Abhisamayālaṃkaranāmaprajñāpāramitopadeśaśāstra · Chapter 3

// abhisamayālaṅkāre prajñāpāramitopadeśaśāstre
mārgajñatādhikāro dvitīyaḥ //
nāpare na pare tīre nāntarāle tathoḥ sthitā /
adhvanāṃ samatājñānāt prajñāpāramitāmatā

anupāyena dūraṃ sā sanimittopalambhataḥ /
upāyakauśalenāsyāḥ samyagāsannatoditā

rūpādiskandhaśūnyatve dharmeṣu tryadhvageṣu ca /
dānādau bodhipakṣeṣu caryāsaṃjñā vipakṣatā

dānādiṣvanahaṃkāraḥ pareṣāṃ tanniyojanam /
saṅgakoṭīniṣedho 'yaṃ sukṣmaḥ saṅgo jinādiṣu

tadgāmbīryaṃ prakṛtyaiva vivekāddharmapaddhateḥ *iti* /
ekaprakṛtikaṃ jñānaṃ dharmāṇāṃ saṅgavarjanam

dṛṣṭādipratiṣedhena tasyā durbodhatoditā *iti* /
rūpādibhiravijñānāttadacintyatvamiṣyate

evaṃ kṛtvā yathokto vai jñeyaḥ sarvajñatānaye /
ayaṃ vibhāgo niḥśoṣo vipakṣapratipakṣayoḥ

rūpādau tadanityādau tadapuriprapūrayoḥ /
tadasaṅgatve caryāyā: prayogaḥ pratiṣedhataḥ

avikāro na kartā ca prayogo duṣkarastridhā /
yathābhavyaṃ phalaprāpteravandhyo 'bhimataśca saḥ

aparapratyayo yaśca saptadhā khyātivedakaḥ /
caturdhā mananā tasya rūpādau samatā matā

dharmajñānānvayajñānakṣāntijñānakṣaṇātmakaḥ /
duḥkhādisatye dṛṅmārga eṣa sarvajñatānaye

rūpaṃ na nityaṃ nānityamatitāntaṃ viśuddhakam /
anutpannāniruddhādi vyomābhaṃ lepavarjitam

parigraheṇa nirmuktamavyāhāraṃ svabhāvataḥ /
pravyāhāreṇa nāsyārthaḥ pareṣu prāpyate yataḥ

nopalambhakṛdatyantaviśuddhirvyādhyasaṃbhavaḥ /
apāyocChittyakalpatve phalasākṣātkriyāṃ prati

asaṃsargo nimittaiśca vastuni vyañjane dvaye /
jñānasya yā cānutpattiriti sarvajñatākṣaṇāḥ

iti seyaṃ punaḥ seyaṃ seyaṃ khalu punastridhā /
adhikāratrayasyaiṣā samāptiḥ paridīpitā