Abhisamayālaṃkāra · Chapter 7
ityabhisamāyālaṅkāre nāma prajñāpāramitopadeśaśāstre ṣaṣṭhādhikāraḥ /
Ekakṣaṇābhisambodhādhikāraḥ saptamaḥ
1 - avipākalalakṣaṇaḥ
anāsravāṇāṃ sarveṣāmekaikenāpi saṃgrahāt /
ekakṣaṇāvabodho 'yaṃ jñeyo dānādinā muneḥ
araghaṭṭaṃ yathaikāpi padikā puruṣeritā /
sakṛt sarvaṃ cālayati jñānamekakṣaṇe tathā
2 - vipākalakṣaṇaḥ
vipākadharmatāvasthā sarvaśuklamayī yadā /
prajñāpāramitā jātā jñānamekakṣaṇe tadā
3 - alakṣaṇalakṣaṇaḥ
svapnopameṣu dharmeṣu sthitvā dānādicaryayā /
alakṣaṇatvaṃ dharmāṇāṃ kṣaṇenaikena vindati
4 - advayalakṣaṇaḥ
svapnaṃ taddarśinaṃ caiva dvayayogena nekṣate /
dharmāṇāmadvayaṃ tattvaṃ kṣaṇenaikena paśyati
Original text: Abhisamayālaṃkāra · Edition: Ramsankar Tripathi: Abhisamayalankaravrttih Sphutartha. Sarnath : Central Institute of Higher Tibetan Studies (CIHTS), 1977. · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0