યોગવાસિષ્ઠ · શ્લોક 6.17-2

સપ્તદશઃ સર્ગઃ

શ્રીવસિષ્ઠ ઉવાચ ।
અથ રામ ભુશુણ્ડોઽસૌ ન પ્રહૃષ્ટો ન વક્રધીઃ ।
સર્વાઙ્ગસુન્દરઃ શ્યામઃ પ્રાવૃષીવ પયોધરઃ

સ્નિગ્ધગમ્ભીરવચનઃ સ્મિતપૂર્વાભિભાષણઃ ।
કરસ્થબિલ્વફલવત્પ્રતોલિતજગત્ત્રયઃ

તૃણવદ્દૃષ્ટસકલઃ પ્રમેયીકૃતસંસૃતિઃ ।
લોકાજવં જવીભાવે દૃષ્ટજ્ઞાનપરાવરઃ

ધીરસ્થિરમહાકારો વિશ્રાન્તિ ગતમન્દરઃ ।
પરિપૂર્ણમનાઃ શુદ્ધઃ ક્ષીરાર્ણવ ઇવાગતઃ

પરિવિશ્રાન્તધીઃ શાન્તઃ પરમાનન્દઘૂર્ણિતઃ ।
આવિર્ભાવતિરોભાવતજ્જ્ઞઃ સંસારજન્મનામ્

સરભસવદનાભિરામરૂપઃ પ્રિયમધુરોચિતગાનહૃદ્યવાક્યઃ ।
સ્વયમિવ નવમાશ્રિતઃ શરીરં સકલભયાપહરં પ્રહર્ષયુક્તઃ

ઇદમમલગિરા સમાહ શુદ્ધમમૃતમનુજ્ઝિતસંભ્રમક્રમેણ ।
કથયિતુમખિલં નિજં સ્વરૂપં મધુપમિવ સ્તનિતેન મુગ્ધમેઘઃ

ઇત્યાર્ષે શ્રીવાસિષ્ઠમહારામાયણે વા૦ દે૦ મો૦નિર્વાણપ્રકરણે પૂ૦ ભુશુણ્ડોપાખ્યાને ભુશુણ્ડસ્વરૂપવર્ણનં નામ સપ્તદશઃ સર્ગઃ