Agni Purana · Chapter 124

lodhnapriyaṅgurajanīmāṃsītailaṃ vaśaṅkaraṃ /AP_123.033ab/
:e ity āgneye mahāpurāṇe nānāyogā nāma
trayoviṃśatyadhikaśatatamo 'dhyāyaḥ ||
:n
1 oṃ namo bhagavate bhairavāyeti kha.. , gha.. ca
2,3 oṃ hūmiti kha.. , ja.. ca
4 sahadevā ceti ṅa..
5 mañjiṣṭhā tagarantatheti ka.. / mañjiṣṭhā bhallakaṃ vaceti
cha..
:p 45
% Chapter {124}
:ś atha caturviṃśatyadhikaśatatamo 'dhyāyaḥ
yuddhajayārṇavīyajyotiḥśāstrasāraḥ
agnir uvāca
jyotiḥśāstrādisārañca vakṣye yuddhajayārṇave /AP_124.001ab/
vinā mantroṣadhādyañca yathyomāmīśvaro 'bravīt(1)

devyuvāca
devair jitā dānavāś ca(2) yenopāyena tadvada /AP_124.002ab/
śubhāśubhavivekādyaṃ jñānaṃ yuddhajayārṇavaṃ

īśvara uvāca
mūladeveccayā jātā śaktiḥ pañcādaśākṣarā /AP_124.003ab/
carācaraṃ tato jātaṃ yāmārādhyākhilārthavit(3)

mantrapīṭhaṃ pravakṣyāmi pañcamantrasamudbhavaṃ /AP_124.004ab/
te mantrāḥ sarvamantrāṇāṃ jīvite maraṇe sthitāḥ

ṛgyajuḥsāmātharvākhyadevamantrāḥ krameṇa te /AP_124.005ab/
sadyojātādayo mantrā brahmā viṣṇuś ca rudrakaḥ

īśaḥ saptaśikhā devāḥ śakrādyāḥ pañca ca svarāḥ /AP_124.006ab/
a+i+u+e+o kalāś ca mūlaṃ brahmeti kīrtitaṃ

kāṣṭhamadhye tathā vahnirapravṛddho na dṛśyate /AP_124.007ab/
vidyamānā tathā dehe śivaśaktirna dṛśyate

ādau śaktiḥ samutpannā oṅkārasvarabhūṣitā /AP_124.008ab/
tato vindurmahādevi ekāreṇa vyavasthitaḥ

:n
1 īśvaro 'vadat iti gha..
2 dānavādyā iti ja..
3 yāmārādhyākhilātmaviditi kha.. , ga.. ca
:p 46
jāto nāda ukārastu nadate hṛdi saṃsthitaḥ /AP_124.009ab/
ardhacandra ikārastu mokṣamārgasya bodhakaḥ

akāro vyakta utpanno bhogamokṣapradaḥ paraḥ(1) /AP_124.010ab/
akāra aiśvare bhūmirnivṛttiś ca kalā smṛtā

gandhonavījaḥ prāṇākhya iḍāśaktiḥ sthirā smṛtā /AP_124.011ab/
ikāraś ca pratiṣṭhākhyo raso pālaś ca piṅgalā

krūrā śaktirīvījaḥ syāddharavījo 'gnirūpavān /AP_124.012ab/
vidyā samānā gāndhārī śaktiś ca dahanī smṛtā

praśāntirvāryupaspṛśo yaścodānaś calā kriyā /AP_124.013ab/
oṅkāraḥ śāntyatītākhyaḥ khaśabdayūthapāṇinaḥ

pañca vargāḥ svarā jātāḥ kujajñagurubhārgavāḥ /AP_124.014ab/
śaniḥ kramādakārādyāḥ kakārādyāstvadhaḥ sthitāḥ

etanmūlamataḥ sarvaṃ jñāyate sacarācaraṃ /AP_124.015ab/
vidyāpīṭhaṃ pravakṣyāmi praṇavaḥ śiva īritaḥ

umā somaḥ svayaṃ śaktirvāmā jyeṣṭhā ca raudrāpi /AP_124.016ab/
brahmā viṣṇuḥ kramādrudro guṇāḥ sargādayastrayaḥ

ratnanāḍītrayañcaiva(2) sthūlaḥ sūkṣmaḥ paro 'paraḥ /AP_124.017ab/
cintayecchvetavarṇantaṃ muñcamānaṃ parāmṛtaṃ

plavyamānaṃ yathātmānaṃ cintayettaṃ divāniśaṃ /AP_124.018ab/
ajaratvaṃ bhaveddevi śivatvamupagacchati(3)

:n
1 bhogamokṣapradaḥ śubha iti ja..
2 bahunāḍītrayañcaiveti ka.. , ṅa.. ca
3 śivatvamadhigacchatīti ja..
:p 47
aṅguṣṭhādau nyasedaṅgānnetraṃ madhye 'tha dehake /AP_124.019ab/
mṛtyuñayaṃ tataḥ prārcya raṇādau vijayī bhavet

śūnyo nirālayaḥ śabdaḥ sparśaṃ tiryaṅnataṃ spṛśet /AP_124.020ab/
rūpasyordhvagatiḥ proktā jalasyādhaḥ samāśritā

sarvasthānavinirmukto gandho madhye ca mūlakaṃ /AP_124.021ab/
nābhimūle(1) sthitaṃ kandaṃ śivarūpantu maṇḍitaṃ

śaktivyūhena somo 'rko haristatra vyavasthitaḥ /AP_124.022ab/
daśavāyusamopetaṃ pañcatanmātramaṇḍitaṃ

kālānalasamākāraṃ prasphurantaṃ śivātmakaṃ /AP_124.023ab/
tajjīvaṃ jīvalokasya(2) sthāvarasya carasya ca

tasminnaṣṭe(3) mṛtaṃ manye mantrapīṭhe 'nilātmakaṃ //24