Agni Purana · Chapter 9

:e ity ādimahāpurāṇe āgneye rāmāyāṇe
kiṣkindhākāṇḍavarṇanaṃ nāma aṣṭamo 'dhyāyaḥ
% Chapter {9}
:ś atha navamo 'dhyāyaḥ
śrīrāmāvatārakathanaṃ
nārada uvāca
sampātivacanaṃ śrutvā hanumānaṅgadādayaḥ /AP_9.001ab/
abdhiṃ dṛṣṭvābruvaṃste 'bdhiṃ laṅghayet ko nu jīvayet

:p 20
kapīnāṃ jīvanārthāya rāmakāryaprasiddhaye /AP_9.002ab/
śatayojanavistīrṇaṃ pupluve 'bdhiṃ sa mārutiḥ

dṛṣṭvotthitañca mainākaṃ siṃhikāṃ vinipātya ca /AP_9.003ab/
laṅkāṃ dṛṣṭvā rākṣasānāṃ gṛhāṇi vanitāgṛhe

daśagrīvasya kumbhasya kumbhakarṇasya rakṣasaḥ /AP_9.004ab/
vibhīṣaṇasyendrajito gṛhe 'nyeṣāṃ ca rakṣaso

nāpaśyat pānabhūmyādau sītāṃ cintāparāyaṇaḥ /AP_9.005ab/
aśokavanikāṃ gatvā dṛṣṭavāñchiṃśapātale

rākṣasīrakṣitāṃ sītāṃ bhava bhāryeti vādinaṃ /AP_9.006ab/
rāvaṇaṃ śiṃśapāstho 'tha neti sītāntu vādinīṃ

bhava bhāryā rāvaṇasya rākṣasīrvādinīḥ kapiḥ /AP_9.007ab/
gate tu rāvaṇe prāha rājā daśaratho 'bhavat

rāmo 'sya(1) lakṣmaṇaḥ putrau vanavāsaṅgatau varau /AP_9.008ab/
rāmapatnī jānakī tvaṃ rāvaṇena hṛtā balāt

rāmaḥ sugrīvamitras tvāṃ mārgayan preṣayacca mām(2) /AP_9.009ab/
sābhijñānañcāgulīyaṃ rāmadattaṃ gṛhāṇa vai

sītāṅgulīyaṃ jagrāha sāpaśyanmārūtintarau /AP_9.010ab/
bhūyo 'gre copaviṣṭaṃ tam uvāca yadi jīvati

rāmaḥ kathaṃ na nayati śṛṅkitāmabravīt kapiḥ /AP_9.011ab/
rāmaḥ sīte na jānīte jñātvā tvāṃ sa nayiṣyati

rāvaṇaṃ rākṣasaṃ hatvā sabalaṃ devi mā śuca /AP_9.012ab/
sābhijñānaṃ dehi me tvaṃ maṇiṃ sītādadatkapau

uvāca māṃ yathā rāmo nayecchīghraṃ tathā kuru /AP_9.013ab/
:n
1 rāmaś ca iti kha, cihnitapustakapāṭhaḥ
2 tvāṃ mārgayet preṣayecca māmiti gha, cihnitapustakapāṭhaḥ
:p 21
kākākṣipātanakathām pratiyāhi hi śokaha

maṇiṃ kathāṃ gṛhītvāha hanūmānneṣyate patiḥ /AP_9.014ab/
athavā te tvarā kācit pṛṣṭhamāruha me śubhe

adya tvāṃ darśayiṣyāmi sasugrīvañca rāghavam /AP_9.015ab/
sītābravīddhanūmantaṃ nayatāṃ māṃ hi rāghavaḥ

hanūmān sa daśagrīva darśanopāyamākarot /AP_9.016ab/
vanaṃ babhañja tatpālān hatvā dantanakhādibhiḥ

hatvātu kiṅkarān sarvān sapta mantrisutānapi /AP_9.017ab/
putramakṣaṃ kumārañca śakrajicca babandha tam

nāgapāśena piṅgākṣaṃ darśayāmāsa rāvaṇam /AP_9.018ab/
uvāca rāvaṇaḥ kastvaṃ mārutiḥ prāha rāvaṇam

rāmadūto rāghavāya sītāṃ dehi mariṣyasi /AP_9.019ab/
rāmabāṇair hataḥ sārdhaṃ laṅkāsthai rākṣasair dhruvam

rāvaṇo hantumudyukto vibhīṣaṇanivāritaḥ /AP_9.020ab/
dīpayāmāsa lāṅgalaṃ dīptapucchaḥ sa mārutiḥ

dagdhvā laṅkāṃ rākṣasāṃś ca dṛṣṭvā sītāṃ praṇamya tām /AP_9.021ab/
samudrapāramāgamya dṛṣṭā sīteti cābravīt

aṅgadādīnaṅgadādyaiḥ pītvā madhuvane madhu /AP_9.022ab/
jitvā dadhimukhādīṃś ca dṛṣṭvā rāmañca te 'bruvan

dṛṣṭā sīteti rāmo 'pi hṛṣṭaḥ papraccha mārutim /AP_9.023ab/
kathaṃ dṛṣṭvā tvayā sītā kimuvāca ca māmprati

sītākathāmṛtenaiva siñca māṃ kāmavahnigam /AP_9.024ab/
hanūmānabravīdrāmaṃ laṅghayitvābdhimāgataḥ

sītāṃ dṛṣṭvā purīṃ dagdhvā sītāmaṇiṃ gṛhāṇa vai /AP_9.025ab/
hatvā tvaṃ rāvaṇaṃ sītāṃ prāpsyase rāma mā śuca

gṛhītvā taṃ maṇiṃ rāmo ruroda virahāturaḥ /AP_9.026ab/
:p 22
maṇiṃ dṛṣṭvā jānakī me dṛṣṭā sītā nayasva mām

tayā vinā na jīvāmi sugrīvādyaiḥ prabodhitaḥ /AP_9.027ab/
samudratīraṃ gatavān tatra rāmaṃ vibhīṣaṇaḥ

gatastiraskṛto bhrātrā rāvaṇena durātmanā /AP_9.028ab/
rāmāya dehi sītāṃ tva mityuktenāsahāyavān

rāmo vibhīṣaṇaṃ mitraṃ laṅkaiśvarye 'bhyaṣecayat /AP_9.029ab/
samudraṃ prārthayanmārgaṃ yadā nāyāttadā śaraiḥ

bhedayāmāsa rāmañca uvācābdhiḥ samāgataḥ /AP_9.030ab/
nalena setuṃ badhvābdhau laṅkāṃ vraja gabhīrakaḥ

ahaṃ tvayā kṛtaḥ pūrvaṃ rāmo 'pi nalasetunā /AP_9.031ab/
kṛtena taruśailādyair gataḥ pāraṃ mahodadheḥ
vānaraiḥ sa suvelasthaḥ saha laṅkāṃ dadarśa vai