Agni Purana · Chapter 118

:e ity āgneye mahāpurāṇe śrāddhakalpo nāma saptadaśādhikaśatatamo
'dhyāyaḥ ||
% Chapter {118}
:ś athāṣṭādaśādhikaśatatamo 'dhyāyaḥ
bhāratavarṣaṃ
agnir uvāca
uttaraṃ yat samudrasya himādreś caiva dakṣiṇaṃ /AP_118.001ab/
varṣaṃ tad bhārataṃ nāma navasāhasravistṛtaṃ

karmabhūmiriyaṃ svargamapavargaṃ ca gacchatāṃ /AP_118.002ab/
:n
1 yastu labhecchrāddhakṛtaṃ phalamiti kha.. , cha.. , ja.. ca
2 vārāṇasī iti kha.. , ṅa.. , cha.. , ja.. ca
:p 21
mahendro malayaḥ sahyaḥ śuktimān hemaparvataḥ(1)

vindhyaś ca pāripātraś ca saptātra kulaparvatāḥ /AP_118.003ab/
indradvīpaḥ kaseruś ca tāmravarṇo gabhastimān

nāgadvīpas tathā saumyo gāndharvastvatha vāruṇaḥ /AP_118.004ab/
ayaṃ tu navamasteṣu dvīpaḥ sāgarasaṃvṛtaḥ

yojanānāṃ sahasrāṇi dvīpoyaṃ dakṣiṇottarāt /AP_118.005ab/
nava bhedā bhāratasya(2) madhyabhede 'tha pūrvataḥ

kirātā yavanāścāpi brāhmaṇādyāś ca madhyataḥ /AP_118.006ab/
vedasmṛtimukhā nadyaḥ pāripātrodbhavās tathā

vindhyācca narmadādyāḥ syuḥ sahyāttāpī payoṣṇikā /AP_118.007ab/
godāvarībhīmarathīkṛṣṇaveṇādikās tathā

malayāt kṛtamālādyāstrisāmādyā mahendrajāḥ /AP_118.008ab/
kumārādyāḥ śuktimato(3) himādreś candrabhāgakā

paścime kurupāñcālamadhyadeśādayaḥsthitāḥ