥ(1) /AP_125.051ab/
oṃ vajrakāya vajratuṇḍa kapilapiṅgala karālavadana ūrdhvakeśa
mahābala raktamukha(2) taḍijjihva mahāraudra daṃṣṭrotkaṭa kaha
karālina mahādṛḍhaprahāra laṅgeśvarasetubandha śailapravāha
gaganacara ehyehi bhavaganmahābalaparākrama bhairavo jñāpayati ehyehi
mahāraudra dīrghalāṅgūlena amukaṃ veṣṭaya veṣṭaya jambhaya
jambhaya khana khana vaite hrūṃ phaṭ(3)
aṣṭatriṃśacchatandevi hanumān sarvakumbhakṛt

paṭe hanūmatsandarśanādbhaṅgamāyānti śatravaḥ
//52