काव्यालंकारसूत्र (अन्य संस्करण) · अध्याय 3.1

समाओतं चेदं दोषदर्शनम् द्वितीयमधिकरणम् ।
गुणविवेचनं नाम तृतीयमधिकरणम् ।
प्रथमो ऽध्यायः ।
काव्यशोभायाः कर्तारो धर्मा गुणाः

तदतिशयहेतवस्त्वलङ्काराः

पूर्वे नित्याः

ओजःप्रसादश्लेषसमतासमाधिमाधुर्यसौकुमार्योदारतार्थव्यक्तिकान्तयो बन्धगुणाः

गाढबन्धत्वमोजः

शैथिल्यं प्रसादः

गुणः संप्लवात्

स त्वनुभवसिद्धः

साम्योत्कर्षौ च

मसृणत्वं श्लेषः

मार्गाव्हेदः समता

आरोहावरोहक्रमः समाधिः

न पृथक्, आरोहावरोहयोरोजःप्रसादरूपत्वात् ॥ व्कल्_3,1.13* ॥
न, असंपृक्तत्वात् ॥ व्कल्_3,1.14* ॥
अनैकान्त्याच्च

ओजःप्रसादयोः तीव्रावस्था, ताविति चेदभ्युपगमः ॥ व्कल्_3,1.16* ॥
विशेषापेक्षित्वात्तयोः

आरोहावरोहनिमित्तं समाधिराख्यायते

क्रमविधानार्थं वा

पृथक्पदत्वं माधुर्यम्

अजरठत्वं सौकुमार्यम्

विकटत्वमुदारता

अर्थव्यक्तिहेतुत्वमर्थव्यक्तिः

औज्ज्वल्यं कान्तिः