વિષ્ણુધર્મોત્તરપુરાણમ્ · અધ્યાય 1.80

વજ્ર ઉવાચ ॥
બ્રહ્મણોઽસ્ય સમુત્પત્તિમારભ્ય સુમહાદ્યુતે ॥
કાલસ્ય ગતિમિચ્છામિ શ્રોતું ભૃગુકુલોદ્વહ

માર્કણ્ડેય ઉવાચ॥
સ્વેનાહોરાત્રમાનેન બ્રહ્મણોઽસ્ય જગત્પતેઃ॥
સમાષ્ટકં ગતં રાજન્પઞ્ચમાસાસ્તથૈવ ચ॥

અહોરાત્રચતુષ્કં ચ વર્તમાનદિનાદ્ગતમ્ ॥
અતઃ પરં પ્રવક્ષ્યામિ તન્મે નિગદતઃ શૃણુ

મનવઃ ષડ્ ગતાસ્સપ્ત સન્ધયશ્ચ તથા ગતાઃ ॥
સપ્તવિંશદ્વ્યતીતાશ્ચ તથૈવ ચ ચતુર્યુગાઃ

યુગત્રયં તથાતીતં વર્તમાનચતુર્યુગાત્ ॥
સંવત્સરાણાં દશકં તથા કલિયુગાદ્ગતમ્

વાતાશ્વમેઘકાલેઽસ્મિન્સહ યક્ષેણ યાદવ ॥
ભવિષ્યાણામતીતાનાં બ્રહ્મણાં ભૂરિદક્ષિણ

અનાદિમત્ત્વાત્કાલસ્ય સંખ્યાં વક્તું ન શક્યતે ॥
ગઙ્ગાયાઃ સિકતા ધારા યથા વર્ષતિ વાસવઃ

શક્યા ગણયિતું રાજન્ન વ્યતીતા પિતામહાઃ
અન્તવત્તાં બુધો બુદ્ધ્વા સર્વસ્ય જગતીપતે

તન્માર્ગં પરિમાર્ગન્તે યદ્વિષ્ણોઃ પરમં પદમ્ ॥
વજ્ર ઉવાચ ॥ કિયત્કાલપરીમાણં મયા શાસ્યા વસુન્ધરા

પરિક્ષિતા ચ ધર્મજ્ઞ તન્મે બ્રૂહિ ભૃગૂત્તમ॥
માર્કણ્ડેય ઉવાચ॥
અદ્યપ્રભૃતિ રાજેન્દ્ર સમા પઞ્ચાશકં ગતે

પરીક્ષિતિ મહારાજે દિવં પ્રાપ્તે કુરૂદ્ધહે ॥
પરીક્ષિદ્ધીને લોકેસ્મિન્પ્રાણિતું ત્વં તુ શક્યસે

મહાપ્રસ્થાનમાવિશ્ય નાગલોકં ગમિષ્યસિ ॥
સ્વર્ગતે ત્વયિ રાજેન્દ્ર પરીક્ષિતિ તથા નૃપે

રાજા નાગપુરે ભાવી પારીક્ષિજ્જનમેજયઃ ॥
મથુરાયાં તથા ભાવી તવ પુત્રોઽચલો નૃપઃ ॥ ૧૩ ॥।
નગરં ખાણ્ડવપ્રસ્થં ભયાદિવિનિવર્જિતમ્ ॥
પાલયિષ્યતિ ધર્માત્મા પુત્રસ્તે ભીમવિક્રમઃ

દાનવેન્દ્રો મયઃ પૂર્વં ફાલ્ગુનેન પ્રયાસ્યતા ॥
મહાપ્રસ્થાનમિત્યુક્તો રાજંસ્ત્વત્પ્રિયકામ્યયા

યાવદ્વજ્રો મહીં ભુઙ્ક્તે ખાણ્ડવપ્રસ્થમાશ્રિતઃ ॥
તાવત્સભેયં સંરક્ષ્યા ત્વયા મદુપરોધતઃ

સેયં સંરક્ષ્યતે તેન પ્રતિજ્ઞાય ધનઞ્જયે ॥
ત્વયિ નાકમનુપ્રાપ્તે સભેયં મયશાસનાત્

હિમાચલં તુ નેષ્યન્તિ યત્ર બિન્દુસરં સરઃ ॥
રાક્ષસાઃ કિઙ્કરા નામ યત્તસ્માન્નિર્મિતા પુરા

ઉક્તં હિ તે કાલગતં મયૈતદાયુઃપ્રમાણં ચ તથા તવોક્તમ્ ॥
અતઃ પરં ધર્મભૃતાં વરિષ્ઠ વદસ્વ કિં તે કથયામિ રાજન્

ઇતિ શ્રીવિષ્ણુધર્મોત્તરે પ્રથમખણ્ડે મા૦ સં૦ યાનકાલવર્ણનો નામાશીતિતમોઽધ્યાયઃ