અભિસમયાલંકાર · અધ્યાય 7

ઇત્યભિસમાયાલઙ્કારે નામ પ્રજ્ઞાપારમિતોપદેશશાસ્ત્રે ષષ્ઠાધિકારઃ ।
એકક્ષણાભિસમ્બોધાધિકારઃ સપ્તમઃ
1 - અવિપાકલલક્ષણઃ
અનાસ્રવાણાં સર્વેષામેકૈકેનાપિ સંગ્રહાત્ ।
એકક્ષણાવબોધો ઽયં જ્ઞેયો દાનાદિના મુનેઃ

અરઘટ્ટં યથૈકાપિ પદિકા પુરુષેરિતા ।
સકૃત્ સર્વં ચાલયતિ જ્ઞાનમેકક્ષણે તથા

2 - વિપાકલક્ષણઃ
વિપાકધર્મતાવસ્થા સર્વશુક્લમયી યદા ।
પ્રજ્ઞાપારમિતા જાતા જ્ઞાનમેકક્ષણે તદા

3 - અલક્ષણલક્ષણઃ
સ્વપ્નોપમેષુ ધર્મેષુ સ્થિત્વા દાનાદિચર્યયા ।
અલક્ષણત્વં ધર્માણાં ક્ષણેનૈકેન વિન્દતિ

4 - અદ્વયલક્ષણઃ
સ્વપ્નં તદ્દર્શિનં ચૈવ દ્વયયોગેન નેક્ષતે ।
ધર્માણામદ્વયં તત્ત્વં ક્ષણેનૈકેન પશ્યતિ