Agni Purana · Chapter 11

:e ity ādimahāpurāṇe āgneye rāmāyaṇe yuddhakāṇḍavarṇanaṃ
nāma daśamo 'dhyāyaḥ
% Chapter {11}
:ś atha ekādaśo 'dhyāyaḥ
śrīrāmāvatāravarṇanaṃ
nārada uvāca
rājyasthaṃ rāghavaṃ jagmur agastyādyāḥ supūjitāḥ /AP_11.001ab/
dhanyastvaṃ vijayī yasmād indrajidvinipātitaḥ

brahmātmajaḥ pulastyobhūt viśravāstasya naikaṣī /AP_11.002ab/
puṣpotkaṭābhūt prathamā tatputrobhūddhaneśvaraḥ

naikaṣyāṃ rāvaṇo jajñe viṃśadbāhurdaśānanaḥ /AP_11.003ab/
:n
1 svargamārgeṇa vai gata iti kha, cihnitapustakapāṭhaḥ
:p 26
tapasā brahmadattena vareṇa jitadaivataḥ

kumbhakarṇaḥ sanidro 'bhūd dharmiṣṭho 'bhūdvibhīṣaṇaḥ /AP_11.004ab/
svasā śūrpaṇakhā teṣāṃ rāvaṇānmeghanādakaḥ

indraṃ jitvendrajiccābhūd rāvaṇādadhiko balī /AP_11.005ab/
hatastvayā lakṣmaṇena devādeḥ kṣemamicchatā

ityuktvā te gatā viprā agastyādyā namaskṛtāḥ /AP_11.006ab/
devaprārthitarāmoktaḥ śatrughno lavaṇārdanaḥ

abhūt pūrmathurā kācit rāmokto bharato 'vadhīt /AP_11.007ab/
koṭitrayañca śailūṣa- putrāṇāṃ niśitaiḥ śaraiḥ

śailūṣaṃ duṣṭagandharvaṃ sindhutīranivāsinam /AP_11.008ab/
takṣañca puṣkaraṃ putraṃ sthāpayitvātha deśayoḥ

bharatogātsaśatrughno rāghavaṃ pūjayan sthitaḥ /AP_11.009ab/
rāmo duṣṭānnihatyājau śiṣṭān sampālya mānavaḥ

putrau kuśalavau jātau vālmīkerāśrame varau /AP_11.010ab/
lokāpavādāttyaktāyāṃ jñātau sucaritaśravāt

rājyebhiṣicya brahmāham asmīti dhyānatatparaḥ /AP_11.011ab/
daśavarṣasahasrāṇi daśavarṣaśatāni ca

rājyaṃ kṛtvā kratūn kṛtvā svargaṃ devārcito yayau /AP_11.012ab/
sapauraḥ sānujaḥ sītā- putro janapadānvitaḥ

agnir uvāca
vālmīkir nāradācchrutvā rāmāyaṇamakārayat /AP_11.013ab/
savistaraṃ yadetacca śṛṇuyātsa divaṃ vrajet