Agni Purana · Chapter 126

:e ity āgneye mahāpurāṇe yuddhajayārṇave nānācakrāṇi nāma
pañcaviṃśatyadhikaśatatamo 'dhyāyaḥ ||
:n
1 dagdhatvaṃ jāyate kṣaṇāt iti gha.. , ja.. ca
2 vajramukha iti gha..
3 huṃphaḍiti kha..
:p 54
% Chapter {126}
:ś atha ṣaḍviṃśatyadhikaśatatamo 'dhyāyaḥ
nakṣatranirṇayaḥ
īśvara uvāca
vakṣyāmyṛkṣātmakaṃ piṇḍaṃ śubhāśubhavibuddhaye /AP_126.001ab/
yasminnṛkṣe bhavet sūryastadādau trīṇi mūrdhani(1)

ekammukhe dvayannetre hastapāde catuṣṭayaṃ /AP_126.002ab/
hṛdi pañca sute jānau āyurbuddhiṃ vicintayet

śirasthe tu bhavedrājyaṃ piṇḍato vaktrayogataḥ /AP_126.003ab/
netrayoḥ kāntasaubhāgyaṃ hṛdaye dravyasaṅgrahaḥ

haste dhṛtaṃ taskaratvaṅgatāsuradhvagaḥ(2) pade /AP_126.004ab/
kumbhāṣtake bhāni likhya(3) sūryakumbhastu riktakaḥ

aśubhaḥ sūryakumbhaḥ syācchubhaḥ pūrvādisaṃsthitaḥ /AP_126.005ab/
phaṇirāhuṃ(4) pravakṣyāmi jayājayavivekadaṃ

aṣṭāviṃśāṃllikhedvindūn punarbhājyastribhstribhiḥ /AP_126.006ab/
atha ṛkṣāṇi catvāri rekhāstatraiva dāpayet

yasminnṛkṣe sthito rāhustadṛkṣaṃ phaṇimūrdhani(5) /AP_126.007ab/
tadādi vinyased bhāni saptaviṃśakrameṇa tu

vaktre saptagate ṛkṣe mriyate sarva āhave /AP_126.008ab/
:n
1 trīṇi mastake iti ja..
2 gatāyuradhvagaḥ pade iti kha..
3 bhāni likhediti gha.. , ja.. ca
4 kālarāhumiti ṅa..
5 kālamūrdhanīti ṅa.. , ja, ca
:p 55
skandhe bhaṅgaṃ vijānīyātsaptameṣu ca madhyataḥ

udarasthena(1) pūjā ca jayaś caivātmanas tathā /AP_126.009ab/
kaṭideśe sthite yodhe āhave harate parān

pucchasthitena kīrtiḥ syādrāhudṛṣṭe ca bhe mṛtiḥ /AP_126.010ab/
punaranyaṃ pravakṣyāmi ravirāhubalantava

raviḥ śukro budhaś caiva somaḥ saurirgurus tathā(2) /AP_126.011ab/
lohitaḥ saṃhikaś caiva ete yāmārdhabhāginaḥ

sauriṃ raviñca rāhuñca kṛtvā yatnena pṛṣṭhataḥ /AP_126.012ab/
sa jayet sainyasaṅghātaṃ dyūtamadhvānamāhavaṃ

rohiṇī cottarāstisro mṛgaḥ pañca sthirāṇi hi /AP_126.013ab/
aśvinī revatī svātī dhaniṣṭhā śatatārakā

kṣiprāṇi pañcabhānyeva yātrārthī caiva(3) yojayet /AP_126.014ab/
anurādhāhastamūlaṃ mṛgaḥ puṣyaṃ punarvasuḥ

sarvakāryeṣu caitāni jyeṣṭhā citrā viśākhayā /AP_126.015ab/
purvāstisro 'gnirbharaṇī maghārdrāśleṣādāruṇāḥ

sthāvareṣu sthiraṃ hy ṛkṣaṃ yātrāyāṃ kṣipramuttamaṃ /AP_126.016ab/
saubhāgyārthe mṛdūnyeva ugreṣūgrantu kārayet

dāruṇe dāruṇaṃ kuryādvakṣye cādhomukhādikaṃ /AP_126.017ab/
kṛtrikā bharaṇyaśleṣā viśākhā pitṛnairṛtam

:n
1 udarasthe ceti kha..
2 kaṭideśa ity ādiḥ, saurirgurustathetyantaḥ pāṭhaḥ gha.. pustake
nāsti
3 yātrādhvani ceti kha.. , gha.. ca
:p 56
pūrvātrayamadhovaktraṃ karma cādhomukhañcaret(1) /AP_126.018ab/
eṣu kūpataḍāgādi vidyākarma bhiṣakkriyā

sthāpanannaukābhūpādividhānaṃ(2) khananantathā /AP_126.019ab/
revatī cāśvinī citrā hastā svātī punarvasuḥ

anurādhā mṛgo jyeṣṭhā nava vai pārśvatomukhāḥ /AP_126.020ab/
eṣu rājyābhiṣekañca paṭṭabandhaṅgajāśvayoḥ

ārāmagṛhaprāsādaṃ prākāraṃ kṣetratoraṇaṃ /AP_126.021ab/
dhvajacihnapatākāś ca(3) sarvānetāṃś ca kārayet

dvādaśī sūryadagdhā tu candreṇaikadaśī tathā /AP_126.022ab/
bhaumena daśamī dagdhā tṛtīyā vai budhena ca

ṣaṣṭī ca guruṇā dagdhā dvitīyā bhṛguṇā tathā /AP_126.023ab/
saptamī sūryaputreṇa tripuṣkaramatho vade

dvitīyā dvādaśī caiva saptamī vai tṛtīyayā(4) /AP_126.024ab/
ravirbhaumas tathā(5) śauriḥ ṣaḍetāstu tripuṣkarāḥ(6)

viśākhā kṛttikā caiva uttare dve punarvasuḥ /AP_126.025ab/
pūrvabhādrapadā caiva ṣaḍete tu tripuṣkarāḥ

lābho hānirjayo vṛddhiḥ putrajanma tathaiva ca /AP_126.026ab/
naṣṭaṃ bhraṣṭaṃ vinaṣṭaṃ vā tatsarvantriguṇaṃ(7) bhavet

:n
1 cādhomukhaṃ bhavediti kha..
2 naukādyūtādividhānamiti ga.. , gha.. , ṅa.. ca
3 vajracihnapatākāśceti jha..
4 tṛtīyaketi ṅa.. , ja.. ca
5 gururbhaumastatheti ka.. , ga.. , gha.. , ṅa.. ca
6 ṣaḍetāstriṣu puṣkarā iti ka.. , kha.. , ṅa.. , cha.. ca
7 tatsarvaṃ dviguṇamiti kha.. , cha.. ca
:p 57
aśvinī bharaṇī caiva aśleṣā puṣyameva ca /AP_126.027ab/
khātiś caiva viśākhā ca śravaṇaṃ saptamaṃ punaḥ

etāni dṛḍhacakṣūṃṣi paśyanati ca diśo daśa /AP_126.028ab/
yātrāsu dūragasyāpi āgamaḥ puṇyagocare

āṣāḍhe revatī citrā kekarāṇi punarvasuḥ /AP_126.029ab/
eṣu pañcasu ṛkṣeṣu(1) nirgatasyāgamo bhavet

kṛttikā rohiṇī saumyaṃ phalgunī ca maghā tathā /AP_126.030ab/
mūlaṃ jyeṣṭhānurādhā ca dhaniṣṭhā śatatārakāḥ

pūrvabhādrapadā caiva cipiṭāni ca tāni hi(2) /AP_126.031ab/
adhvānaṃ vrajamānasya punarevāgamo bhavet

hasta uttarabhādraś ca ārdrāṣāḍhā tathaiva ca /AP_126.032ab/
naṣṭārthāś caiva dṛśyante saṅgrāmo naiva vidyate

punarvakṣyāmi gaṇḍāntamṛkṣamadhye yathā sthitam /AP_126.033ab/
revatyante caturnāḍī(3) aśvinyādicatuṣṭayam

ubhayoryāmamātrantu varjayettat prayatnataḥ /AP_126.034ab/
aśleṣānte maghādau tu ghaṭikānāṃ catuṣṭayam

dvitīyaṃ gaṇḍamākhyātaṃ tṛtīyaṃ bhairavi śṛṇu /AP_126.035ab/
jyeṣṭhābhamūlayormadhye ugrarūpantu yāmakam

:n
1 kekareṣu ca ṛkṣeṣu iti cha..
2 cipiṭāni ca bhāni hi iti ka.. , cha.. ca
3 revatyante catuṣkantu iti kha.. , ga.. , gha.. , ṅa.. , cha.. , ja.. ca
:p 58
na kuryācchubhakarmāṇi yadīcchedātmajīvitaṃ /AP_126.036ab/
dārake jātakāle ca(1) mriyete pitṛmātaro