Agni Purana · Chapter 10

:e ity ādimahāpurāṇe āgneye rāmāyaṇe sundarakāṇḍavarṇanaṃ
nāma navamo 'dhyāyaḥ
% Chapter {10}
:ś atha daśamo 'dhyāyaḥ
śrīrāmāvatāravarṇanaṃ
nārāda uvāca
rāmoktaścāṅgado gatvā rāvaṇaṃ prāha jānakī /AP_10.001ab/
dīyatāṃ rāghavāyāśu anyathā tvaṃ mariṣyasi

rāvaṇo hantumudyuktaḥ saṅgrāmoddhatarākṣasaḥ /AP_10.002ab/
rāmāyāha daśagrīvo yuddhamekaṃ tu manyate

rāmo yuddhāya tac chrutvā laṅkāṃ sakapirāyayau /AP_10.003ab/
vānaro hanūmān maindo dvivido jāmbavānnalaḥ

nīlastāroṅgado dhūmraḥ suṣeṇaḥ keśarī gayaḥ /AP_10.004ab/
:p 23
panaso vinato rambhaḥ śarabhaḥ krathano balī

gavākṣo dadhivaktraś ca gavayo gandhamādanaḥ /AP_10.005ab/
ete cānye ca sugrīva etair yukto hy asaṅkhyakaiḥ

rakṣasāṃ vānarāṇāñca yuddhaṃ saṅkulamābabhau /AP_10.006ab/
rākṣasā vānarān jaghnuḥ śaraśaktigadādibhiḥ

vānarā rākṣasāñ jaghnur nakhadantaśilādibhiḥ /AP_10.007ab/
hastyaśvarathapādātaṃ rākṣasānāṃ balaṃ hataṃ

hanūmān giriśṛṅgeṇa dhūmrākṣamabadhīdripum /AP_10.008ab/
akampanaṃ prahastañca yudhyantaṃ nīla ābadhīt

indrajicccharabandhācca vimuktau rāmalakṣmaṇau /AP_10.009ab/
tārkṣasandarśanādvāṇair jaghnatū rākṣasaṃ balam

rāmaḥ śarair jarjaritaṃ rāvaṇañcākarodraṇe /AP_10.010ab/
rāvanaḥ kumbhakarṇañca bodhayāmāsa duḥkhitaḥ

kumbhakarṇaḥ prabuddho 'tha pītvā ghaṭasahasrakam /AP_10.011ab/
madyasya mahiṣādīnāṃ bhakṣayitvāha rāvaṇam

sītāyā haraṇaṃ pāpaṃ kṛtantvaṃ hi gururyataḥ /AP_10.012ab/
ato gacchāmi yuddhāya rāmaṃ hanmi savānaram

ityuktvā vānarān sarvān kumbhakarṇo mamarda ha /AP_10.013ab/
gṛhītastena sugrīvaḥ karṇanāsaṃ cakarta saḥ

karṇanāsāvihīno 'sau bhakṣayāmāsa vānarān /AP_10.014ab/
rāmo 'tha kumbhakarṇasya bāhū ciccheda śāyakaiḥ

tataḥ pādau tataśchitvā śiro bhūmau vyapātayat /AP_10.015ab/
atha kumbho nikumbhaś ca makarākṣaś ca rākṣasaḥ

mahodaro mahāpārśvo matta unmattarākṣasaḥ /AP_10.016ab/
praghaso bhāsakarṇaś ca virūpākṣaś ca saṃyuge

devāntako narāntaś ca triśirāścātikāyakaḥ /AP_10.017ab/
:p 24
rāmeṇa lakṣmaṇenaite vānaraiḥ savibhīṣaṇaiḥ

yudhyamānāstayā hy anye rākṣasā bhuvi pātitāḥ /AP_10.018ab/
indrajinmāyayā yudhyan rāmādīn sambabandha ha

varadattair nāgabāṇaiḥ(1) oṣadhyā tau viśalyakau /AP_10.019ab/
viśalyayābraṇau kṛtvā mārutyānītaparvate

hanūmān dhārayāmāsa tatrāgaṃ yatra saṃsthitaḥ /AP_10.020ab/
nikumbhilāyāṃ homādi kurvantaṃ taṃ hi lakṣmaṇaḥ

śarair indrajitaṃ vīraṃ yuddhe taṃ tu vyaśātayat /AP_10.021ab/
rāvaṇaḥ śokasantaptaḥ sītāṃ hantuṃ samudyataḥ

avindhyavārito(2) rājā rathasthaḥ sabalo yayau /AP_10.022ab/
indrokto mātalī rāmaṃ rathasthaṃ pracakāra tam

rāmarāvaṇayoryuddhaṃ rāmarāvaṇayoriva /AP_10.023ab/
rāvaṇo vānarān hanti mārutyādyāś ca rāvaṇam

rāmaḥ śastraistamastraiś ca vavardha jalado yathā /AP_10.024ab/
tasya dhvajaṃ sa ciccheda rathamaśvāṃś ca sārathim

dhanurbāhūñchirāṃsyeva uttiṣṭhanti śirāṃsi hi /AP_10.025ab/
paitāmahena hṛdayaṃ bhitvā rāmeṇa rāvaṇaḥ

bhūtale pātitaḥ sarvai rākṣasai ruruduḥ striyaḥ /AP_10.026ab/
āśvāsya tañca saṃskṛtya rāmājñapto vibhīṣaṇaḥ

hanūmatānayadrāmaḥ sītāṃ śuddhāṃ gṛhītavān /AP_10.027ab/
rāmo vahnau praviṣṭāntāṃ śuddhāmindrādibhiḥ stutaḥ

brahmaṇā daśarathena tvaṃ viṣṇū rākṣasamardanaḥ /AP_10.028ab/
indrorcito 'mṛtavṛṣṭyā jīvayāmāsa vānarān

:n
1 nāgapaśair iti kha, cihnitapustakapāṭhaḥ
2 suhṛnnivārita iti kha, cihnitapustakapāṭhaḥ
:p 25
rāmeṇa pūjitā jagmur yuddhaṃ dṛṣṭvā divañca te /AP_10.029ab/
rāmo vibhīṣaṇāyādāl laṅkāmabhyarcya vānarān

sasītaḥ puṣpake sthitvā gatamārgeṇa vai gataḥ(1) /AP_10.030ab/
darśayan vanadurgāṇi sītāyai hṛṣṭamānasaḥ

bharadvājaṃ namaskṛtya nandigrāmaṃ samāgataḥ /AP_10.031ab/
bharatena nataścāgād ayodhyāntatra saṃsthitaḥ

vasiṣṭhādīnnamaskṛtya kauśalyāñcaiva kekayīm /AP_10.032ab/
sumitrāṃ prāptarājyo 'tha dvijādīn so 'bhyapūjayat

vāsudevaṃ svamātmānam aśvamedhair athāyajat /AP_10.033ab/
sarvadānāni sa dadau pālayāmāsa saḥ prajāḥ

putravaddharmakāmādīn duṣṭanigrahaṇe rataḥ /AP_10.034ab/
sarvadharmaparo lokaḥ sarvaśasyā ca medinī /AP_10.034cd/
nākālamaraṇañcāsīd rāme rājyaṃ praśāsati